ئانا تىل مەكتەپلىرىنى قۇرۇش

nimjan

مەن ھەسەل سىتىۋالماقچىتىم ، كىم بىلەن ئالاقە قىلشىمەن .مەن ئاقسۇ ئاۋاتتىن.

Bilgier

مېنىڭچە، يەر ئىزدەۋەرمەي چىققان يەرنى ئىجارە ئېلىپ دەرىھال تۇتۇش قىلىش ياخشى. بىزدە ‹‹ ئالدىرىغان يەردە قالار››، ‹‹ قالدى ئىشقا قار ياغار››، ‹‹تۆمۈرنى قىززىقىدا سوق›› دىگەن گەپلەر بار. دەرىھال تۇتۇش قىلىش دىگىنىم بۇ ئىشنى ئالدىراپ ئىتتىك پىتتۈرۈش دىگەن مەنىدە بولماستىن، يەر ۋە ئورۇن مەسىلىسىدە، باھا مەسىلىسىدە كۆپ تاللىماي يەسلى ئېچىشقا مۇۋاپىق كەلسىلا ئېجارىگە ئېلىپ ئۇزۇن مۇددەتلىك توخـتاملىشىپ، بىسمىلا دەپ رەسمىيەتلىرىنى تولۇق قىلىپ يوچۇق كىرمەس، كىچىك تىپتىكى ( مۇلازىمەت ۋە ئوقۇتۇش جەھەتتە نىسبەتەن مۇكەممەل قىلىپ ) يەسلىنى بىر ئېچىلۋېلىش. دىمەكچى بولغىنىم، بىراقلا چوڭ كۆلەملىك ئېچىشقا كۈچىمەي، كىچىك تىپتىكى بولسىمۇ يۈرۈشتۈرۈپ كەتكەن ياخشى... كەينىدىن ئۈرۈمچىگە (جاي ئېھتىياجى بىلەن) ئىككى- ئۈچ تارمىقى ئېچىلسا بولىدۇ. ئاندىن بارا- بارا تۇرپان، كورلا، كۇچا، ئاقسۇ، قەشقەر، غۇلجا،... قاتارلىق يەرلەرگىمۇ تارمىقى ئېچىلسا بولىدۇ. ئەلبەتتە بۇ بىر يولدىلا بولۇپ كەتمەيدۇ، خەلقنىڭ قىزغىنلىكى ۋە ئېھتىياجى شىركەتنىڭ تەرەقىياتى بۇنى بەلگىلەيدۇ...
بۇ شىركەتنىڭ تەرەققىياتى شىركەتكە زور ئىختىسادىي ئۈنۈم، جەمىيەتكە مىسلىسىز ئىجتىمايى ئۈنۈم يارىتىدۇ،... شۇنىڭ بىلەن بىر ۋاقىتتا دۆلەتكە زور سوممىلىق باج تاپشۇرۇپ، ھۆكۈمەتكە قىممەت يارىتىدۇ. شىركەت قازانغان ئىختىساد، ئايلانما مەبلەغ سۈپىتىدە قايتا مەبلەغ سېلىنىدۇ، جەمىيەتتە ئىش كۈتۈپ تۇرغان ياشلار ئىش ئورۇنى قازىنىدۇ، (بەلكىم ئىلتىماس قىلغۇچىلاردىن ئادەم تاللاپ، يەسلى مائارىپىدا مەخسۇس پىروگرامما بويىنچە تەربىيلەتسىمۇ بولىدۇ، بۇ ھەقتە تەپسىلى ئايرىم يازاي) ئىشسىزلىق ئاز بولسىمۇ ئازايدى دىگەن گەپ جەمىيەت يۈكى مەلۇم دەرىجىدە يېنىكلىدى دىگەن گەپ، چۈشكۈنلۈك ئازايدى، ئىشەنچ ئاشتى جەمىيەت مۇقىملىقى قازىنىلدى دىگەن گەپ...
ھۆكۈمەت بۇ ئىشقا خوش بولسا، ئىتىبار بەرسە ۋە زور دەرىجىدە قۇۋەتلىسە بولىدۇ. رايۇنىمىزدەك يەرگە كارخانىلاشقان مائارىپ ھەقىقەتەنمۇ ئېھتىياجلىق. مەيلى قانداق كارخانا بولسۇن ئاممىۋىلىقى ، خەقنىڭ ئېھتىياجى بىلەن تەرەققىي قىلىدۇ. دۆلەت ئىچىدىكى شەخسىي مەكتەپلەرنىڭ، كەسپى مەكتەپلەرنىڭ قۇرۇلمىسىنى ئۆرنەك قىلىشقا بولىدۇ...
گەپنى قىسقا قىلسام، ئىشنى بىسمىلا دەپ باشلايلى. مۇنازىرە ۋە غۇلا-غۇلا بەك ئۇزۇنغا سوزۇلۇپ كەتمىسۇن، پەقەت قېيىنچىلىق بولسىلا ئوتتۇرىغا قويۇلۇپ، پىكىرلىشىلسە بولىدۇ.

akpar777

ئەگەر توردىن سىتىۋىلىشنى بىلمەيدىغان ياكى ۋاقىت ئالدىراشچىلىقى تۈپەيلىدىن قىينىلىۋاتقان دوسلار بولسا مەنبىلەن ئالاقىلىشىڭ، ئانا تىل مائارىپىنى قوللاش يۈزىسىدىن ئەمىلى ھەركىتىم ئارقىلىق تورداشلارغا ئەڭ تىز سۈرئەتتە يەتكۈزۈپ بىرىشكە تەييار مەن. شىنجاڭنىڭ ھەرقايسى جايلىرىدىكى يولداشلارغىمۇ يوللاپ بىرەلەيمەن.
13565830943    ئۈرۈمچى

matros

كىچىك ۋاقتىمدا تارىخ ئۆگەنگەندە  گىرمانلارنى ئايرىپ تۇرغان تامنىڭ بۇزىۋىتىلشىنى كىتاپقا يېزىپ قۇيۇشى شۇنچىلىك قىززىقارلىق تۇيۇلغان ئىدى. ئىچىمدە شۇنچىلىك ئىشنىمۇ داۋراڭ قىلىپ تارىخ كىتاپقا كىرگۈزۈش كىتەمدۇ دەپ ئويلىغان ئىدىم.   چوڭ بۇلۇپ  جەنۇبى شىمالىي كورىيەلەرنىڭ بىرلىككە كىلەلمەسلىكىنى بارا-بارا توغرا چۈشنىشكە باشلىدىم.
ھازىر ئويلىسام گىرمان تېمىنىڭ بۇزۋىتىلشىنى پۇتۇن دۇنيادا نەچچە مىڭ يىل داۋراڭ سالسىمۇ بۇلىدىغان ، ئۇنى خاتىرلەپ نەچچە يۈز پارچە رومان يازسىمۇ بولدىغان ئىشكەن دەپ ئويلاۋاتىمەن.
ئىزدىش مۇنبىرىدىكى ئاقىللارنىڭ باغداشقا كىرشىنى ئۈمۈد قىلمەن.
مەن گەرچە ئىزدىنشقا ئوتتەك مېھرىم بولسىمۇ باغداشقا كۆچتۈم .  ئىزدىنىشنىمۇ  يوقلاپ تۇرىمەن.  تاكى بۇ ئىككى مۇنبەر بىرلەشكەنگە قەدەر  بۇنداق ئۈزۈندىلەرنى ھەممىلا يەردە يازىمەن.   
ئىلگىرىمۇ نۇرغۇن مۇنبەرلەر بىرلەشكەن.  بۇ ئىككى مۇنبەرنىڭ بىرلىشەلمەسلىكىگە ئىشەنمەيمەن.     

13899196193

ئاللاھ رەھمەت قىلسۇن !

eltugh

بولسا  باشقۇرغۇچىلار سانداننى زاپاسلاپ قويۇڭلار!ھېچ بولمىسا مۇشۇ تېمىنى!

akpar777

تىل ھەر قانداق بىر مىللەتنىڭ مەۋجۇت بولۇپ تۇرۇشى ۋە مەدەنىيەت تەرەققىياتىدىكى ھەل قىلغۇچ ئامىللارنىڭ بىرى.بىر مىللەتنىڭ تىلى ئۆز نۆۋىتىدە شۇ مىللەتنىڭ تارىخىدۇر. بىر مىللەتنىڭ تارىخىغا نىسبەتەن ئۇستىخان-سۆڭەك، قەبرە-كېپەنلەرگە قارىغاندا تېخىمۇ جانلىق بىر پاكىت باركى، ئۇ بولسىمۇ دەل شۇ مىللەتنىڭ تىلىدۇر.

قولۇمغا تەلمۈرۈپ تۇرىدۇ چەتتە،
بايىلا ئاچچىقتىن ئېتىلغان قەلەم.
چاغلىغاچ بۇ پەيتنى ئاجايىپ پۇرسەت،
غەزەپلەر خىيالغا باسىدۇ قەدەم.

ئۆزۈمنى ھىچ قايىل قىلالماي ئۆزۈم،
يا بىرەر دىلكەشكە ئېيتالماي سۆزۈم.
ئامالسىز قەلەمگە تاياندىم يەنە،
بىرەر دەپ بۇ دەرتكە بىر داۋا – ئۈنۈم.

بىر سوراي: قىرىنداش مىللىتىڭ نىمە؟
ئاتاڭ كىم، ئاناڭ كىم، يۇرتۇڭ قەيەردە؟
تىلىڭچۇ، دىلىڭچۇ، دىنىڭچۇ يەنە؟
روھىڭنىڭ پاكلىقى سەرسان نەلەردە؟

كەلدىڭمۇ بۇ يۇرتقا بىلىم ئالاي دەپ؟
ۋە ياكى ئەسلىمنى ئۇنتۇپ قالاي دەپ؟
شۇ راۋان، يېقىملىق ئانا تىلىڭدىن،
كەپ قالسا مۆرىتى تىزراق تاناي دەپ؟

ھېلىمۇ تىلىمىز بولماقتا ئەبجەش،
يوقمىكىن بىزلەردە بىرەر ئەنسىرەش،
ئۆز تىلىدىن ئالدىراپ كەچكەن ئىنساننى،
جاكارلار دۇنيامۇ كۆرسىتىپ پەسكەش.

gunahkar

ئەسسالامۇ ئەلەيكۈم ئانا تىلنى قوغداپ قېلىش ئۈچۈن كۈچ چىقىرىۋاتقان ئەزىزلەر ! ئاللاھ قەدەملىرىڭلار بەرىكەتلىك قىلسۇن ! مۇرات مەخسەتلىرىڭلارغا يەتكۈزسۇن! دۇنيا ۋە ئاخىرەتتە ئەزىز قىلسۇن!
كەمىنە گۇناھكاردىن سىلەرگە ئېھتىرام!
بالىلارنى ئانا تىل مەكتىۋىدە ئوقۇتۇش ئارزۇسى ( ياق غېمى دېسەم توغرا بولغىدەك ! چۈنكى بۇ مەن ئۈچۈن ھازىرغىچە بىر غەم! ) مەن توي قىلىشتىن بۇرۇنلا مېنى قىينىغان ! ئەمما  مەندە مەن بالىلىق بولۇپ بالام مەكتەپ يېشىغا توشقىچە ............................................ بالىلىرىمىز ئۆز ئانا تىلىدا خاتىرجەم ئوقىيالايدىغان بىر   زامانلار كېلەر دېگەن ئۈمۈتتىمۇ بولغان . مانا ھازىر ئىككى بالىلىق بولدۇم چوڭى ئۈچ يىرىمگە كىردى ! دادام بالىنى يەسلىگە بېرىمىز دەيدۇ ، مەن بەرمەيمەن دەيمەن ! بەزىدە مۇشۇ ئىش توغۇرلۇق تاس قالىمىز ..................(مەن بالىنى <<قوش تىل >>يەسلىسىگە بەرگەننى قوزىنى چوشقىغا ئېمىتىشكە بەرگەندەكلا چۈشىنىمەن . ）
باغداش مۇنبىرىدىن ئانا تىل يەسلىسى قۇرۇش يولىدا دېگەن تېمىنى ئوقىغاندىن كېيىن بولۇپمۇ بۇ يەسلىنى قۇرۇش ئېغزاكى تەستىقلانغاندىن كېيىن خۇددى بۇ يەسلى ئىشىك ئالدىمدىلا قۇرۇلغاندەك خوش بولۇپ بۇ خەۋەرنى دېمىگەن ئادىمىم ئاز قالدى !ئۈمۈدۈمگە ئۈمۈت قېتىلدى .

ئۆزەم چالا ساۋات ئادەم بولغانچە باشقا قېرىنداشلاردەك سىلەرگە ھەر تەرەپتىن توغرا تەكلىپ پىكىر، ماددى ۋە مەنىۋى جەھەتتىن ياردەم قىلالمىغان بولساممۇ ئەممە  قانۇنى يول   باشلىق قېرىنداشلىرىمىزنىڭ ئىشلىرىنىڭ ئوڭۇشلۇق بولىشى  ئۈچۈن ئاللاھقا  يالۋۇرۇپ تۇرۇشنى ئۇنتىمىدىم! ئاللاھ خەيىرلىك ئىشلار ئۈچۈن قەدەم ئالغان شۇ قېرىنداشلىرىمىزغا ،ئائىلە تاۋابىئاتلىرىغا  قەۋىم قېرىنداشلىرىغا رەھمەت قىلسۇن! مۇرات مەقسەتلىرىگە يەتكۈزسۇن! ئۇلارنى بارچە يامانلىقلاردىن ساقلىسۇن!

تاغدىن باغدىن سۆزلەپ ئاخىرى ئاساسى مەخسەتكە كېلەي！ قېرىنداشلىرىم توغرا كۆرسە تېما ئەسلىدىكى يۆلىنىشىدە  يەنى ئانا تىل يەسلىسى ، مەكتىپى قۇرۇش يولىدا  ماڭسا  بىر - بىرىنىڭ مەخسەت مۇددىئالىرىنى خاتا چۈشۈنۈپ قالغان قېرىنداشلار گەپ بەك ئۇزىراپ كەتكىدەك بولسا بىر بىرى بىلەن قىسقا ئۇچۇر ياكى ئانا تىل چچ توپى دېگەندەك يەرلەردە پاراڭلاسشا !  قانۇنى يول ئەپەندىنىڭ مەكتەپ توغرىسىدىكى ئۇچۇرى بەزى بىر تالاش تارتىشلارىڭ ئارىسىدا كۆمۈلۈپ قالمىسۇن!  ئۇندىن باشقا ئانا تىل شىركىتى بازارغا سالغان  ئانا تىل ساپ ھەسىلى توغرىسىدا ئايرىم تېما يوللىنىپ ھەسەل سېتىش سېتىۋىلىش توغرىسىدىكى مەلۇماتلار شۇ يەردە يوللانسا ! (ھەسەلنى سېتىۋالغانلىق ئانا تىل مەكتىپىنى ئىقتىسادى جەھەتتىن قوللىغانلىق ، بۇنى بىلىمەن ،ئېنشا ئاللاھ پات يېقىندا سېتىۋالىمەن ھەم باشقىلارغا تەۋسىيە قىلىمەن )
ھەممىمىز بۇ تېمىدا دېققىتىمىزنى ئانا تىل مەكتىپىگە قاراتساق دېگەن ئۈمۈتتىمەن!  قېرىنداشلىرىمنىڭ  بۇ توغرىسىدا ئويلىنىپ بېقىشىنى تۆۋەنچىلىك بىلەن سورايمەن ! ئاخىرىدا قانۇنى يول ، گۈلەن ئەپەندىم باشلىق بارلىق ياخشى نىيەتلىك تورداشلىرىمنىڭ ئىشلىرىغا ئاللاھتىن نۇسرەت تەنلىرىگە سالامەت قەدەملىرىگە بەرگەت تىلەيمەن!

nawqogh

nawqogh يوللىغان ۋاقتى  2013-3-31 15:10
(قەشقەر ۋە ئاتۇشتىكى) توردىن سىتىۋىلىشنى بىلمەيدىغان ياكى ۋاقىت ئالدىراشچىلىقى تۈپەيلىدىن قىينىلىۋاتقان دوسلار بولسا مەن بىلەن ئالاقىلىشىڭ، ئانا تىل مائارىپىنى قوللاش يۈزىسىدىن ئەمىلى ھەركىتىم ئارقىلىق تورداشلارغا ئەڭ تىز سۈرئەتتە يەتكۈزۈپ بىرىشكە تەييار مەن.15276938077            كوت - كوت1939130169     ئانا تىلنى قوللايدىغان سىكايىپ skype: nawqogh        ئىشەنچ،،،ئىشەنچ...ئىشەنچ...

ماڭا توت كېشى ھەسەل ئالماقچى بۇلۇپ تىلفون قىلدى... مەن بىر بۇرادەرگە توردىن ئېلىپ بەردىم. قالغان ئۈچەيلەن گۇمانلاندى بولغاي يالتايدى.....ئۇلاردىن رەنجىمىدىم...

abdurahman0998

‹كېچە ئۇزۇن بولسا ، چۈش كۆپ بولۇر›                   -ئاتىلار سۆزى