ئۆي لەڭپۇڭى [ئادىرسىنى كۇچۇرۇش]

  لەمپۇڭ بىزدىكى قۇرۇق ئىسسىققا داۋا بولىدىغان ياخشى يېمەكلىك ھېسابلىنىدۇ، ئادەتتە پۇرچاق ئۇنىدا قىلىنغان لەمپۇڭ ئۇيۇتمىسى ئاسان ھەزىم بولمايدۇ، دەپ قارالغاچقا، تۆۋەندە بۇغداي ئۇنىدا تەييارلانغان لەمپۇڭنىڭ ئېتىلىش باسقۇچلىرىنى تونۇشتۇرۇپ ئۆتىمىز.
    500 گىرام ئۇننى ئېلىپ، ئىسسىق سۇ بىلەن يۇغۇرۇۋالغاندىن كېيىن، سۇدا مىجىپ سۈيىنى چىقىرىۋالىمىز. خېمىر سۈيى تىنغاندىن كېيىن، ئەڭ ئۈستىدىكى بىر قەۋەت سېرىق سۇنى تۆكۈۋېتىمىز. 2 – باسقۇچتا قازانغا 1.5 كىلوگرام ئەتراپىدا سۇ قۇيۇپ، قاينىغاندا مىجىۋالغان خېمىرنىڭ سۈيىنى تەكشى ئارىلاشتۇرغاچ ئالدىرىماي ئۈستىگە قۇيىمىز، ئاندىن ئوتتۇراھال ئوتتا ئارىلاشتۇرىمىز. 15 ~ 20 مىنۇت قاينىغاندىن كېيىن، چوڭ قاچىغا ئېلىپ سالقىن جايغا قويۇپ سوۋۇتىۋالىمىز، 100گىرام كالا گۆشىنى ئۇششاق توغراپ يېرىم چۈمۈچ مايدا پىششىق قورۇپ ئوتنى ئۆچۈرۈۋېتىپ چانالغان سامساق، قىزىل مۇچ ئۇنىنى سېلىپ تەكشى ئارىلاشتۇرۇپ، ئوتنى قايتا ياقىمىز، ئاندىن ئاچچىقسۇ، جاڭيۇ، كاۋاۋىچىن ئۇنى، قارمۇچلارنى سېلىپ بىرقاينىتىپ تەمىنى تەڭشىۋالىمىز، شۇنىڭ بىلەن تەملىك ئۆي لەمپۇڭى تەييار بولىدۇ.

كۆپ رەھمەت.

تىمىڭىزغا رەخمەت .

تازا ھىرىپ كەلگەندە.تاماق يىگىسى كەلمىگەندە لەڭپۇڭدىن ھۇزۇرلىنىپ بىر قاچا ئىچۋالغاندا ئادەمنىڭ ئىشتىھاسىنى ئىچۋىتىدە.
رەخمەت تېمىڭىزغا

ئائىلىدە ئۆزىمىز قىلىپ، سىناپ كۆرسەك بولغۇدەك ، ئەجرىڭىزگە تەشەككۇر .