كىم نامازغا كەلدى ؟ [ئۇلىنىشنى كوپىيەلەش]

بىر رامىزان كۈنى خەلىپە ھارۇن رەشىد بەھلۈل دانا ھەزرەتلىرىگە مۇنداق دېدى:_نامازشام ۋاقتىدا جامىگە بېرىپ، ناماز ئوقۇغان جامائەتنىڭ ھەممىسىنى ئىپتارغا چاقىرىپ كەلگىن.
نامازشام ۋاقتى بولغاندا ئەزان ئوقۇلدى. جامىدە بىر سەپتىن ئارتۇق جامائەت بار ئىدى. ناماز ئوقۇلۇپ بولغاندىن كېيىن بەھلۈل دانا ھەزرەتلىرى تۆت_بەش كىشىنى ئېلىپ ئوردىغا كەلدى.خەلىپە ھارۇن رەشىد ھەيران بولۇپ:
_ئاران مۇشۇنچىلىك كىشىمۇ؟ مەن سىلەرگە شام نامىزىنى ئوقۇغان كىشىلەرنىڭ ھەممىسىنى كەچلىك تاماققا تەكلىپ قىلىشىڭلارنى تاپىلىغان ئىدىم. شۇنچە كۆپ جامائەتنىڭ ئارىسىدىن ئاران مۇشۇنچىلىكلا كىشىنى ئېلىپ كەپسلەر.-دېدى.بەھلۈل دانا:_سۇلتانىم!سىلى ماڭا جامىگە كەلگەنلەرنى ئەمەس، ناماز ئوقۇغانلارنى ئىپتارغا چاقىرىپ كېلىشىمنى بۇيرىغان ئىدىلە.ناماز ئوقۇلۇپ بولغاندىن كېيىن جامىنىڭ ئىشىكىدە تۇردۇم ۋە چىقىۋاتقان ھەر كىشىدىن ئىمامنىڭ نامازدا قايسى سۈرىنى ئوقۇغانلىقىنى سورىدىم. جامائەتنىڭ ئىچىدىكى كۆپ سانلىق كىشى ئىمامنىڭ قايسى سۈرىنى ئوقۇغانلىقىنى دەپ بېرەلمىدى. پەقەت مەن بىلەن كەلگەن مۇشۇ كىشىلەرلا توغرا جاۋاپ بېرەلىدى.
جامىگە كەلگەن كىشى ناھايىتى كۆپ ئىدى. ئەمما نامازنى جايىدا ، توغرا ئوقۇغانلار پەقەت مۇشۇ دوسىتلىرىم ئىكەن .مەن سىلىنىڭ بۇيرۇقلىرىغا بىنائەن بۇ كىشىلەرنى ئوردىغا ئېلىپ كەلدىم.-دېدى.

مەنبە:-ناماز (ئىبادەتلىرىمنى ئۆگىنىمەن )ناملىق كىتاپتىن ئىلىندى.
ئاپتورى:-دوكتۇر رەجەپ ئۆزدىرەك
2008-يىل مارت ، ئىستانبۇل

توۋۋا مەنمۇ بەزىدە ئۇنتۇپ قالىمەن دىققەت قىلساق بولغۇدەك.

بىزگە چەكسىز رەھىم ئەيلىگەن،
تەۋبە قىلساق بىزنى كەچۈرگەن.
قەلبلەرنىڭ سىرىنى بىلگەن،
مەڭگۈ ھايات، ئاللاھ بۈيۈكتۇر.
     

قۇلىڭىزغا دەت كەلمىسۇن

ياخشى تىما يوللاپسىز مۇنبەردىشىم، نامازغا تۇرغاندا چىن ئىخلاس بولمىسا، شەيتان بەك ئاسانلا ئازدۇرىدۇ.

بارىكاللا تۇغرا يىزىپسىز تېمىڭىزغا رەخمەت

بەك توغرا يېزىپسىز رەخمەت تىمىڭزغا اللا ئەجرىڭزنى بەرسۇن ،
يەنمۇ مەزمۇنلۇق تىملانى يوللىشڭزغا تىلەكداشمىز .

شۇنداق،ھازىر ئۆزىمىز نامازدا لىكىن كاللىمىز پۇل تېپىشتا ياكى باشقا خىياللاردا،

ئاللاھ رەھمەت قىلسۇن، ئاللاھ خالىسا نامازلىرىمىزنى تەھدىل ئەركان بىلەن ئوقۇشقا تىرىشايلى قېرىنداشلار،

بۇ بىزگىمۇ ئىبرەت ئەلۋەتتە

بارىكاللا  رەخمەت قوللۇرىڭىزغا دەت كەلمىسۇن قىرىندىشىم