ئىسلام دىنىدىكى پەرزەنت تەربىيلەش توغرىسىدا [ئۇلىنىشنى كوپىيەلەش]

ئەسسالامۇ ئەلەيكۇم ھۆرمەتلىك مۇنبەرئەھلى مەن گەرچە ئاشپەزلىك توغۇرسىدا تىما يوللايدىگەن بولساممۇ لىكىن،ئاشپەزلىكتىن ئانچە خەۋرىم بولمىغاچقا،بۇ تىمىنىيوللىدىم مەخسىدىم ئازتولابولسىمۇ تورداشلارغا پايدىسى بولۇپقالسا ئەجەپ ئەمەس دەپ ئويلايمەن

بىسمىللاھىر رەھمانىر رەھىم
(ناھايىتى شەپقەتلىك ۋە مىھرىبان ئاللانىڭ ئىسمى بىلەن باشلايمەن)



        ئەسسالامۇ ئەلەيكۇم!
       ھۆرمەتلىك قىرىنداشلار،ھەممىمىزگە مەلۇمكى ئىنسانىيەت ھازىرقىدەك تەرەققى قىلىۋاتقان دەۋرگە قەدەم قويدى،بۇ دەۋر قانداق ئاتا-ئانىلارغا مۇھتاج؟قانداق قىلغاندا بۇ دەۋردە ھەممە جەھەتتىن تەڭ يىتىلگەن ئاتا-ئانا بولغىلى بولىدۇ؟مانا بۇ ھەر بىر ئاتا-ئانىنىڭ ئالدىغا قويۇلغان مۇھىم مەسلە بولۇپ قالدى،مىنىڭچە ،ھەر بىر ئاتا-ئانا ئىشلىرىنى ئاۋال ئۆزىدىن باشلىشى لازىم.چۈنكى ھەر بىر ئاتا-ئانىدا ھازىرقى دەۋرگە نىسبەتەن يىڭى كۆز قاراش،يىڭى كەيپىيات،يىڭى ئىنتىلىش،يىڭى تەپەككۇر بولمىغاندا پەرزەنت تەربىيلەش سۆزىدىن يىراقلاپ كىتىمىز.چۈنكى ئاتا-ئانىلار بالىلارنىڭ دەسلەپكى ئۇستازى.بۈگۈنكى كۈندە مىللىتىمىز ئىچىدە مۇتلەق كۆپ ساندىكى كىشلەرنىڭ بالىلىرىغا ھەر جەھەتتىن كۆيىنىشى كۈندىن كۈنگە كۈچىيىۋاتقان بولسىمۇ،ئەمما بەزىلەردە بۇ خىل روھ ئىنتايىن كەمچىل.
       يىقىنقى يىللاردىن بۇيان جەمىيەتنىڭ تەرەققى قىلىشى بىلەن تەڭ پەرزەنتلەر ئىگە-چاقىسىز،تەربىيسىز قىلىپ ئۇلار ھەرخىل يامان يوللاردا ماڭىدىغان،ئوقۇشقا قىزىقماي پۇلدىن باشقىنى ئويلىمايدىغان،مۇناپىق دەللاللىرىمىز تەرىپىدىن ئىچكىرىگە ئىلىپ كىتىلىپ يانچۇقچىلىقنى،ئاق چىكىشنى ئۈگىنىدىغان.....قاتارلىق ئىجتىماھى مەسلىلەرمۇ كۆپەيمەكتە.مانا بۇ پۈتۈن خەلقنىڭ ۋە ئاتا-ئانىلارنىڭ،مۇناسىۋەتلىك ئورۇنلارنىڭ كۆڭۈل بۆلۈشىگە تىگىشلىك مۇچىم مەسلە.
       ياش ئەۋلادلارغا ئىگە بولماسلىق،كۆيۈنمەسلىك،ئۇلارنى تەربىيلىمەسلىك ھەم ياراملىق ئادەم قىلىپ يىتىشتۈرمەسلىك ئىسلام دىنىنىڭ ئەخلاق پىرىنسىپلىرىغا مۇخالىپ.پەرزەنتلەرنى ئادەم قىلش ھەقىقەتەن سەل قارىغىلى بولمايدىغان مۇھىم مەسلە بولغاچقا ئىسلام دىنى بىز مۇسۇلمانلاردىن پەرزەنتلەرنى ئوبدان بىقىشنى ۋە تەربىيلەپ قاتارغا قىتىشنى كۈچلۈك تەلەپ قىلىدۇ.پەرزەنتلەرگە ئاتا-ئانىلىق مىھرى ۋە بۇرچىنى يەتكۈزمەسلىك خەلقىمىزنىڭ ئېتىقادى،غورۇر-ۋىجدانى،ئىنسانپەرۋەرلىكنى ئاساس قىلغان مىللى ئەنئەنىلىرىگىمۇ ئەزەلدىن زىت كىلىدۇ،چۈنكى پەرزەنتلەرنىڭ ھاياتى،تەقدىرى بىلەن ئوينىشىش ئۇلارنىڭ ئىستىقبالىنى تۈگەشتۈرگەندىن باشقا،ئاتا-ئانىسىنىڭ نام-شەرىپىگىمۇ ئۆچمەس داغ چۈشۈرىدۇ.شۇڭا بۇ ئىشقا ھەر بىر ئاتا-ئانا يۈكسەك مەسئۇلىيەتچانلىق بىلەن كۆڭۈل بۆلۈشى كىرەك.
      ئاللاھتائالا «قۇرئان كەرىم»دە مۇنداق دەيدۇ:«ئى مۆئمىنلەر!ئۆزەڭلارنى ۋە بالا-چاقاڭلارنى ئىنسان ۋە تاشلار يىقىلغۇ بولىدىغان،رەھىم قىلمايدىغان قاتتىق قول پەرىشتىلەر مۇئەككەل بولغان دوزاختىن ساقلاڭلار».تەھرىم سۈرىسى(66-سۈرە)6-ئايەت.مانا بۇ ئايەتتە ئاتا-ئانىلارنىڭ ئۆزلىرىنىڭ ۋە پەرزەنتلىرىنىڭ ئۈستىدىكى ھەقلىرىنى ئادا قىلىشنىڭ زۆرۈرلىكى ئوچۇق قەيت قىلىنغان.پەرزەنتلەر ئاللاھتائالانىڭ ئاتا-ئانىلار قولىغا تاپشۇرغان ئامانىتىدۇر،بۇ ئامانەتنىڭ ئاخىر ھىسابى بار.
        پەرزەنتلەرنى تەربىيلەشتە ئاتا-ئانىلار تۆۋەندىكىلەرگە ئەھمىيەت بىرىشى لازىم.
       1.بالا تۇغۇلغاندا ئالدى بىلەن ئىسلام دىنىغا ئۇيغۇن كىلىدىغان ياخشى ئىسىم قويۇشى لازىم.
       2.بالىنىڭ تىلى چىققاندا بالىغا ئالدى بىلەن ئىمان كەلىمىلىرىنى ئۈگىتىش كىرەك.
       3.بالىلارنى ئاتا-ئانىلارنى ھۆرمەتلەيدىغان،چوڭلارنى كۆرگەندە سالام قىلىدىغان،كىتاب ئوقۇشنى ياخشى كۆرىدىغان،ھەققانىيەتنى ياقلايدىغان،ئەمگەكنى سۆيىدىغان،پاكىزلىققا دىققەت قىلىدىغان،قىرىنداشلار ئارا ئىناق ئۆتىدىغان قىلىپ تەربىيلىشى لازىم.
       4.بالا تۆت ياش تۆت ئايلىق بولغاندا ئاتا-ئانا بالىنىڭ قولىدىن يىتىلەپ،ئۇنى ئىسلام دىنى بىلىملىرى بويىچە تەربىيلەشكە ئاپىرىپ بىرىشى،ئوقۇش يىشىغا توشقاندا ئۇنى مەكتەپكە بىرىشى،ئۇلارنىڭ ئۈگىنىش نەتىجىسىگە دىققەت قىلىشى ۋە ئىلھام بىرىشى،شارائىت يار بەرسە ئۇلارنىڭ دەرس تەييارلايدىغان ۋە ياتىدىغان ھوجرىسىنى ئايرىن قىلىپ بىرىشى كىرەك.
      5.بالاغەتكە يەتكەندىن كىيىنمۇ پەرزەنتلەرنىڭ ئىمان-ئىتىقادلىق،پەزىلەتلىك،بىلىملىك،يۈكسەك ئىرادىلىك،باتۇر،چىداملىق ئادەم بولۇشىنى قولغا كەلتۈرىشى،ئۆيلۈك-ئوچاقلىق بولۇشىغا ياردەمدە بولۇشى كىرەك.

مەنبە:ۋەز تەبلىغلەردىن.

ئاللا ئەجرىڭىزنى بەرسۇن ،،،،

ئاللا رەخمەت قىلسۇن  قېرىندىشىم  بەك  ياخشى  تىما  يوللاپسىز   توغرا  ھازىرقى  جەمىيەتتە  باللارغا  دىن بىلىملىرى  ئۇگۇتۇش  ئىشلىرى  تاشلىنىپ  قىلىۋاتىدۇ  دىققەت  قىلايلى  ئاتا ئانىلار   وزىمىز بولسىمۇ  باللىرىمىزغا ئىلىم  ئۇگۇتەيلى  ،،،،،چۇنكى  باللار دىگەن،،،يۇمران  نوتا  ،،،قاياققا  ئىگسەك  شۇيانغا  ئۆسىدۇ،،،،،،،،،،،،بىزلەر  ئا ئىلىمىز غا  بىر  پادىچى   ،،،،

ناھايىتى ياخشى تىمىكەن رەخمەت ، ئاللا ئەجرىڭىزنى بەرسۇن .

رەھمەت.ئاللاھ رەھمەت قىلسۇن

ھەممە يەردە شۇئار مۇقام توللا ،لىكىن شۇنى قىلىۋاتقانلار بەكلا ئاز،ھەممىمىز ئۆزىمىزدىن ئائىلىمىزدىن باشلايلى،.

رەھمەت.

شۇنداق لەييان بىز ھەممىدىن مۇيىمى ھەممەئىشنى ئۆز ئائىلىمىزدىن باشلىشىمىزكىرەك