قانداق كىشىلەر ھەمكارلىشىپ ئىگىلىك تىكلەشكە [ئۇلىنىشنى كوپىيەلەش]

قانداق كىشىلەر ھەمكارلىشىپ ئىگىلىك تىكلەشكە لايىق؟(ئۇدۇم)

    ئۆز ئالدىغا ئىگىلىك تىكلىگۈچىلەر ئۈچۈن ئىگىلىك تىكلەشنىڭ خەتىرى تولىمۇ چوڭ، شۇڭا نۇرغۇن ئىگىلىك تىكلىگۈچى باشقىلار بىلەن ‹‹ھەمكارلىشىپ ئىگىلىك تىكلەش››نى ياخشى كۆرىدۇ. ئۆزىگە ماس كەلگەن ھەمكارلاشقۇچى ئىگىلىك تىكلەشتىكى مۇۋەپپەقىيەت قازىنىش نىسبىتىنى ئاشۇرىدۇ. تۆۋەندىكى كىشىلەر ھەمكارلىشىپ ئىگىلىك تىكلەشكە تولىمۇ ماس كېلىدۇ.
    بىرىنچى، يۇقىرى – تۆۋەنلىك مۇناسىۋىتى بار كىشىلەر
    بۇنداق كىشىلەر ئۆزئارا ‹‹ھەمكارلىشىپ ئىگىلىك تىكلەش ››كە تولىمۇ ماس كېلىدۇ. بۇنداق كىشىلەر بۇرۇندىنلا يۇقىرى – تۆۋەنلىك مۇناسىۋىتىدە بولغاچقا، ئۆز ئارا چۈشىنىدۇ، ئۆزئارا ئىشىنىدۇ، ھوقۇق ۋە پايدا تالاشمايدۇ، ئىگىلىك تىكلەشنىڭ يادروسى ئىلگىرىكى ‹‹رەھبەر››، باشقا خىزمەتچىلەر ئىلگىرى بۇ ‹‹رەھبەر››نىڭ قول ئاستىدا ئىشلەيدىغانلار بولغاچقا، بۇنداق ئىگىلىك تىكلەش كوللېكتىپىنىڭ ئۇيۇشۇشچانلىقى كۈچلۈك بولىدۇ.
    ئىككىنچى، ئوتتۇرا مەكتەپتىكى ساۋاقداشلار
    ئوتتۇرا مەكتەپتىكى ساۋاقداشلىق مېھرى ئەڭ ساپ، ئەڭ سەمىمىي ھېسسىياتتۇر. ئوتتۇرا مەكتەپتىكى ساۋاقداشلارنىڭ ‹‹ھەمكارلىشىپ ئىگىلىك تىكلەش››تىكى كوللېكتىپ ھېسسىياتى تولىمۇ مۇستەھكەم بولىدۇ، مۇۋەپپەقىيەت قازىنىشنىڭ ئۈنۈمىمۇ يۇقىرى بولىدۇ.
    ئۈچىنچى، يۇرتداشلار
    جۇڭگودا يۇرتداشلىقنىڭ مۇھىملىقى كىشىلەرنىڭ ئويلىغىنىدىن ئېشىپ چۈشكەن بولۇپ، نۇرغۇن ‹‹ھەمكارلىشىپ ئىگىلىك تىكلىگۈچى›› يۇرتداشلارنى ھەمكارلاشقۇچى قىلىپ تاللاپ، يۇرتداش، مەكتەپداش، تۇغقان، دوستلار ئارىسىدىكى مۇناسىۋەتتىن شەكىللەنگەن ‹‹ئىگىلىك تىكلەش كوللېكتىپى››نى تەشكىللەيدۇ.
    بۇنداق ئىگىلىك تىكلەش كوللېكتىپى ھەر بىر ئىگىلىك تىكلىگۈچىنىڭ ئالاھىدىلىكى ۋە ئارتۇقچىلىقىنى تولۇق جارى قىلدۇرۇشقا ئالاھىدە ئەھمىيەت بېرىدۇ، مۇۋەپپەقىيەت قازىنىش نىسبىتىمۇ يۇقىرى بولىدۇ. لېكىن بۇ كوللېكتىپنىڭ ئىچكى قىسمىدىكى ھېسسىيات ئوتتۇرا مەكتەپتىكى ساۋاقداشلار كوللېكتىپنىڭ ئىچكى قىسمىدىكى ھېسسىياتقا يەتمەيدۇ، يۇرتداشلار كوللېكتىپىدىكى ھەر بىر ئىگىلىك تىكلىگۈچى ‹‹ھوقۇق›› ئىگىلەشنى، ‹‹خوجا›› بولۇشنى ئويلايدۇ. شۇڭا، بۇنداق ئىگىلىك تىكلەش كوللېكتىپى ئىش باشلىغان ھامان يۇقىرى قاتلام رەھبەرلىرىنىڭ ‹‹ئالمىشىشى››، ‹‹چېكىنىپ چىقىشى›› ۋە ‹‹ئىز باسار››لىق تۈزۈمىنى ياخشى بېكىتىپ، ئىچكى قىسىمدا يۈز بېرىشى مۇمكىن بولغان زىددىيەتلەرنىڭ ئالدىنى ئېلىشى لازىم.
    تۆتىنچى، ئوخشاش ۋاقىتتا زاۋۇتقا كىرگەن كىشىلەر
    نۇرغۇن چوڭ، ئوتتۇرا كارخانا خىزمەتچى قوبۇل قىلغاندا تۈركۈملەپ قوبۇل قىلىدۇ، شۇنداقلا ئىشقا چۈشۈشتىن ئاۋۋال يېڭى خىزمەتچىلەرنى تەربىيەلەيدۇ، پىراكتىكا قىلغۇزىدۇ. خىزمەتچىلەر كوللېكتىپ تاماق يەيدۇ، كوللېكتىپ ياتاقتا ياتىدۇ، بۇ يېڭى خىزمەتچىلەرنىڭ باشقا خىزمەتچىلەرنى چۈشىنىشىگە ۋە تونۇشىغا تولىمۇ پايدىلىق، شۇنداقلا كېيىنكى ‹‹ھەمكارلىشىپ ئىگىلىك تىكلەش››كە ياخشى ئاساس سالىدۇ.
    ئوخشاش ۋاقىتتا زاۋۇتقا كىرگەن خىزمەتچىلەر كەلگۈسىدە ئاسانلا ‹‹ھەمكارلىشىپ ئىگىلىك تىكلەش›› كوللېكتىپىنى تەشكىللەيدۇ. بۇنداق ئىگىلىك تىكلەش كوللېكتىپىنىڭ مۇۋەپپەقىيەت قازىنىش ئېھتىماللىقى يۇقىرى بولىدۇ.
تاڭنۇر ئابدۇرۇپ تەرجىمىسى

مەنبە : شىنجاڭ گېزىتى

ھەممىسىلا ئەمىلىيەتكە ماس كىلىشى ناتايىن جۇمۇ!ئەمىلى قول سېلىپ ئىشلىگەنگە يەتمەيدۇ ھەقىچان............

مىنىڭچە ھازىرقى كارخنچىلامۇ ئۇقۇپ چىقسا دەيمەن

بۇ لايىھە بەكىلا ياخىشى ئىكەن .