ئىسرائىلىيە ئوتتۇرا شەرقتە تۈركىيىدىن ياخشىراق دوست تاپالمايدۇ.!!! [ئۇلىنىشنى كوپىيەلەش]

                        ئىسرائىلىيە ئوتتۇرا شەرقتە تۈركىيىدىن ياخشىراق دوست تاپالمايدۇ.!!!
                    
            باش ئەلچى نامىك تان، ئىسرائىلىيىنىڭ ئوتتۇرا شەرقتە تۈركىيىدىن ياخشىراق دوست تاپالمايدىغانلىقىنى ئېيتتى.!
رەسىم :

تۈركىيە ئاۋازى رادىئوسى خەۋىرى: تۈركىيىنىڭ تېل ئاۋىۋدە تۇرۇشلۇق باش ئەلچىسى نامىك تان، ئىسرائىلىيىنىڭ ئوتتۇرا شەرقتە تۈركىيىدىن ياخشىراق دوست تاپالمايدىغانلىقىنى ئېيتتى.

باش ئەلچى تان، تېل ئاۋىۋدە ئۆتكۈزۈلگەن بىر يىغىننىڭ ئېچىلىش نۇتقىنى سۆزلىگەندە، ئىسرائىلىيە بىلەن ئورنىتىلغان ئىستىراتېگىيىلىك مۇناسىۋەتلەرنىڭ تۈركىيە ئۈچۈنمۇ ئاچقۇچلۇق رول ئوينايدىغانلىقىنى بىلدۈردى.

باش ئەلچى تان «بۇ مۇناسىۋەتلەر، يالغۇز ئىسرائىلىيە ۋە تۈركىيە ئۈچۈنلا ئەمەس، رايون ۋە دۇنيادىمۇ مۇھىم ئەھمىيەتكە ئىگە. ئۇنىڭدىن سىرت بۇ مۇناسىۋەتلەرنىڭ ئاساسى ناھايىتى ساغلام» دېدى.

مەنبە؛تۈرك ئاخبارات تورى
تۈركىيىنىڭ، ئىسرائىلىيە بىلەن سۈرىيە ئوتتۇرىسىدا ئۇزۇندىن بىرى داۋاملاشتۇرۇپ كەلگەن مۇرەسسەلەشتۈرۈش يولىدىكى تىرىشچانلىقلىرىنى داۋاملاشتۇرۇشنى خالايدىغانلىقى بىلدۈرگەن باش ئەلچى تان، ئىسرائىلىيە ۋە سۈرىيىنىڭمۇ مۇزاكىرە ئۈستىلىگە يېڭىدىن ئولتۇرۇشنى قۇبۇل قىلىشى كېرەكلىكىنى بىلدۈردى.

باش ئەلچى تان، ئىككى دۆلەت مۇناسىۋەتلىرىنىڭ بەزى ئۆزگىرىشلەرنىڭ تەسىرىگە ئۇچرىشىنىڭ مۇمكىنلىكىنى قەيت قىلغان ھالدا، «ھېچكىم دۆلەتلەر ئوتتۇرىسىدىكى مۇناسىۋەتلەرنىڭ پەقەت بوزۇلمايدىغانلىقى چۈشەنچىسىگە كېلىپ قالماسلىقى لازىم. كىمنىڭ نېمە دېگەنلىكى مەسىلىسىنى تىلغا ئالغۇم يوق. بۇنىڭ ئەمدى ئەھمىيىتى قالمىدى، دەپ قارايمەن. كەلگۈسىگە نەزەر تاشلاش كېرەك» دېدى.

سۆزىدە رايوندا ئېلىپ بېرىلىۋاتقان تىنچلىق ھەرىكىتى ئورنىتىش تىرىشچانلىقلىرىنىمۇ تىلغا ئالغان باش ئەلچى تان، ئەنقەرەنىڭ، ھاماسنىڭمۇ تىنچلىق ھەرىكىتى مۇزاكىرىلىرىگە قاتنىشىشىنى زۆرۈر، دەپ قارايدىغانلىقىنى بىلدۈرۈپ، «ھاماس بىر رېئاللىق. ئۇنىڭسىز تىنچلىق ئورنىتىش مۇمكىن ئەمەس. قۇبۇل قىلغىلى بولمايدىغان ئىشلارنى سادىر قىلغانلىقىنى بىلىمىز، شۇنداق بولسىمۇ يەنىلا تىنچلىق مۇزاكىرىلىرىگە ئىشتىراك قىلىشلىرى كېرەك» دېدى.

ئىسرائىلىيە مۇداپىئە مىنىستىرلىكى دىپلوماتىيە ۋە خەۋپسىزلىك بۆلۈمىنىڭ باشلىقى ئاموس گىلادمۇ، تۈركىيىنى «تېررورلۇققا قارشى كۆرەش قىلىۋاتقان دۆلەتلەر ئۈچۈن مۇھىم ئۈلگە» دەپ كۆرسەتتى.

تۈركىيىنىڭ، كىم ۋە قەيەردىن كەلگەن بولۇشىدىن قەتئىي نەزەر تېررورلۇق ھەرىكەتلىرىگە قارشى كۆرەش قىلىش سىياسىتى يۈرگۈزۈۋاتقانلىقىنى بايان قىلغان گىلاد، «تۈركىيىنىڭ تېررورىزمغا قارشى قەتئىي كۈرىشى، ئىسرائىلىيە دۆلىتى ئۈچۈن ناھايىتى مۇھىم» دېدى.

مەنبە؛تۈرك ئاخبارات تورى.

  بەك   ئەھمىيەتلىك  خەۋەركەن  ،   رەھمەت  سىزگە !