ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/38505003.html

ﻣﯘﺭﺍﺕ ﻧﺎﺳﯩﺮﻭﯞ .;
ﺭﻭﺳﺴﯩﻴﯩﻨﯩﯔ ﭘﺎﻳﺘﻪﺧﺘﻰ ﺩﯗﻧﻴﺎﻏﺎ ﺩﺍﯕﻠﯩﻖ ﻣﻮﺳﻜﯟﺍﺩﯨﻦ ﺋﯩﺒﺎﺭﻩﺕ ﺑﯩﺮ ﭼﻮﯓ ﺷﻪﮬﻪﺭﺩﻩ ﺳﻪﻧﺌﻪﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﯩﻨﯩﯔ ﭘﻪﺧﯩﺮﻟﯩﻚ ﺋﻮﻏﻠﻰ -- ﻣﯘﺭﺍﺕ ﺋﯩﺴﻤﺎﻳﯩﻞ ﺋﻮﻏﻠﻰ ﻧﺎﺳﯩﺮﻭﯞ 1969- ﻳﯩﻠﻰ ﻗﺎﺯﺍﻗﯩﺴﺘﺎﻧﻨﯩﯔ ﺋﻪﯓ ﭼﻮﯓ ﺷﻪﮬﯩﺮﻯ (ﺑﯘﺭﯗﻧﻘﻰ ﭘﺎﻳﺘﻪﺧﺘﻰ) ﺋﺎﻟﻤﯘﺗﺎ ﺷﻪﮬﯩﺮﯨﺪﻩ ﺑﯩﺮ ﺳﻪﻧﺌﻪﺗﻜﺎﺭ ﺋﺎﺋﯩﻠﯩﺪﻩ ﺩﯗﻧﻴﺎﻏﺎ ﻛﻪﻟﺪﻯ. ﺋﯘﻧﯩﯔ ﺳﻪﻧﺌﻪﺗﺘﯩﻜﻰ ﻗﺎﺑﯩﻠﯩﻴﯩﺘﯩﻨﯩﯔ ﻳﯧﺘﯩﻠﯩﺸﯩﮕﻪ ﺩﺍﺩﯨﺴﯩﻨﯩﯔ ﺗﻪﺳﯩﺮﻯ ﺯﻭﺭ ﺑﻮﻟﻐﺎﻥ. ﺩﺍﺩﯨﺴﻰ ﺋﯩﺴﻤﺎﻳﯩﻞ ﻧﺎﺳﯩﺮﻭﯞ ﺋﻪﺳﻠﻰ ﻛﻪﺳﭙﯩﻲ ﺳﻪﻧﺌﻪﺗﻜﺎﺭ ﺋﯩﺪﻯ. ﺋﯩﺴﻤﺎﻳﯩﻞ ﺋﺎﻛﺎ ﻗﻪﺷﻘﻪﺭﺩﻩ ﺩﯗﻧﻴﺎﻏﺎ ﻛﻪﻟﮕﻪﻥ، 1940-ﻳﯩﻠﻼﺭﺩﯨﻦ ﺑﺎﺷﻼﭖ ﻗﻪﺷﻘﻪﺭ، ﺋﺎﻗﺴﯘ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺳﻪﻧﺌﻪﺕ ﮔﯘﺭﯗﭘﭙﯩﻠﯩﺮﯨﺪﺍ ﺋﯩﺸﻠﯩﮕﻪﻥ. 1945- ﻳﯩﻠﻰ 8-ﺋﺎﻳﻼﺭﺩﺍ ﭘﻮﺩﭘﻮﻟﻜﻮﯞﻧﯩﻚ ﺳﻮﭘﺎﺧﻮﻥ ﺑﺎﺷﭽﯩﻠﯩﻘﯩﺪﯨﻜﻰ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺑﯩﺮ ﮔﯘﺭﯗﭘﭙﯩﺴﻰ ﺋﺎﻗﺴﯘﻧﻰ ﻗﻮﺭﺷﺎﯞﻏﺎ ﺋﺎﻟﻐﺎﻧﺪﺍ، ﺋﯩﺴﻤﺎﻳﯩﻞ ﺋﺎﻛﺎ ﻣﯩﻠﻠﯩﻲ ﺋﺎﺭﻣﯩﻴﯩﮕﻪ ﭘﯩﺪﺍﺋﯩﻲ ﺑﻮﻟﯘﭖ ﻛﯩﺮﺩﻯ. 1945-ﻳﯩﻠﻰ 10- ﺋﺎﻳﺪﺍ ﻣﯩﻠﻠﯩﻲ ﺋﺎﺭﻣﯩﻴﻪ ﺑﯩﻠﻪﻥ ﻏﯘﻟﺠﯩﻐﺎ ﻗﺎﻳﺘﯩﭗ، ﺋﺎﺭﻣﯩﻴﯩﻨﯩﯔ ﺳﻪﻧﺌﻪﺕ ﺋﯚﻣﯩﻜﯩﺪﻩ ﺋﯩﺸﻠﻪﭖ، ﺳﻪﻧﺌﯩﺘﯩﻤﯩﺰ ﺋﯜﭼﯜﻥ ﺗﯧﮕﯩﺸﻠﯩﻚ ﺗﯚﮬﭙﯩﻠﻪﺭﻧﻰ ﻗﻮﺷﯘﭖ، "ﺋﯜﭺ ﯞﯨﻼﻳﻪﺕ" ﮬﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ "ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﺎﺭﺗﯩﺴﺖ" ﺩﯦﮕﻪﻥ ﭘﻪﺧﯩﺮﻟﯩﻚ ﻧﺎﻣﻼﺭﻧﻰ ﻗﺎﺯﺍﻧﻐﺎﻥ!... ﺋﯩﺴﻤﺎﻳﯩﻞ ﻧﺎﺳﯩﺮﻭﯞ 1958- ﻳﯩﻠﻰ ﺋﺎﺋﯩﻠﯩﺴﻰ ﺑﻮﻳﯩﭽﻪ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﭼﯩﻘﯩﭗ ﺋﺎﻟﻤﯘﺗﺎ ﺷﻪﮬﯩﺮﯨﮕﻪ ﻣﺎﻛﺎﻧﻼﺷﻘﺎﻥ.  

ﻣﯘﺭﺍﺗﻨﯩﯔ ﺳﻪﻧﺌﻪﺕ ﮬﺎﻳﺎﺗﯩﻤﯘ ﻣﺎﻧﺎ ﻣﯘﺷﯘ ﺋﺎﺋﯩﻠﯩﺪﯨﻜﻰ ﺳﻪﻧﺌﻪﺕ ﻣﯘﮬﯩﺘﯩﻨﯩﯔ ﺗﻪﺳﯩﺮﯨﺪﻩ، ﻳﻪﺳﻠﻰ ﯞﻩ ﻣﻪﻛﺘﻪﭘﺘﯩﻜﻰ ﭼﺎﻏﻠﯩﺮﯨﺪﯨﻦ ﺑﺎﺷﻼﭖ ﻛﯚﺭﯛﻟﯜﺷﻜﻪ ﺑﺎﺷﻠﯩﻐﺎﻥ. 18 ﻳﯧﺸﯩﺪﺍ ﺋﺎﺭﻣﯩﻴﻪ ﺳﯧﭙﯩﮕﻪ ﻗﺎﺗﻨﯩﺸﯩﭗ، ﺑﯘ ﺟﺎﻳﺪﯨﻤﯘ ﺗﺎﻻﻧﺘﯩﻨﻰ ﺟﺎﺭﻯ ﻗﯩﻠﺪﯗﺭﯗﭖ، ﺳﻪﻧﺌﻪﺕ ﻛﯘﺭﮊﯗﻛﻰ ﻗﯘﺩﻯ. ﮬﻪﺭﺑﯩﻲ ﻣﻪﺟﺒﯘﺭﻳﯩﺘﻰ ﺋﺎﻳﺎﻗﻼﺷﻘﺎﻧﺪﺍ ﻣﻮﺳﻜﯟﺍﻟﯩﻖ ﺳﻪﺑﺪﺍﺷﻠﯩﺮﻯ ﻣﯘﺭﺍﺗﻨﯩﯔ ﻗﺎﺑﯩﻠﯩﻴﯩﺘﯩﮕﻪ ﻗﺎﻳﯩﻞ ﺑﻮﻟﯘﭖ ﺋﯘﻧﻰ ﻣﻮﺳﻜﯟﺍﻏﺎ ﺑﯧﺮﯨﭗ ﺋﻮﻗﯘﺷﻘﺎ ﺩﻩﯞﻩﺕ ﻗﯩﻠﯩﺪﯗ. ﻣﯘﺭﺍﺕ ﺗﻪﯞﻩﻛﻜﯜﻝ ﻗﯩﻠﯩﭗ، ﺋﯚﻳﯩﮕﻪ ﻗﺎﻳﺘﻤﺎﺳﺘﯩﻦ ﺋﯘﺩﯗﻝ ﻣﻮﺳﻜﯟﺍﻏﺎ ﺑﯧﺮﯨﭗ، ﺋﯚﺯ ﺗﯩﺮﯨﺸﭽﺎﻧﻠﯩﻘﻰ ﺑﯩﻠﻪﻥ ﮔﻨﯧﺴﻮﯞ ﻧﺎﻣﯩﺪﯨﻜﻰ ﻣﯘﺯﯨﻜﺎ ﺋﯩﻨﺴﺘﯩﺘﯘﺗﯩﻐﺎ ﺋﻮﻗﯘﺷﻘﺎ ﻛﯩﺮﯨﭗ، ﺋﯘﻧﻰ 1996-ﻳﯩﻠﻰ ﭘﯜﺗﺘﯜﺭﮔﻪﻥ. ﻣﻮﺳﻜﯟﺍﺩﯨﻜﻰ ﺋﻮﻗﯘﺵ ﮬﺎﻳﺎﺗﻰ ﺋﯘﻧﯩﯔ ﺋﯜﭼﯜﻥ ﺋﺎﺳﺎﻧﻐﺎ ﭼﯜﺷﻤﯩﮕﻪﻥ ﺑﻮﻟﯘﭖ، ﺋﺎﺗﺎ-ﺋﺎﻧﯩﺴﯩﻨﻰ ﺋﯩﻘﺘﯩﺴﺎﺩﯨﻲ ﻣﻪﻧﺒﻪ ﻗﯩﻠﯩﺸﻨﻰ ﻧﻮﻣﯘﺱ ﺩﻩﭖ ﺑﯩﻠﮕﻪﻥ ﺑﯘ ﺋﯘﻳﻐﯘﺭ ﻳﯩﮕﯩﺘﻰ ﺑﯩﺮ ﺗﻪﺭﻩﭘﺘﯩﻦ ﺋﻮﻗﯘﭖ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯧﻐﯩﺮ-ﻳﯧﻨﯩﻚ ﺟﯩﺴﻤﺎﻧﯩﻲ ﺋﯩﺸﻼﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ، ﺗﯘﺭﻣﯘﺵ ﺭﺍﺳﺨﻮﺩﯨﻨﻰ ﺋﯚﺯﻯ ﮬﻪﻝ ﻗﯩﻠﻐﺎﻥ. ﺋﯘ، ﻗﯩﻴﯩﻨﭽﯩﻠﯩﻘﻘﺎ ﺑﺎﺵ ﺋﻪﮔﻤﻪﻱ، ﺗﯩﺮﯨﺸﯩﭗ ﺋﯚﮔﯩﻨﯩﺸﻨﻰ ﺩﺍﯞﺍﻣﻼﺷﺘﯘﺭﻏﺎﻧﻠﯩﻘﻰ ﺋﯜﭼﯜﻥ ﺋﯘﻧﯩﯔ ﺗﺎﻻﻧﺘﻰ ﺗﯧﺰﺩﯨﻨﻼ ﻣﻪﻛﺘﻪﭖ ﺭﻩﮬﺒﻪﺭﻟﯩﺮﻯ، ﺋﻮﻗﯘﺗﻘﯘﭼﯩﻼﺭﻧﻰ ﺷﯘﻧﯩﯖﺪﻩﻙ ﺋﯘﺳﺘﺎﺯﻟﯩﺮﯨﻨﻰ ﻗﺎﻳﯩﻞ ﻗﯩﻠﻐﺎﻥ.  

ﻣﯘﺭﺍﺕ ﻧﺎﺳﯩﺮﻭﯞ 1991- ﻳﯩﻠﻰ ﻳﺎﻟﺘﺎ ﺷﻪﮬﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﻮﻳﯩﭽﻪ ﻳﺎﺷﻼﺭ ﻓﯧﺴﺘﯩﯟﺍﻟﯩﻐﺎ ﻗﺎﺗﻨﯩﺸﯩﺶ ﭘﯘﺭﺳﯩﺘﯩﮕﻪ ﺳﺎﺯﺍﯞﻩﺭ ﺑﻮﻟﻐﺎﻥ ﮬﻪﻣﺪﻩ ﭘﻮﭖ ﻧﺎﺧﺸﺎ ﺗﯜﺭﻟﯩﺮﻯ ﺑﻮﻳﯩﭽﻪ ﺑﯩﺮﯨﻨﭽﻰ ﺋﻮﺭﯗﻧﻨﻰ ﺋﯩﮕﻪﻟﻠﻪﭖ، ﺋﺎﻟﺘﯘﻥ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ. ﻳﺎﻟﺘﯩﺪﺍ ﻗﻮﻟﻐﺎ ﻛﻪﻟﮕﻪﻥ ﻣﻪﺯﻛﯘﺭ ﺯﻭﺭ ﻧﻪﺗﯩﺠﯩﺪﻩ ﻣﯘﺭﺍﺗﻨﯩﯔ ﺳﻪﻧﺌﻪﺕ ﮬﺎﻳﺎﺗﯩﻐﺎ ﺋﯩﻠﮭﺎﻡ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﺋﯘﻧﯩﯔ ﻣﻮﺳﻜﯟﺍ ﺳﻪﻧﺌﻪﺗﻜﺎﺭﻟﯩﺮﻯ ﺋﺎﺭﯨﺴﯩﺪﺍ ﺗﻮﺋﯘﻧﯘﻟﯘﺷﻰ ﮬﻪﻡ ﺋﯘﻻﺭﻧﯩﯔ ﺩﯨﻘﻘﻪﺕ ﻗﯩﻠﯩﺸﯩﻐﺎ ﻳﻮﻝ ﺋﺎﭼﻘﺎﻥ. ﻣﯘﺭﺍﺕ ﺑﯩﺮ ﻳﺎﻗﺘﯩﻦ ﺋﻮﻗﯘﭖ ﻳﻪﻧﻪ ﺑﯩﺮ ﻳﺎﻗﺘﯩﻦ ﺋﯚﺯﯨﻨﯩﯔ "ﻳﯧﯖﻰ ﭘﻮﺭﺕ" ﻧﺎﻣﻠﯩﻖ ﻧﺎﺧﺸﺎ-ﻣﯘﺯﯨﻜﺎ ﮔﯘﺭﯗﭘﭙﯩﺴﯩﻨﻰ (ﺗﻮﭘﯩﻨﻰ) ﻗﯘﺭﯗﭖ، ﺋﯘﻧﯩﯖﻐﺎ ﺋﯚﺯﻯ ﻳﯧﺘﻪﻛﭽﯩﻠﯩﻚ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ ﻛﻮﻧﺴﯧﺮﺗﻼﺭ ﺋﯚﺗﻜﯜﺯﯛﺷﻜﻪ ﺑﺎﺷﻠﯩﻐﺎﻥ ﺷﯘﻧﯩﯖﺪﻩﻙ ﻳﻪﻧﻪ ﺑﻪﺯﻯ ﻛﯩﻨﻮ ﯞﻩ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﯨﻨﯩﯔ ﻣﯘﺯﯨﻜﯩﺴﯩﻨﻰ ﺋﯩﺸﻠﻪﭖ، ﻧﺎﺧﺸﯩﻠﯩﺮﯨﻨﻰ ﺋﯧﻴﺘﯩﭗ ﺑﻪﺭﮔﻪﻥ. ﺑﯘﻻﺭﻧﯩﯔ ﮬﻪﻣﻤﯩﺴﻰ ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﺋﯘﻧﯩﯔ ﺋﺎﺗﺎﻗﻠﯩﻖ ﭼﻮﻟﭙﺎﻧﻼﺭﻧﯩﯔ ﺑﯩﺮﯨﮕﻪ ﺋﺎﻳﻠﯩﻨﯩﺸﯩﻨﯩﯔ ﺋﺎﺳﺎﺳﯩﻨﻰ ﻳﺎﺭﺍﺗﻘﺎﻥ ﺋﯩﺪﻯ.  
  
ﻣﻮﺳﻜﯟﺍﺩﻩﻙ ﻳﺎﺗﻼﺭﻧﯩﯔ ﺷﻪﮬﯩﺮﯨﺪﻩ ﺋﻮﺯﯗﭖ ﭼﯩﻘﯩﺶ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺭﯗﺱ ﺗﯩﻠﯩﺪﺍ ﻧﺎﺧﺸﺎ ﺋﯧﻴﺘﯩﭗ ﺗﻮﻧﯘﻟﯘﺵ ﺯﯙﺭﯛﺭ ﺑﻮﻟﻐﺎﻧﻠﯩﻘﺘﯩﻦ، ﺋﯘ ﺗﯩﻨﯩﻤﺴﯩﺰ ﺋﯩﺰﺩﻩﻧﺪﻯ. ﺋﯘﻧﯩﯔ ﺋﺎﺭﺯﯗﻟﯩﺮﻯ ﯞﻩ ﺗﯩﺮﯨﺸﭽﺎﻧﻠﯩﻘﻠﯩﺮﻯ 1997-ﻳﯩﻠﯩﺪﯨﻦ ﻛﯧﻴﯩﻦ ﺑﯩﺮﺩﯨﻨﻼ ﺋﻪﻣﻪﻟﮕﻪ ﺋﺎﺷﺘﻰ. ﺋﯘﻧﯩﯔ ﻧﺎﻣﻰ ﺑﯩﺮﺩﯨﻨﻼ ﭘﯜﺗﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﮬﻪﻣﺪﻭﺳﺘﻠﯘﻗﯩﻐﺎ ﻛﻪﯓ ﺗﻮﻧﯘﻟﺪﻯ. ﺋﯘ، <<ﺗﺎﻣﺒﻮﯞﻏﺎ ﺑﺎﺭﻣﺎﻗﭽﻰ ﺑﻮﻟﻐﺎﻥ ﺑﺎﻻ>> ﻧﺎﻣﻠﯩﻖ ﻧﺎﺧﺸﯩﺴﯩﻨﻰ ﺋﯧﻴﺘﯩﭗ، ﺩﺍﯓ ﭼﯩﻘﺎﺭﺩﻯ. ﺋﯘﻧﯩﯔ ﺑﯘ ﻧﺎﺧﺸﯩﺴﻰ ﺭﯗﺳﯩﻴﻪ ﺟﯜﻣﻠﯩﺪﯨﻦ ﭘﯜﺗﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﮬﻪﻡ ﺩﻭﺳﺘﻠﯘﻗﯩﺪﯨﻜﻰ ﻳﺎﺷﻼﺭﻧﯩﯔ ﺋﻪﯓ ﺳﯚﻳﯜﭖ ﺋﻮﻗﯘﻳﺪﯨﻐﺎﻥ ﯞﻩ ﺋﺎﯕﻼﻳﺪﯨﻐﺎﻥ ﻧﺎﺧﺸﯩﺴﯩﻐﺎ ﺋﺎﻳﻼﻧﺪﻯ. ﺋﯘﻧﯩﯔ ﻧﺎﺧﺸﺎ ﺋﯧﻴﺘﯩﯟﺍﺗﻘﺎﻥ ﻛﯚﺭﯛﻧﯜﺷﻠﯩﺮﻯ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﮬﻪﻣﺪﻭﺳﺘﻠﯘﻗﯩﻨﯩﯔ ﮬﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﻯ ﺗﻪﺭﯨﭙﯩﺪﯨﻦ ﻛﯜﻧﺪﯨﻜﯩﺪﻩﻙ ﻧﻪﭼﭽﻪ ﻗﯧﺘﯩﻤﻼﭖ ﻛﯚﺭﺳﯩﺘﯩﻠﯩﭗ، ﺋﯘﻧﯩﯔ ﺋﻮﺑﺮﺍﺯﻯ ﯞﻩ ﻧﺎﺧﺸﯩﻠﯩﺮﻯ ﻛﯩﺸﯩﻠﻪﺭﮔﻪ ﭼﻮﯕﻘﯘﺭ ﺗﻪﺳﯩﺮﺍﺗﻼﺭ ﻗﺎﻟﺪﯗﺭﺩﻯ. ﻣﯘﺭﺍﺕ ﻧﺎﺳﯩﺮﻭﭖ ﺋﺎﺭﻗﯩﺪﯨﻨﻼ ﺋﺎﺗﺎﻗﻠﯩﻖ ﺭﯗﺱ ﻧﺎﺧﺸﯩﭽﯩﺴﻰ ﺋﺎﭘﯩﻨﺎ ﺑﯩﻠﻪﻥ ﺑﯩﺮﮔﻪ <<ﺋﺎﻳﺪﯨﯔ ﻛﯧﭽﻪ>> ﻧﺎﻣﻠﯩﻖ ﻧﺎﺧﺸﯩﺴﯩﻨﻰ ﯞﻩ << ﻣﻪﻥ ﺩﯦﻤﻪﻙ ﺳﻪﻧﺪﯗﺭ>> ﻧﺎﻣﻠﯩﻖ ﻧﺎﺧﺸﯩﺴﯩﻨﻰ ﺋﯧﻴﺘﯩﭗ، ﻧﺎﺧﺸﺎ ﮬﻪﯞﻩﺳﻜﺎﺭﻟﯩﺮﯨﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺯﯨﻞ-ﺯﯨﻠﯩﮕﻪ ﺳﺎﻟﺪﻯ. ﺋﯘﻧﯩﯔ ﺑﯘ ﻧﺎﺧﺸﯩﺴﻰ ﻣﻪﺧﺴﯘﺱ ﻛﯚﺭﯛﻧﯜﺷﻠﻪﺭ ﺑﯩﻠﻪﻥ ﻛﯩﺮﯛﺷﺘﯜﺭﯨﻠﯩﭗ، ﺗﯧﻠﯧﯟﯨﺰﯨﻴﻪ ﺋﯧﻜﺮﺍﻧﻠﯩﺮﯨﺪﺍ ﻛﯚﺭﺳﯩﺘﯩﻠﺪﻯ.

ﻣﯘﺭﺍﺕ ﻧﺎﺳﯩﺮﻭﯞ ﺋﯚﺯﯨﮕﻪ ﺷﺎﻥ - ﺷﻪﯞﻛﻪﺕ ﺋﯧﻠﯩﭗ ﻛﻪﻟﮕﻪﻥ ﻣﻪﺯﻛﯘﺭ ﻧﺎﺧﺸﯩﻠﯩﺮﯨﻨﯩﯔ ﻣﯘﺯﯨﻜﯩﺴﯩﻨﻰ ﺋﯚﺯﻯ ﺋﯩﺸﻠﯩﮕﻪﻥ، ﺳﯚﺯ ﺗﻪﻛﯩﺴﺘﯩﻨﻰ ﺋﯚﺯﻯ ﻳﺎﺯﻏﺎﻥ ﺑﻮﻟﯘﭖ، ﺋﯘ ﺋﯚﺯﯨﻨﯩﯔ ﺋﻪﻧﻪ ﺷﯘﻧﺪﺍﻕ ﻛﻮﭖ ﺗﻪﺭﻩﭘﻠﯩﻤﯩﻠﯩﻚ ﺗﺎﻻﻧﺘﻰ ﺑﯩﻠﻪﻥ ﺭﯗﺳﯩﻴﻪ ﻧﺎﺧﺸﺎ-ﻣﯘﺯﯨﻜﺎ ﺳﺎﮬﻪﺳﯩﺪﯨﻜﻰ ﺋﻪﺭﺑﺎﺑﻼﺭﻧﻰ ﻗﺎﻳﯩﻞ ﻗﯩﻠﺪﻯ. ﻣﯘﺭﺍﺕ ﻧﺎﺳﯩﺮﻭﭖ ﮬﺎﺯﯨﺮﻏﯩﭽﻪ ﺭﯗﺳﭽﻪ <<ﻣﯧﻨﯩﯔ ﺗﺎﺭﯨﺨﯩﻢ>>، <<ﺋﻮﻳﻐﺎﺗﻘﯩﻦ ﻣﯧﻨﻰ>>، << ﻛﯩﻤﺪﯗ ﺑﯩﺮﻯ ﺋﻪﭘﯘ ﻗﯩﻠﯩﺪﯗ>>، << ﺑﯘﻻﺭﻧﯩﯔ ﮬﻪﻣﻤﯩﺴﻰ ﻣﻪﻥ ﺑﯩﻠﻪﻥ ﺑﻮﻟﻤﯩﻐﺎﻥ >> ﯞﻩ ﺋﯘﻳﻐﯘﺭﭼﻪ << ﻗﺎﻟﺪﯨﻢ ﻳﺎﻟﻐﯘﺯ>> ﻗﺎﺗﺎﺭﻟﯩﻖ ﺑﻪﺵ ﭘﻼﺳﺘﯩﻨﻜﯩﺴﯩﻤﯘ ﺋﯩﺸﻠﻪﭖ ﭼﯩﻘﺎﺭﻏﺎﻥ ﺑﻮﻟﯘﭖ، ﺋﯘﻧﯩﯔ ﭘﻼﺳﺘﯩﻨﻜﯩﻠﯩﺮﻯ ﻛﻪﯓ ﺑﺎﺯﺍﺭ ﺗﺎﭘﺘﻰ. ﻣﯘﺭﺍﺕ ﻧﺎﺳﯩﺮﻭﯞ ﻣﻪﺧﺴﯘﺱ ﻛﻮﻣﭙﻮﺯﯨﺘﻮﺭﻟﯘﻕ ﺋﻮﻗﯘﻏﺎﻧﻠﯩﻘﻰ ﺋﯜﭼﯜﻥ، ﺋﯘ ﺭﯗﺱ ﻧﺎﺧﺸﯩﻠﯩﺮﯨﻨﻰ ﯞﻩ ﺋﯘﻧﯩﯔ ﻗﯘﺭﯗﻟﻤﯩﻠﯩﺮﯨﻨﻰ ﺟﯜﻣﻠﯩﺪﯨﻦ ﺋﻮﺗﺘﯘﺭﺍ ﺷﻪﺭﻕ، ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﮬﯩﻨﺪﯨﺴﺘﺎﻥ ﻣﯘﺯﯨﻜﯩﻠﯩﺮﯨﻨﯩﯔ ﻗﯘﺭﯗﻟﻤﯩﻠﯩﺮﯨﻨﻰ ﻳﺎﺧﺸﻰ ﺋﯚﮔﻪﻧﮕﻪﻥ ﮬﻪﻡ ﺗﻪﺗﻘﯩﻖ ﻗﯩﻠﻐﺎﻥ ﺋﯩﺪﻯ. ﺷﯘﯕﺎ ﺋﯘ ﺋﯚﺯ ﻧﺎﺧﺸﯩﻠﯩﺮﯨﻨﯩﯔ ﻣﯘﺯﯨﻜﯩﻠﯩﺮﯨﻨﻰ ﺋﯚﺯﻯ ﺋﯩﺸﻠﻪﺵ ﺑﯩﻠﻪﻥ ﺋﯚﺯﯨﻨﯩﯔ ﮬﯧﺴﺴﯩﻴﺎﺗﻰ ﺑﯩﻠﻪﻥ ﺳﯚﺯﯨﻨﻰ ﯞﻩ ﻣﯘﺯﯨﻜﯩﺴﯩﻨﻰ ﺑﯩﺮﻟﻪﺷﺘﯜﺭﯛﭖ ﺑﯩﺮ ﮔﻪﯞﺩﯨﮕﻪ ﺋﺎﻳﻼﻧﺪﯗﺭﺍﻟﯩﻐﺎﻥ. ﻗﺎﻧﺪﺍﻗﺘﯘﺭ، ﺑﺎﺷﻘﯩﻼﺭ ﺋﯩﺠﺎﺩ ﻗﯩﻠﯩﭗ ﺑﻪﺭﮔﻪﻥ ﺋﺎﮬﺎﯓ ﺑﯩﻠﻪﻥ ﺑﺎﺷﻘﯩﻼﺭ ﻳﯧﺰﯨﭗ ﺑﻪﺭﮔﻪﻥ ﺗﯧﻜﯩﺴﺘﻘﺎ ﻧﺎﺧﺸﺎ ﺋﯧﻴﺘﯩﺸﺘﯩﻦ ﺳﺎﻗﻼﻧﻐﺎﻥ. ﺋﻪﻟﯟﻩﺗﺘﻪ، ﻣﯘﻧﺪﺍﻕ ﻛﯚﭖ ﻗﯩﺮﻟﯩﻖ ﺗﺎﻻﻧﺘﻠﯩﻖ ﭼﻮﻟﭙﺎﻧﻼﺭ ﺭﯗﺳﻼﺭ ﺋﯩﭽﯩﺪﻩ ﯞﻩ ﺩﯗﻧﻴﺎ ﻳﯜﺯﯨﺪﻩ ﻛﻪﻡ ﺋﯘﭼﺮﺍﻳﺪﯗ.

ﻣﯘﺭﺍﺕ ﺋﯘﻳﻐﯘﺭ ﭘﻪﺭﺯﻩﻧﺪﻯ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﺋﯚﺯﯨﻤﯩﺰﻧﯩﯔ ﻣﯩﻠﻠﯩﻲ ﺳﻪﻧﺌﯩﺘﯩﻨﻰ ﮬﻪﺭﮔﯩﺰ ﺋﯧﺴﯩﺪﯨﻦ ﭼﯩﻘﺎﺭﻣﯩﺪﻯ. ﺋﺎﺗﺎ-ﺋﺎﻧﯩﺪﯨﻦ، ﺋﻪﺟﺪﺍﺩﺗﯩﻦ ﻗﺎﻟﻐﺎﻥ ﺋﻪﺳﻠﻰ ﻗﺎﻥ ﺑﯩﻠﻪﻥ ﻣﯩﻠﻠﯩﻲ ﺗﯘﻳﻐﯘ ﯞﻩ ﻣﯩﻠﻠﯩﻲ ﺭﻭﮬ ﺯﯨﭻ ﻳﯘﻏﯘﺭﯗﻟﯘﭖ ﻛﻪﺗﻜﻪﻥ ﺑﻮﻟﺴﺎ ﻛﯧﺮﻩﻙ، ﺋﯚﺯ ﺩﯛﺷﻤﻪﻧﻠﯩﺮﯨﻨﯩﯔ ﻛﯜﻟﯩﻨﻰ ﻛﯚﻛﻜﻪ ﺳﻮﺭﯗﻏﺎﻥ ﻗﻪﮬﺮﯨﻤﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺟﻪﯕﭽﯩﺴﻰ، ﺑﯩﺮ ﻗﻮﻟﯩﺪﺍ ﺭﺍﯞﺍﺏ، ﺑﯩﺮ ﻗﻮﻟﯩﺪﺍ ﻣﯩﻠﺘﯩﻘﯩﻨﻰ ﻛﯚﺗﯩﺮﯨﭗ، ﺋﺎﻗﺴﯘ ﺟﻪﯓ ﻣﻪﻳﺪﺍﻧﻠﯩﺮﯨﺪﺍ ﻗﺎﻥ ﻛﯧﭽﯩﭗ ﺟﻪﯓ ﻗﯩﻠﻐﺎﻥ، ﺟﻪﯓ ﺗﯩﻨﺠﯩﻐﺎﻧﺪﺍ ﺑﻮﻟﺴﺎ، ﻣﯩﻠﻠﯩﻲ ﺋﺎﺭﻣﯩﻴﻪ ﺟﻪﯕﭽﻰ-ﺋﻮﻓﯩﺘﺴﯩﺮﻟﯩﺮﯨﮕﻪ ﺭﻭﮬ ﺑﯧﻐﯩﺸﻼﻳﺪﯨﻐﺎﻥ، ﺋﯘﻻﺭﻧﻰ ﺋﺎﺯﺍﺩﻟﯩﻖ، ﮬﯚﺭﻟﯜﻙ ﺋﯜﭼﯜﻥ ﺟﺎﻥ ﭘﯩﺪﺍ ﻗﯩﻠﯩﺸﻘﺎ ﺋﯜﻧﺪﻩﻳﺪﯨﻐﺎﻥ ﻧﺎﺧﺸﯩﻼﺭﻧﻰ ﺋﯧﻴﺘﯩﭗ، ﻣﯩﻠﻠﯩﻲ ﺋﯩﻨﻘﯩﻼﺑﻘﺎ ﺋﯚﺯ ﮬﻪﺳﺴﯩﺴﯩﻨﻰ ﻗﻮﺷﻘﺎﻥ ﺋﯩﺴﻤﺎﺋﯩﻞ ﺋﺎﻛﯩﻨﯩﯔ ﻣﯩﻠﻠﯩﻲ ﺭﻭﮬﯩﻲ ﺩﯗﻧﻴﺎﺳﻰ ﯞﻩ ﺋﺎﺭﺯﯗ-ﺋﺎﺭﻣﺎﻧﻠﯩﺮﻯ ﺑﻪﺵ ﺑﺎﻟﯩﺴﯩﻨﯩﯔ ﺋﻪﯓ ﻛﯩﭽﯩﻜﻰ ﺑﻮﻟﻐﺎﻥ ﻣﯘﺭﺍﺗﻨﯩﯔ ﺗﻮﻣﯘﺭﻟﯩﺮﯨﺪﺍ ﮬﺎﻣﺎﻥ ﺧﯘﺩﺩﻯ ﺋﯩﻠﻰ ﺩﻭﻟﻘﯘﻧﻠﯩﺮﻯ ﻛﻪﺑﻰ ﻣﻪﯞﺝ ﺋﯘﺭﯗﺷﻘﺎ ﻧﯧﺴﯩﭗ ﺑﻮﻟﺪﻯ.

ﻣﯘﺭﺍﺕ ﺑﺎﺭﻏﺎﻧﺴﯩﺮﻯ ﺭﯗﺱ ﻧﺎﺧﺸﯩﭽﯩﺴﻰ ﺋﻪﻣﻪﺱ، ﺑﻪﻟﻜﻰ ﺋﯘﻳﻐﯘﺭ ﻧﺎﺧﺸﯩﭽﯩﺴﻰ ﺑﻮﻟﯘﺷﻘﺎ ﻗﺎﺭﺍﭖ ﻳﯜﺯﻟﻪﻧﺪﻯ. ﻣﺎﻧﺎ ﺑﯘ ﻣﻪﺭﮬﯘﻡ ﺋﯩﺴﻤﺎﺋﯩﻞ ﺋﺎﻛﯩﻨﯩﯔ ﺋﺎﺭﺯﯗﺳﻰ ﺋﯩﺪﻯ، ﺩﯦﻤﯩﺴﯩﻤﯘ، ﺋﯘ ﻣﺎﻧﺎﺱ ﺩﻩﺭﻳﺎﺳﯩﺪﺍ ﻣﯩﻠﺘﯩﻘﻰ ﺑﯩﻠﻪﻥ ﺭﺍﯞﺍﺑﯩﻨﻰ ﻣﻪﮬﻜﻪﻡ ﺗﯘﺗﯘﭖ، ﺗﯚﺕ ﻳﯩﻞ ﻳﺎﺗﻘﺎﻥ ﻛﯜﻧﻠﯩﺮﯨﻨﻰ ﺋﻪﺳﻠﯩﮕﯩﻨﯩﺪﻩ ﺧﯘﺩﺩﻯ ﺑﺎﺷﻘﺎ ﺳﻪﭘﺪﺍﺷﻠﯩﺮﯨﻐﺎ ﺋﻮﺧﺸﺎﺷﻼ ﺋﺎﺯﺍﺑﻠﯩﻨﺎﺗﺘﻰ، ﺋﯚﻛﯩﻨﻪﺗﺘﻰ، " ﺩﺍﺋﯩﻢ ﮬﻪﻱ - ﺋﯧﺴﯩﺖ ﺋﻪﺷﯘ ﭼﺎﻏﻼﺭ !" ﺩﻩﻳﺘﺘﻰ. ﻣﯘﺭﺍﺕ ﻣﻮﺳﻜﯟﺍﻏﺎ ﻣﺎﯕﻐﺎﻧﺪﺍ، ﺋﯩﺴﻤﺎﺋﯩﻞ ﺋﺎﻛﺎ " ﻗﯧﻨﻰ ﺑﺎﺭﻏﯩﻦ ، ﻳﯩﮕﯩﺖ ﺑﻮﻟﻐﺎﻧﺪﯨﻜﯩﻦ ﺋﯚﺯ ﻳﻮﻟﯘﯕﻨﻰ ﺗﺎﭖ ! ﻟﯧﻜﯩﻦ ﺋﯘﻳﻐﯘﺭﻟﯩﻘﯩﯖﻨﻰ ﮬﻪﺭﮔﯩﺰ ﺋﯘﻧﯘﺗﻤﺎ ! ﻣﯘﻣﻜﯩﻦ ﺑﻮﻟﺴﺎ ﺋﻪﺷﯘ ﻛﯚﻙ-ﻛﯚﺯﻟﻪﺭﻧﻰ ﻳﺎﯕﺮﺍﻕ ﻧﺎﺧﺸﯩﻠﯩﺮﯨﯔ ﺑﯩﻠﻪﻥ ﺑﻮﻳﺴﯘﻧﺪﯗﺭ " ﺩﻩﭖ ﺟﯩﻜﯩﻠﯩﮕﻪﻥ ﺋﯩﻜﻪﻥ. ﺑﯘ ﺳﯚﺯﻟﻪﺭﻧﻰ ﺋﯩﺴﻤﺎﺋﯩﻞ ﺋﺎﻛﺎ ﮬﺎﻳﺎﺕ ﯞﺍﻗﺘﯩﺪﺍ ﺩﻭﻛﺘﻮﺭ ﻧﻪﺑﯩﺠﺎﻥ ﺗﯘﺭﺳﯘﻥ ﺋﻪﭘﻪﻧﺪﯨﮕﻪ ﺳﯚﺯﻟﻪﭖ ﺑﻪﺭﮔﻪﻧﯩﻜﻪﻥ ﺋﯘﻻﺭ ﺋﯘﭼﺮﺍﺷﻘﺎﻧﺪﺍ. ﻣﯘﺭﺍﺕ ﺋﺎﺧﯩﺮﻯ ﺋﺎﺭﺯﯗﺳﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﺩﻯ. 2004-ﻳﯩﻠﻰ ﺩﺍﺩﯨﺴﯩﻐﺎ ﺑﯧﻐﯩﺸﻼﭖ <<ﻗﺎﻟﺪﯨﻢ ﻳﺎﻟﻐﯘﺯ>> ﻧﺎﻣﻠﯩﻖ ﺋﯚﺯﯨﻨﯩﯔ ﺗﯘﻧﺠﻰ ﺋﯘﻳﻐﯘﺭﭼﻪ ﻧﺎﺧﺸﺎ ﺋﺎﻟﺒﯘﻣﯩﻨﻰ ﺗﻪﻳﻴﺎﺭﻻﭖ ﻣﻮﺳﻜﯟﺍ ﺷﻪﮬﺮﯨﺪﻩ ﻧﻪﺷﯩﺮ ﻗﯩﻠﯩﭗ ﺗﺎﺭﻗﺎﺗﺘﻰ. ﺑﯘ ﺭﯗﺳﯩﻴﻪ ﺗﺎﺭﯨﺨﯩﺪﺍ ﺗﯘﻧﺠﻰ ﻗﯧﺘﯩﻢ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﯘﻳﻐﯘﺭﭼﻪ ﺋﯜﻥ ﭘﻼﺳﺘﯩﻨﻜﯩﺴﻰ ﺑﻮﻟﯘﭖ، ﻣﻪﺯﻛﯘﺭ ﭘﻼﺳﺘﯩﻨﻜﺎ ﻣﻮﺳﻜﯟﺍ ﯞﻩ ﺭﯗﺳﯩﻴﻪ ﺑﺎﺯﺍﺭﻟﯩﺮﯨﺪﺍ ﺗﺎﺭﻗﺎﻟﺪﻯ. ﻣﺎﻧﺎ ﺋﻪﻣﺪﻯ، ﺋﻮﺭﯗﺳﻼﺭ ﺋﯘﻳﻐﯘﺭﭼﻪ ﻧﺎﺧﺸﺎ ﭘﯩﻼﺳﺘﯩﻨﻜﯩﺴﻰ ﺳﯧﺘﯩﯟﯦﻠﯩﭗ ﺋﺎﯕﻼﻳﺪﯨﻐﺎﻥ ﻣﻪﻧﺰﯨﺮﻩ ﺷﻪﻛﯩﻠﻠﻪﻧﺪﻯ.

ﺑﯘﻧﯩﯖﺪﯨﻦ 10 ﻳﯩﻠﻼﺭ ﺋﯩﻠﮕﯩﺮﻯ ﺋﯚﺯﯨﻨﯩﯔ ﺋﯘﻳﻐﯘﺭﻟﯘﻗﯩﻨﻰ ﺋﯧﺘﯩﺮﺍﭖ ﻗﯩﻠﺴﯩﻤﯘ، ﺋﻪﻣﻤﺎ ﺗﯧﺨﻰ ﺋﯘﻳﻐﯘﺭﻟﯘﻗﻘﺎ ﺗﻮﻟﯘﻕ ﻗﺎﻳﺘﻤﯩﻐﺎﻥ ﻣﯘﺭﺍﺕ ﺑﯜﮔﯜﻧﻜﻰ ﻛﯜﻧﺪﻩ ﮬﻪﻣﻤﯩﻼ ﻳﻪﺭﺩﻩ " ﻣﻪﻥ ﺋﯘﻳﻐﯘﺭ !" ﺩﻩﻳﺪﯨﻐﺎﻥ، ﻣﻪﻳﻠﻰ ﭼﻪﺕ' ﺋﻪﻟﻠﻪﺭﺩﻩ ﺑﻮﻟﺴﯘﻥ ﯞﻩ ﻳﺎﻛﻰ ﺭﯗﺳﯩﻴﻪ ﮬﻪﻡ ﺑﺎﺷﻘﺎ ﺟﯘﻣﮭﯘﺭﯨﻴﻪﺗﻠﻪﺭﻧﯩﯔ ﺳﻪﮬﻨﯩﻠﯩﺮﯨﺪﻩ ﺑﻮﻟﺴﯘﻥ ﭼﻮﻗﯘﻡ ﺋﯘﻳﻐﯘﺭﭼﻪ ﺑﯩﺮ –ﺋﯩﻜﻜﻰ ﺋﯘﻳﻐﯘﺭﭼﻪ ﻧﺎﺧﺸﺎ ﺋﯧﻴﺘﻤﺎﻱ ﻗﺎﻟﻤﺎﻳﺪﯨﻐﺎﻥ ﺷﯘﻧﯩﯖﺪﻩﻙ ﺋﻪﺷﯘ ﺋﯘﻳﻐﯘﺭﻧﻰ ﺋﺎﯕﻼﭖ ﺑﺎﻗﻤﯩﻐﺎﻥ ﺗﺎﻣﺎﺷﯩﺒﯩﻨﻼﺭﻏﺎ " ﻣﻪﻥ ﺋﯘﻳﻐﯘﺭ " ﺩﻩﭖ ﺋﯚﺯﯨﻨﻰ ﯞﻩ ﺋﯘﻳﻐﯘﺭﻧﻰ ﺗﻮﻧﯘﺷﺘﯘﺭﯗﭖ ﺋﯚﺗﻤﯩﺴﻪ ﻛﯚﯕﻠﻰ ﺋﯘﻧﯩﻤﺎﻳﺪﯨﻐﺎﻥ ﻣﯘﺭﺍﺗﻘﺎ ﺋﺎﻳﻼﻧﻐﺎﻥ ﺋﯩﺪﻯ. ﺭﯗﺳﯩﻴﻪ ﮔﯧﺰﯨﺘﻠﯩﺮﯨﻨﯩﯔ ﻣﯘﺭﺍﺕ ﮬﻪﻗﻘﯩﺪﻩ ﺋﯧﻼﻥ ﻗﯩﻠﻐﺎﻥ ﮬﻪﻣﻤﻪ ﻣﺎﻗﺎﻟﯩﻠﯩﺮﯨﺪﺍ، ﺋﯘﻧﯩﯔ "ﻣﻪﻥ ﺋﯘﻳﻐﯘﺭ "، "ﺩﺍﺩﺍﻡ ﺋﯩﺴﻤﺎﺋﯩﻞ ﺳﻮﭘﻰ ﻗﻪﺷﻘﻪﺭﺩﯨﻦ" ﺩﻩﭖ ﺗﻮﻧﯘﺷﺘﯘﺭﯨﺪﯨﻐﺎﻥ ﺟﯜﻣﻠﯩﻠﻪﺭ ﺋﻮﺭﯗﻥ ﺋﺎﻟﻐﺎﻥ.ﻣﯘﺭﺍﺕ ﺑﯩﺮ ﺋﯩﻨﺘﯧﺮﻧﻪﺕ ﮔﯧﺰﯨﺘﯩﻨﯩﯔ ﻣﯘﺧﺒﯩﺮﯨﮕﻪ ﻣﯘﻧﺪﺍﻕ ﺩﻩﭖ ﺑﯩﻠﺪﯛﺭﮔﻪﻥ.  
"ﻣﻪﻥ ﺋﯘﻳﻐﯘﺭ، ﺩﺍﺩﺍﻡ ﺭﻩﮬﻤﻪﺗﻠﯩﻚ ﺋﯩﺴﻤﺎﺋﯩﻞ ﺳﻮﭘﻰ ﻧﺎﺳﯩﺮﻭﯞ ﻗﻪﺷﻘﻪﺭﺩﻩ ﺗﯘﻏﯘﻟﻐﺎﻥ، ﺋﺎﻧﺎﻡ ﺧﺎﺗﯩﺮﻩ ﻏﯘﻟﺠﯩﺪﺍ ﺗﯘﻏﯘﻟﻐﺎﻥ، ﻣﻪﻥ ﺋﯚﺯﯛﻣﻨﯩﯔ ﺋﯘﻳﻐﯘﺭﻟﯘﻗﯩﻤﺪﯨﻦ ﭘﻪﺧﯩﺮﻟﯩﻨﯩﻤﻪﻥ، ﻣﻪﻥ ﻣﻮﺳﻜﯟﺍ ﯞﻩ ﺋﺎﻟﻤﯘﺗﯩﻼﺭﺩﺍ ﻳﺎﺷﺎﻳﻤﻪﻥ، ﺑﺎﺷﻘﺎ ﺋﻪﻧﺌﻪﻧﯩﻠﻪﺭﻧﻰ ﮬﯚﺭﻣﻪﺕ ﻗﯩﻠﯩﺶ ﯞﻩ ﺋﯚﺯ ﺋﻪﻧﺌﻪﻧﻪﻣﻨﻰ ﺳﯚﻳﯜﺵ ﺑﯩﻠﻪﻥ ﻳﺎﺷﺎﻳﻤﻪﻥ.
ﻣﺎﻧﺎ ﺑﯘ ﻣﯘﺭﺍﺗﻨﯩﯔ ﻳﯜﺭﯨﻜﯩﺪﯨﻦ ﭼﯩﻘﻘﺎﻥ ﺳﯚﺯﻟﻪﺭﺩﯗﺭ. -  
  
ﻣﯘﺭﺍﺕ ﻧﺎﺳﯩﺮﻭﯞﻧﯩﯔ ﺑﯩﺮ ﺋﻮﻏﯘﻝ، ﺑﯩﺮ ﻗﯩﺰﻯ ﺑﺎﺭ ﺋﯩﻜﻪﻥ. ﺋﯘﻧﯩﯔ ﻻﺗﯩﺶ ﻣﯩﻠﻠﯩﺘﯩﺪﯨﻦ ﺑﻮﻟﻐﺎﻥ ﺋﺎﻳﺎﻟﻰ ﺋﯘﻧﯩﯔ ﺋﻪﯓ ﺳﻪﻣﯩﻤﯩﻲ ﯞﻩ ﺋﻪﯓ ﻳﯧﻘﯩﻦ ﻗﻮﻟﻠﯩﻐﯘﭼﯩﺴﻰ ﺑﻮﻟﯘﭖ، ﺋﯘ ﺋﺎﻳﺎﻟﯩﻐﺎ ﺋﯘﻳﻐﯘﺭﭼﻪ ﺋﯚﮔﻪﺗﻜﻪﻧﺪﯨﻦ ﺳﯩﺮﺕ ﻳﻪﻧﻪ ﺋﯘﻳﻐﯘﺭﭼﻪ ﻧﺎﺧﺸﯩﻼﺭﻧﯩﻤﯘ ﺋﯚﮔﻪﺗﻜﻪﻥ. ﺋﯘﻻﺭ ﺩﺍﺋﯩﻢ ﺳﻪﮬﻨﯩﻠﻪﺭﺩﻩ ﺋﯘﻳﻐﯘﺭﭼﻪ ﻧﺎﺧﺸﯩﻼﺭﻧﻰ ﺟﯜﺭ ﺑﻮﻟﯘﭖ ﺋﯧﻴﺘﯩﺪﯨﻜﻪﻥ. ﻣﯘﺭﺍﺕ ﮬﻪﺗﺘﺎ ﺋﯘﻧﯩﯖﻐﺎ ﺋﯘﻳﻐﯘﺭﭼﻪ ﺗﺎﻣﺎﻗﻼﺭﻧﯩﻤﯘ ﺗﻪﻳﻴﺎﺭﻻﺷﻨﻰ ﺋﯚﮔﯩﺘﯩﭗ ﻗﻮﻳﻐﺎﻥ. ﻣﯘﺭﺍﺕ ﺋﯚﺯ ﺧﻪﻟﻘﯩﻨﻰ ﻗﺎﻧﭽﻪ ﺳﯚﻳﺴﻪ، ﺋﯚﺯ ﺧﻪﻟﻘﯩﻰ ﻣﯘﺭﺍﺗﻨﻰ ﺷﯘﻧﭽﻪ ﺳﯚﻳﺪﻯ. 2005- ﻳﯩﻠﻰ ﺋﺎﻟﻤﯘﺗﺎﺩﯨﻜﻰ ﻗﺎﺯﺍﻗﯩﺴﺘﺎﻥ ﺋﯘﻳﻐﯘﺭ ﺑﺎﻳﻠﯩﺮﻯ ﻛﯘﻟﯘﺑﻰ ﺗﻪﺷﻜﯩﻠﻠﯩﮕﻪﻥ "ﺋﯩﮭﻼﻡ ﻣﯘﻛﺎﭘﺎﺗﻰ"ﺑﯧﺮﯨﺶ ﻣﯘﺭﺍﺳﯩﻤﯩﺪﺍ ﺑﺎﮬﺎﻟﯩﻐﯘﭼﯩﻼﺭ ﺑﯩﺮﺩﻩﻙ ﮬﺎﻟﺪﺍ ﺋﯘﻧﯩﯔ ﺗﯚﮬﭙﯩﻠﯩﺮﯨﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﭖ، ﺋﯘﻧﯩﯖﻐﺎ ﺳﻪﻧﺌﻪﺕ ﯞﻩ ﻧﺎﺧﺸﺎ-ﻣﯘﺯﯨﻜﺎ ﺳﺎﮬﻪﺳﻰ ﺑﻮﻳﯩﭽﻪ ﺑﯩﺮﯨﻨﭽﻰ ﺩﻩﺭﯨﺠﯩﻠﯩﻚ "ﺋﯩﮭﻼﻡ ﻣﯘﻛﺎﭘﺎﺗﻰ" ﺑﻪﺭﺩﻯ.
ﻣﯘﺭﺍﺕ، ﻗﻪﺷﻘﻪﺭ ﭘﻪﻳﺰﯨﯟﺍﺕ ﯞﻩ ﻣﺎﺭﺍﻟﺒﯧﺸﯩﺪﯨﻜﻰ ﻳﻪﺭ ﺗﻪﯞﺭﻩﺷﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﻣﻮﺳﻜﯟﺍﺩﯨﻦ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻛﯧﻠﯩﭗ، ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ ﻗﺎﺗﺎﺭﻟﯩﻖ ﺟﯘﻣﮭﯘﺭﯨﻴﻪﺗﻠﻪﺭﺩﻩ ﻣﻪﺧﺴﯘﺱ ﺧﻪﻳﺮﯨﺴﺎﺧﺎﯞﻩﺗﻠﯩﻚ ﻧﺎﺧﺸﺎ ﻛﯧﭽﯩﻠﯩﻜﻰ ﺋﯚﺗﻜﯜﺯﯛﭖ، ﯞﺍﭘﺎﺕ ﺑﻮﻟﻐﺎﻥ ﯞﻩ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﻗﯧﺮﯨﻨﺪﺍﺷﻠﯩﺮﯨﻐﺎ ﻣﺎﺗﻪﻡ ﺑﯩﻠﺪﯛﺭﯛﭖ، ﺋﯚﺯﯨﻨﯩﯔ ﺋﯘﻳﻐﯘﺭﻟﯘﻕ ﺑﯘﺭﭼﯩﻨﻰ ﺋﺎﺩﺍ ﻗﯩﻠﺪﻯ.
　ﻣﻪﺷﻬﯘﺭ ﺋﯘﻳﻐﯘﺭ ﻧﺎﺧﺸﯩﭽﯩﺴﻰ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﺋﯩﺠﺎﺩﯨﻲ ﻫﺎﻳﺎﺗﻰ  

ﻣﯘﺭﺍﺕ ﻧﺎﺳﯩﺮﻭﭖ ﺋﯘﻳﻐﯘﺭﻻﺭﺩﯨﻦ ﭼﯩﻘﻘﺎﻥ ﺑﯩﺮﺩﯨﻦ-ﺑﯩﺮ ﭘﯜﺗﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻡ ﺩﻭﺳﺘﻠﯘﻗﯩﻐﺎ ﺗﻮﻧﯘﻟﻐﺎﻥ ﻧﺎﺧﺸﯩﭽﻰ ﺋﯩﺪﻯ.  
ﺭﯗﺳﯩﻴﯩﻨﯩﯔ ﺋﯩﻨﺘﯧﺮﻓﺎﻛﯩﺲ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺭﯗﺳﯩﻴﯩﻨﯩﯔ ﻣﻪﺷﻬﯘﺭ ﻧﺎﺧﺸﺎ ﭼﻮﻟﭙﯩﻨﻰ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﭘﻪﺧﯩﺮﻟﯩﻚ ﺋﻮﻏﻼﻧﻰ ﻣﯘﺭﺍﺕ ﻧﺎﺳﯩﺮﻭﭖ 19-ﻳﺎﻧﯟﺍﺭ ﻛﯜﻧﻰ ﻛﻪﭺ ﺳﺎﺋﻪﺕ 10ﺩﯨﻦ 30 ﻣﯩﻨﯘﺕ ﺋﯚﺗﻜﻪﻧﺪﻩ ﻣﻮﺳﻜﯟﺍ ﺷﻪﻫﯩﺮﯨﺪﯨﻜﻰ 5-ﻗﻪﯞﻩﺗﻜﻪ ﺟﺎﻳﻼﺷﻘﺎﻥ ﺋﯚﻳﯩﻨﯩﯔ ﺑﺎﻟﻜﻮﻧﯩﺪﯨﻦ ﭼﯜﺷﯜﭖ ﻛﯧﺘﯩﭗ ﻧﻪﻕ ﻣﻪﻳﺪﺍﻧﺪﺍ ﺟﺎﻥ ﺋﯜﺯﮔﻪﻥ.

ﻣﯘﺭﺍﺕ ﻧﺎﺳﯩﺮﻭﭖ ﺋﻪﻣﺪﯨﻼ ﺗﯧﺨﻰ 37 ﻳﺎﺷﻘﺎ ﻛﯩﺮﮔﻪﻥ ﺑﻮﻟﯘﭖ، ﺋﯘﻧﯩﯔ ﻣﯧﻴﯩﺘﻰ 22-ﻳﺎﻧﯟﺍﺭ ﻛﯜﻧﻰ ﻣﻮﺳﻜﯟﺍﺩﯨﻦ ﺋﺎﻟﻤﯘﺗﯩﻐﺎ ﺋﯧﻠﯩﭗ ﻛﯧﻠﯩﻨﯩﭗ، ﺩﻩﭘﻨﻪ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﮕﻪﻧﺪﯨﻦ ﻛﯧﻴﯩﻦ ﺯﺍﺭﯨﺌﺎﯞﺍﺳﺘﻮﻛﺎ ﻣﻪﻫﻪﻟﻠﯩﺴﯩﺪﯨﻜﻰ ﺯﺍﺭﺍﺗﻜﺎﺭﻟﯩﻘﻘﺎ ﺩﺍﺩﯨﺴﯩﻨﯩﯔ ﻳﯧﻨﯩﻐﺎ ﺩﻩﭘﻨﻪ ﻗﯩﻠﯩﻨﻐﺎﻥ.

ﻣﯘﺭﺍﺗﻨﯩﯔ ﻧﺎﺳﯩﺮﻭﭖ ﺭﯗﺳﯩﻴﻪ ﻫﺎﺯﯨﺮﻗﻰ ﺯﺍﻣﺎﻥ ﺯﺍﻣﺎﻧﯩﯟﻯ ﻧﺎﺧﺸﺎ-ﻣﯘﺯﯨﻜﺎ ﺳﺎﻫﻪﺳﯩﺪﯨﻜﻰ ﺋﺎﻟﺪﯨﻨﻘﻰ ﻗﺎﺗﺎﺭﺩﯨﻜﻰ ﭼﻮﻟﭙﺎﻧﻼﺭﻧﯩﯔ ﺑﯩﺮﻯ، ﺋﯘﻧﯩﯔ ﻧﺎﻣﻰ ﻳﺎﻟﻐﯘﺯ ﺭﯗﺳﯩﻴﯩﮕﯩﻼ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻣﺪﻭﺳﺘﻠﯘﻗﻰ ﺋﻪﻟﻠﯩﺮﯨﮕﻪ ﺗﻮﻧﯘﻟﻐﺎﻥ.

ﻣﯘﺭﺍﺕ ﻧﺎﺳﯩﺮﻭﭖ 1991-ﻳﯩﻠﻰ ﻳﺎﻟﺘﺎﺩﺍ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﻮﻳﯩﭽﻪ ﺋﯚﺗﻜﯜﺯﯛﻟﮕﻪﻥ ﻳﺎﺵ ﻧﺎﺧﺸﯩﭽﯩﻼﺭﻧﯩﯔ ﻣﯘﺳﺎﺑﯩﻘﯩﺴﯩﺪﻩ ﭼﯧﻤﭙﯩﻴﻮﻥ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺗﻮﻧﯘﻟﯘﺷﻘﺎ ﺑﺎﺷﻼﭖ، 97--ﻳﯩﻠﻰ "ﺗﺎﻣﺒﻮﯞﻏﺎ ﺑﺎﺭﻣﺎﻗﭽﻰ ﺑﻮﻟﻐﺎﻥ ﺑﺎﻻ" ﺩﯦﮕﻪﻥ ﻧﺎﺧﺸﯩﺴﻰ ﺑﯩﻠﻪﻥ ﭘﯜﺗﯜﻥ ﺭﯗﺳﯩﻴﻪ ﯞﻩ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻡ ﺩﻭﺳﺘﻠﯘﻗﯩﺪﺍ ﺷﯚﻫﺮﻩﺕ ﻗﺎﺯﯨﻨﯩﭗ، ﻳﺎﺷﻼﺭﻧﯩﯔ ﭼﻮﻗﯩﻨﯩﺪﯨﻐﺎﻥ ﭼﻮﻟﭙﯩﻨﯩﻐﺎ ﺋﺎﻳﻼﻧﻐﺎﻥ ﺋﯩﺪﻯ.


ﻣﯘﺭﺍﺕ ﻧﺎﺳﯩﺮﻭﭘﻨﯩﯔ " ﻣﻪﻥ ﺩﯦﻤﻪﻙ ﺳﻪﻥ، ﺳﻪﻥ ﺩﯦﻤﻪﻙ ﻣﻪﻥ"، " ﺋﺎﻳﺪﯨﯔ ﻛﯧﭽﻪ"، " ﻣﯧﻨﯩﯔ ﺗﺎﺭﯨﺨﯩﻢ"ﻗﺎﺗﺎﺭﻟﯩﻖ ﻳﯜﺯﻟﯩﮕﻪﻥ ﻧﺎﺧﺸﯩﻠﯩﺮﻯ ﻛﯩﺸﯩﻠﻪﺭﻧﯩﯔ ﺳﯚﻳﯜﭖ ﺋﺎﯕﻠﯩﺸﯩﻐﺎ ﺋﯧﺮﯨﺸﻜﻪﻥ. ﻣﯘﺭﺍﺕ ﻧﺎﺳﯩﺮﻭﭖ ﻫﺎﺯﯨﺮﻏﯩﭽﻪ "ﻣﯧﻨﯩﯔ ﺗﺎﺭﯨﺨﯩﻢ"، " ﺋﻮﻳﻐﺎﺗﻘﯩﻦ ﻣﯧﻨﻰ"، " ﻛﯩﻤﺪﯗ ﺑﯩﺮﻯ ﺋﻪﭘﯘ ﻗﯩﻠﯩﺪﯗ"، "ﺑﯘ ﺋﯩﺸﻼﺭ ﻣﻪﻥ ﺑﯩﻠﻪﻥ ﺑﻮﻟﻤﯩﻐﺎﻥ "، "ﻗﺎﻟﺪﯨﻢ ﻳﺎﻟﻐﯘﺯ" ﻗﺎﺗﺎﺭﻟﯩﻖ ﺑﻪﺵ ﺋﺎﻟﺒﯘﻣﯩﻨﻰ ﻧﻪﺷﯩﺮ ﻗﯩﻠﺪﯗﺭﻏﺎﻥ ﺑﻮﻟﯘﭖ، ﺋﯘﻧﯩﯔ ﭘﻼﺳﺘﯩﻨﻜﯩﻠﯩﺮﻯ ﻛﻪﯓ ﺑﺎﺯﺍﺭ ﺗﺎﭘﻘﺎﻥ. 90-ﻳﯩﻠﻼﺭﻧﯩﯔ ﺋﺎﺧﯩﺮﻯ ﺋﯘﻧﯩﯔ ﺋﻪﯓ ﺩﺍﯓ ﭼﯩﻘﺎﺭﻏﺎﻥ ﺩﻩﯞﺭﻯ ﺑﻮﻟﯘﭖ، ﺑﯩﺮ ﻗﯧﺘﯩﻤﻠﯩﻖ ﻧﺎﺧﺸﺎ ﻛﯧﭽﯩﻠﯩﻜﯩﮕﻪ 50 ﻣﯩﯔ ﺋﺎﺩﻩﻡ ﻗﺎﺗﻨﯩﺸﯩﺸﺘﻪﻙ ﺭﯦﻜﻮﺭﺕ ﻳﺎﺭﯨﺘﯩﻠﻐﺎﻥ ﺋﯩﻜﻪﻥ.

ﻛﻮﻣﭙﻮﺯﯨﺘﻮﺭ ﯞﻩ ﺷﺎﺋﯩﺮ -

"ﻗﺎﻟﺪﯨﻢ ﻳﺎﻟﻐﯘﺯ" ﻧﺎﻣﻠﯩﻖ ﺋﺎﻟﺒﯘﻣﯩﻨﯩﯔ ﺗﯧﺸﻰ
ﻣﯘﺭﺍﺕ ﻧﺎﺳﯩﺮﻭﭖ ﺋﯚﺯﯨﻨﯩﯔ ﺑﻪﺵ ﺋﺎﻟﺒﯘﻣﯩﺪﯨﻜﻰ ﻧﺎﺧﺸﯩﻼﺭﻧﯩﯔ ﺗﯧﻜﯩﺴﺘﻠﯩﺮﯨﻨﯩﯔ ﻣﯘﺗﻠﻪﻕ ﻛﯚﭘﭽﯩﻠﯩﻜﯩﻨﻰ ﺋﯚﺯﻯ ﻳﺎﺯﻏﺎﻥ، ﻣﯘﺯﯨﻜﯩﺴﯩﻨﻰ ﺋﯚﺯﻯ ﺋﯩﺸﻠﯩﮕﻪﻥ. ﺋﯘ، ﺑﺎﺷﻘﯩﻼﺭﻧﯩﯔ ﻳﯧﺰﯨﭗ ﺑﻪﺭﮔﻪﻥ ﻣﯘﺯﯨﻜﯩﺴﻰ ﺑﯩﻠﻪﻥ ﺳﯚﺯﯨﮕﻪ ﻧﺎﺧﺸﺎ ﺋﯧﻴﺘﯩﺸﻨﻰ ﻳﺎﻗﺘﯘﺭﻣﯩﻐﺎﻥ.  
  
ﻣﯘﺭﺍﺕ ﻧﺎﺳﯩﺮﻭﭖ ﻣﻪﺧﺴﯘﺱ ﻛﻮﻣﭙﻮﺯﯨﺘﻮﺭﻟﯘﻕ ﺋﻮﻗﯘﻏﺎﻧﻠﯩﻘﻰ ﺋﯜﭼﯜﻥ، ﺋﯘ ﺭﯗﺱ ﻧﺎﺧﺸﯩﻠﯩﺮﯨﻨﻰ ﯞﻩ ﺋﯘﻧﯩﯔ ﻗﯘﺭﯗﻟﻤﯩﻠﯩﺮﯨﻨﻰ ﺟﯜﻣﻠﯩﺪﯨﻦ ﺋﻮﺗﺘﯘﺭﺍ ﺷﻪﺭﻕ، ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﻫﯩﻨﺪﯨﺴﺘﺎﻥ ﻣﯘﺯﯨﻜﯩﻠﯩﺮﯨﻨﯩﯔ ﻗﯘﺭﯗﻟﻤﯩﻠﯩﺮﯨﻨﻰ ﻳﺎﺧﺸﻰ ﺋﯚﮔﻪﻧﮕﻪﻥ ﻫﻪﻡ ﺗﻪﺗﻘﯩﻖ ﻗﯩﻠﻐﺎﻥ ﺋﯩﺪﻯ. ﺷﯘﯕﺎ ﺋﯘ ﺋﯚﺯ ﻧﺎﺧﺸﯩﻠﯩﺮﯨﻨﯩﯔ ﻣﯘﺯﯨﻜﯩﻠﯩﺮﯨﻨﻰ ﺋﯚﺯﻯ ﺋﯩﺸﻠﻪﺵ ﺑﯩﻠﻪﻥ ﺋﯚﺯﯨﻨﯩﯔ ﻫﯧﺴﺴﯩﻴﺎﺗﻰ ﺑﯩﻠﻪﻥ ﺳﯚﺯﯨﻨﻰ ﯞﻩ ﻣﯘﺯﯨﻜﯩﺴﯩﻨﻰ ﺑﯩﺮﻟﻪﺷﺘﯜﺭﯛﭖ ﺑﯩﺮ ﮔﻪﯞﺩﯨﮕﻪ ﺋﺎﻳﻼﻧﺪﯗﺭﺍﻟﯩﻐﺎﻥ.

ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﺋﯘ ﺭﯗﺳﯩﻴﻪ ﻧﺎﺧﺸﺎ ﭘﺎﺩﯨﺸﺎﻫﻰ ﺋﺎﻟﻼ ﭘﯘﮔﺎﭼﯧﯟﺍ، ﻓﯩﻠﻠﯩﭗ ﻛﯩﺮﻛﯩﺮﻭﭖ ﻗﺎﺗﺎﺭﻟﯩﻖ ﻛﯚﭘﻠﯩﮕﻪﻥ ﭼﻮﻟﭙﺎﻧﻼﺭﻏﺎ ﻣﯘﺯﯨﻜﺎ ﯞﻩ ﺳﯚﺯ ﺗﯧﻜﯩﺴﺘﻰ ﻳﯧﺰﯨﭗ ﺑﻪﺭﮔﻪﻥ. ﻗﺎﺯﺍﻗﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﻚ ﺋﯘﻳﻐﯘﺭ ﺗﯧﻴﺎﺗﯩﺮﯨﻨﯩﯔ ﺩﯨﺮﯦﻜﺘﻮﺭﻯ ﻣﯘﺭﺍﺕ ﺋﻪﺧﻤﻪﺩﻯ ﻣﯘﺭﺍﺕ ﻧﺎﺳﯩﺮﻭﭘﺘﻪﻙ ﻣﯘﻧﺪﺍﻕ ﻛﯚﭖ ﻗﯩﺮﻟﯩﻖ ﺗﺎﻻﻧﺖ ﺋﯩﮕﯩﻠﯩﺮﯨﻨﯩﯔ ﺋﺎﺯ ﺋﯘﭼﺮﺍﻳﺪﯨﻐﺎﻧﻠﯩﻘﯩﻨﻰ، ﺋﯘﻧﯩﯔ ﺧﯘﺩﺍ ﺑﻪﺭﮔﻪﻥ ﺗﻪﺑﯩﺌﯩﻲ ﺋﺎﯞﺍﺯﻯ ﺑﺎﺭ ﻫﻪﻗﯩﻘﯩﻲ ﺗﺎﻻﻧﺘﻠﯩﻖ ﻧﺎﺧﺸﯩﭽﻰ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.  
  
ﻣﯘﺭﺍﺕ ﺭﯗﺳﯩﻴﻪ ﺳﻪﻫﻨﯩﻠﯩﺮﯨﺪﻩ ﺩﺍﺋﯩﻢ ﺋﯘﻳﻐﯘﺭﭼﻪ ﻧﺎﺧﺸﺎ ﺋﯧﻴﺘﻘﺎﻥ -
ﻣﯘﺭﺍﺕ ﻧﺎﺳﯩﺮﻭﭖ ﺋﯜﭺ- ﺗﯚﺕ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭﭼﻪ ﻧﺎﺧﺸﺎ ﺋﯩﺠﺎﺩ ﻗﯩﻠﯩﺶ ﯞﻩ ﺋﯘﻳﻐﯘﺭﭼﻪ ﻧﺎﺧﺸﺎ ﺋﯧﻴﺘﯩﺸﻘﺎ ﺑﺎﺷﻠﯩﻐﺎﻥ. ﻣﯘﺭﺍﺗﻨﯩﯔ ﺋﯘﻳﻐﯘﺭﭼﻪ ﻧﺎﺧﺸﺎ ﺋﯩﺠﺎﺩﯨﻴﯩﺘﻰ ﺋﺎﺳﺎﺳﻠﯩﻘﻰ ﺋﯘﻧﯩﯔ ﺩﺍﺩﯨﺴﻰ ﯞﺍﭘﺎﺕ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻛﯜﭼﯩﻴﯩﺸﻜﻪ ﺑﺎﺷﻠﯩﻐﺎﻥ. ,

ﺋﯘ، ﺩﺍﺩﯨﺴﯩﻐﺎ ﺑﯧﻐﯩﺸﻼﭖ، ﺋﯘﻳﻐﯘﺭﭼﻪ ﻧﺎﺧﺸﺎ ﺋﯩﺠﺎﺩ ﻗﯩﻠﯩﺸﻘﺎ ﻛﯩﺮﯨﺸﻜﻪﻥ ﺑﻮﻟﯘﭖ، ﺑﯘ ﺟﻪﻫﻪﺗﺘﻪ ﺋﺎﻟﻤﯘﺗﺎ ﯞﻩ ﻳﻪﺭﻛﻪﺗﺘﯩﻜﻰ ﺋﯘﻳﻐﯘﺭ ﻣﯘﺯﯨﻜﺎﻧﺘﻼﺭ ﺑﯩﻠﻪﻥ ﻫﻪﻣﻜﺎﺭﻟﯩﻖ ﺋﻮﺭﻧﺎﺗﻘﺎﻥ ﺷﯘﻧﯩﯖﺪﻩﻙ ﺋﯘﻳﻐﯘﺭ ﻳﯧﺰﯨﻠﯩﺮﯨﻐﺎ ﺑﯧﺮﯨﭗ، ﺋﯘيغۇﺭ ﻫﺎﻳﺎﺗﯩﻨﻰ ﯞﻩ ﺋﺎﻫﺎﯕﻠﯩﺮﯨﻨﻰ ﺋﯚﮔﻪﻧﮕﻪﻥ.
ﺑﯘ ﺟﻪﺭﻳﺎﻧﺪﺍ ﻳﻪﺭﻛﻪﺕ ﺷﻪﻫﯩﺮﯨﺪﯨﻜﻰ "ﻳﻪﺭﻛﻪﺕ ﺑﯘﻟﺒﯘﻟﻠﯩﺮ" ﻧﺎﻣﻠﯩﻖ ﮔﯘﺭﯗﭘﭙﯩﻨﯩﯔ ﭼﺎﻟﻐﯘﭼﯩﺴﻰ ﭘﻮﻻﺕ ﻣﯘﺭﺍﺕ ﺋﯜﭼﯜﻥ ﻛﯚﭖ ﭘﯩﺪﺍﻛﺎﺭﻟﯩﻖ ﻛﯚﺭﺳﻪﺗﺘﻰ. ﺋﯘ، ﻣﯘﺭﺍﺗﻘﺎ ﺋﯘﻳﻐﯘﺭ ﺋﺎﻫﺎﯕﻠﯩﺮﯨﻨﻰ ﯞﻩ ﺧﻪﻟﻖ ﻧﺎﺧﺸﯩﻠﯩﺮﯨﻨﻰ ﺗﻮﭘﻼﺷﻘﺎ ﻳﺎﺭﺩﻩﻣﻠﻪﺷﺘﻰ. ﺋﺎﺧﯩﺮﻯ، ﻣﯘﺭﺍﺕ ﻧﺎﺳﯩﺮﻭﭖ 2004-ﻳﯩﻠﻰ ﺩﺍﺩﯨﺴﯩﻐﺎ ﺑﯧﻐﯩﺸﻼﭖ "ﻗﺎﻟﺪﯨﻢ ﻳﺎﻟﻐﯘﺯ" ﻧﺎﻣﻠﯩﻖ ﺋﯚﺯﯨﻨﯩﯔ ﺗﯘﻧﺠﻰ ﺋﯘﻳﻐﯘﺭﭼﻪ ﻧﺎﺧﺸﺎ ﺋﺎﻟﺒﯘﻣﯩﻨﻰ ﺗﻪﻳﻴﺎﺭﻻﭖ ﻣﻮﺳﻜﯟﺍ ﺷﻪﻫﺮﯨﺪﻩ ﻧﻪﺷﯩﺮ ﻗﯩﻠﯩﭗ ﺗﺎﺭﻗﺎﺗﺘﻰ. ﺑﯘ ﺭﯗﺳﯩﻴﻪ ﺗﺎﺭﯨﺨﯩﺪﺍ ﺗﯘﻧﺠﻰ ﻗﯧﺘﯩﻢ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﯘﻳﻐﯘﺭﭼﻪ ﺋﯜﻥ ﭘﻼﺳﺘﯩﻨﻜﯩﺴﻰ ﺑﻮﻟﯘﭖ، ﻣﻪﺯﻛﯘﺭ ﭘﻼﺳﺘﯩﻨﻜﺎ ﻣﻮﺳﻜﯟﺍﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺭﯗﺳﯩﻴﻪ ﺑﺎﺯﺍﺭﻟﯩﺮﯨﻐﺎ ﻫﻪﺗﺘﺎ ﺋﯘﻳﻐﯘﺭ ﺩﯨﻴﺎﺭﯨﻐﯩﻤﯘ ﺗﺎﺭﻗﺎﻟﺪﻯ.  
  
ﻗﺎﺯﺍﻗﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﻚ ﺋﯘﻳﻐﯘﺭ ﺗﯩﻴﺎﺗﯩﺮﯨﻨﯩﯔ ﺩﯨﺮﯦﻜﺘﻮﺭﻯ ﻣﯘﺭﺍﺕ ﺋﻪﺧﻤﻪﺩﻯ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﻗﻪﺷﻘﻪﺭﺩﯨﻦ ﺭﺍﯞﺍﺏ ﺋﻪﻛﻪﻟﺪﯛﺭﯛﭖ، ﺋﯘﻧﻰ ﭼﯧﻠﯩﺸﻨﻰ ﺋﯚﮔﻪﻧﮕﻪﻧﻠﯩﻜﻰ ﻫﻪﺗﺘﺎ ﻗﺎﺯﺍﻗﯩﺴﺘﺎﻧﻐﺎ ﻗﺎﻳﺘﯩﭗ ﻛﯧﻠﯩﭗ، ﺋﯘﻳﻐﯘﺭ ﻧﺎﺧﺸﺎ-ﺋﯩﺠﺎﺩﯨﻴﯩﺘﻰ ﺑﯩﻠﻪﻥ ﻛﻪﯓ ﺷﯘﻏﯘﻟﻠﯘﻧﯘﺷﻨﻰ ﺋﻮﻳﻠﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
  
ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﺋﯩﺠﺎﺩﯨﻴﯩﺘﯩﮕﻪ ﺩﺍﺩﯨﺴﻰ ﺗﻪﺳﯩﺮ ﻛﯚﺭﺳﻪﺗﻜﻪﻥ
ﻣﯘﺭﺍﺕ ﻧﺎﺳﯩﺮﻭﭖ 1969-ﻳﯩﻠﻰ ﺋﺎﻟﻤﯘﺗﺎ ﺷﻪﻫﯩﺮﯨﺪﯨﻜﻰ ﺩﯗﻧﻴﺎﻏﺎ ﻛﻪﻟﮕﻪﻥ. ﺋﯘﻧﯩﯔ ﺩﺍﺩﯨﺴﻰ ﺋﯩﺴﻤﺎﺋﯩﻞ ﺋﺎﻛﺎ 50-ﻳﯩﻠﻼﺭﺩﺍ ﻗﺎﺯﺍﻗﯩﺴﺘﺎﻧﻐﺎ ﻛﯚﭼﯜﭖ ﻛﻪﻟﮕﻪﻥ. ﺋﯩﺴﻤﺎﺋﯩﻞ ﺋﺎﻛﺎ ﺳﻪﻧﺌﻪﺗﻜﺎﺭ ﺑﻮﻟﯘﭖ، ﻣﯘﺭﺍﺗﻨﯩﯔ ﻧﺎﺧﺸﯩﭽﻰ ﺑﻮﻟﯘﭖ ﻳﯧﺘﯩﻠﯩﺸﯩﺪﻩ ﺋﯘﻧﯩﯔ ﺭﻭﻟﻰ ﯞﻩ ﺗﻪﺳﯩﺮﻯ ﭼﻮﯓ ﺑﻮﻟﻐﺎﻥ. ﻣﯘﺭﺍﺕ ﻫﻪﺭﺑﯩﻲ ﯞﻩﺯﯨﭙﯩﺴﯩﻨﻰ ﺗﯜﮔﻪﺗﻜﻪﻧﺪﯨﻦ ﻛﯧﻴﯩﻦ ﻣﻮﺳﻜﯟﺍﻏﺎ ﺑﯧﺮﯨﭗ، ﻣﯘﺯﯨﻜﺎ ﻣﻪﻛﺘﯩﭙﯩﮕﻪ ﻛﯩﺮﯨﭗ ﺋﻮﻗﯘﻏﺎﻥ ﻫﻪﻡ ﺋﻪﻻ ﻧﻪﺗﯩﺠﯩﺪﻩ ﺑﯩﻠﻪﻥ ﭘﯜﺗﺘﯜﺭﮔﻪﻥ. ﺷﯘﻧﯩﯖﺪﯨﻦ ﻛﯧﻴﯩﻦ ﺋﯘ ﺩﺍﯞﺍﻣﻠﯩﻖ ﻣﻮﺳﻜﯟﺍﺩﺍ ﻳﺎﺷﺎﭖ، ﺋﯩﺠﺎﺩﯨﻴﻪﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ، ﺋﯚﺯ ﻛﯜﭼﻰ ﯞﻩ ﺗﺎﻻﻧﺘﯩﻐﺎ ﺗﺎﻳﯩﻨﭗ، ﺋﺎﺧﯩﺮﯨﺪﺍ ﺗﻪﺧﻤﯩﻨﻪﻥ ﺋﯜﭺ ﻳﯜﺯ ﻣﯩﻠﻴﻮﻥ ﻧﻮﭘﯘﺳﻠﯘﻕ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻣﺪﻭﺳﻠﯘﻗﯩﻐﺎ ﺗﻮﻧﯘﻟﯘﺵ ﺳﻪﯞﯨﻴﯩﺴﯩﮕﻪ ﻳﻪﺗﻜﻪﻥ ﺋﺎﺭﺗﯩﺴﺘﻘﺎ ﺋﺎﻳﻼﻧﻐﺎﻥ.

ﻣﯘﺭﺍﺕ ﻧﺎﺳﯩﺮﻭﭖ ﺋﯚﺯ ﺧﻪﻟﻘﯩﻨﻰ ﺳﯚﻳﮕﻪﻧﻠﯩﻜﻰ ﺋﯜﭼﯜﻥ ﺋﯘ ﻫﻪﻣﻤﯩﻼ ﻳﻪﺭﺩﻩ ﺋﯘﻳﻐﯘﺭﻧﻰ ﺗﻪﺷﯟﯨﻖ ﻗﯩﻠﻐﺎﻥ. ﺗﯧﻠﯧﯟﯨﺰﯨﻴﻪ ﺋﯧﻜﺮﺍﻧﻠﯩﺮﯨﺪﯨﻤﯘ ﺋﯘﻳﻐﯘﺭ ﺳﻪﻧﺌﯩﺘﻰ ﯞﻩ ﺗﺎﻣﺎﻗﻠﯩﺮﯨﻨﻰ ﻫﻪﻡ ﺗﺎﺭﯨﺨﯩﻨﻰ ﺗﻮﻧﯘﺷﺘﯘﺭﻏﺎﻥ. ﺋﯘ، ﺋﻪﻳﻨﻰ ﯞﺍﻗﯩﺘﺘﺎ ﻗﻪﺷﻘﻪﺭﻧﯩﯔ ﭘﻪﻳﺰﯨﯟﺍﺕ ﯞﻩ ﻣﺎﺭﺍﻟﺒﯧﺸﻰ ﻧﺎﻳﯩﻬﯩﻠﯩﺮﯨﺪﯨﻜﻰ ﻳﻪﺭ ﺗﻪﯞﺭﻩﺷﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﻣﻮﺳﻜﯟﺍﺩﯨﻦ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻛﯧﻠﯩﭗ، ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ ﻗﺎﺗﺎﺭﻟﯩﻖ ﺟﯘﻣﻬﯘﺭﯨﻴﻪﺗﻠﻪﺭﺩﻩ ﻣﻪﺧﺴﯘﺱ ﺧﻪﻳﺮﯨﺴﺎﺧﺎﯞﻩﺗﻠﯩﻚ ﻧﺎﺧﺸﺎ ﻛﯧﭽﯩﻠﯩﻜﻰ ﺋﯚﺗﻜﯜﺯﯛﭖ، ﯞﺍﭘﺎﺕ ﺑﻮﻟﻐﺎﻥ ﯞﻩ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﻗﯧﺮﯨﻨﺪﺍﺷﻠﯩﺮﯨﻐﺎ ﻣﺎﺗﻪﻡ ﺑﯩﻠﺪﯛﺭﯛﭖ، ﺋﯚﺯﯨﻨﯩﯔ ﺋﯘﻳﻐﯘﺭﻟﯘﻕ ﺑﯘﺭﭼﯩﻨﻰ ﺋﺎﺩﺍ ﻗﯩﻠﺪﻯ.

ﻣﯘﺭﺍﺕ ﻧﺎﺳﯩﺮﻭﭖ ﺋﯚﺯ ﺧﻪﻟﻘﯩﻨﻰ ﻗﺎﻧﭽﻪ ﺳﯚﻳﺴﻪ، ﺋﯚﺯ ﺧﻪﻟﻘﯩﻤﯘ ﻣﯘﺭﺍﺗﻨﻰ ﺷﯘﻧﭽﻪ ﺳﯚﻳﺪﻯ. ﺋﯚﺗﻜﻪﻥ ﻳﯩﻠﻰ ﺋﺎﻟﻤﯘﺗﺎﺩﯨﻜﻰ ﻗﺎﺯﺍﻗﯩﺴﺘﺎﻥ ﺋﯘﻳﻐﯘﺭ ﺑﺎﻳﻠﯩﺮﻯ ﻛﯘﻟﯘﺑﻰ ﺗﻪﺷﻜﯩﻠﻠﯩﮕﻪﻥ "ﺋﯩﻠﻬﺎﻡ ﻣﯘﻛﺎﭘﺎﺗﻰ" ﺑﯧﺮﯨﺶ ﻣﯘﺭﺍﺳﯩﻤﯩﺪﺍ ﺑﺎﻫﺎﻟﯩﻐﯘﭼﯩﻼﺭ ﺑﯩﺮﺩﻩﻙ ﻫﺎﻟﺪﺍ ﺋﯘﻧﯩﯔ ﺗﯚﻫﭙﯩﻠﯩﺮﯨﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﭖ، ﺋﯘﻧﯩﯖﻐﺎ ﺳﻪﻧﺌﻪﺕ ﯞﻩ ﻧﺎﺧﺸﺎ-ﻣﯘﺯﯨﻜﺎ ﺳﺎﻫﻪﺳﻰ ﺑﻮﻳﯩﭽﻪ ﺑﯩﺮﯨﻨﭽﻰ ﺩﻩﺭﯨﺠﯩﻠﯩﻚ "ﺋﯩﻠﻬﺎﻡ ﻣﯘﻛﺎﭘﺎﺗﻰ" ﺑﻪﺭﺩﻯ.

ﻣﻪﺭﻫﯘﻡ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﺋﯘﻳﻐﯘﺭﭼﻪ ﻧﺎﺧﺸﺎ-ﺋﯩﺠﺎﺩﯨﻴﯩﺘﻰ، ﺋﯘﻳﻐﯘﺭ ﻣﯩﻠﻠﯩﺘﻰ ﺋﯜﭼﯜﻥ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺧﯩﺰﻣﻪﺗﻠﯩﺮﻯ ﺗﯧﺨﻰ ﺋﻪﻣﺪﻯ ﺑﺎﺷﻠﯩﻨﯩﭗ، ﻣﻮﻝ ﻣﯧﯟﻩ ﺑﯧﺮﯨﺶ ﺋﺎﻟﺪﯨﺪﺍ ﺋﯚﺯ ﺧﻪﻟﻘﯩﺪﯨﻦ ﯞﺍﻗﯩﺘﺴﯩﺰ ﺋﺎﻳﺮﯨﻠﺪﻯ. ﺋﻪﻣﻤﺎ، ﺋﯘﻧﯩﯔ ﻳﺎﯕﺮﺍﻕ ﺋﺎﯞﺍﺯﻟﯩﺮﻯ ﯞﻩ ﺗﺎﻻﻧﺘﻰ ﺋﻪﺑﻪﺩﯨﻲ ﺋﯘﻳﻐﯘﺭ ﺧﻪﻟﻘﻰ ﺋﺎﺭﯨﺴﯩﺪﺍ ﻗﺎﻟﺪﻯ