ئەركىنجان تۇراخۇن ئاپتونوم رايونلۇق باش ئىشچىلار ئۇيۇشمىسىنىڭ رەئىسلىكىگە سايلاندى

ئەركىنجان تۇراخۇن

　　27-ئاۋغۇست چۈشتىن كېيىن ، شىنجاڭ ئۇيغۇر ئاپتونوم رايونلۇق ئىشىچىلار ئۇيۇشمىسىنىڭ 11-قۇرۇلتىيى يېپىلدى . يىغىندا ئاپتونوم رايونلۇق پارتكوم دائىمىي كومىتېتىنىڭ ئەزاسى ، جۇڭخۇا مەملىكەتلىك باش ئىشچىلار ئۇيۇشمىسىنىڭ مۇئاۋىن رەئىسى ئەركىنجان تۇراخۇن ئاپتونوم رايونلۇق باش ئىشچىلار ئۇيۇشمىسىنىڭ رەئىسلىكىگە سايلاندى .

　　ئەركىنجان تۇراخۇننىڭ تەرجىمىھالى:

　　ئەركىنجان تۇراخۇن 1964 - يىلى 6 - ئايدا قەشقەردە تۇغۇلغان، 1985 - يىلى 1 - ئايدا پارتىيەگە كىرگەن، 1985 - يىلى 7 - ئايدا خىزمەتكە قاتناشقان. چاڭجياڭ سودا ئىنستىتۇتىنىڭ ئالىي دەرىجىلىك باشقۇرغۇچىلار سودا - سانائەت باشقۇرۇش ماگىستىرلىق سىنىپىنى پۈتكۈزگەن، ئىشلەۋېتىپ ئاسپىرانتلىق ئوقۇش تارىخىغا ئىگە بولغان، سودا - سانائەت باشقۇرۇش ماگىستىرى.

　　1981-يىلى 9-ئايدىن 1985-يىلى 7-ئايغىچە شىنجاڭ مالىيە - ئىقتىساد ئىنستىتۇتى پىلان-ئىستاتىستىكا فاكۇلتېتىنىڭ پىلان - ئىستاتىستىكا كەسپىدە ئوقۇغان.

　　1985 - يىلى 7 - ئايدىن 1986 - يىلى 5 - ئايغىچە كوممۇنىستىك ياشلار ئىتتىپاقى شىنجاڭ مالىيە - ئىقتىساد ئىنستىتۇتى كومىتېتىنىڭ كادىرى بولغان.

　　1986 - يىلى 5 - ئايدىن 1988 - يىلى 5 - ئايغىچە كوممۇنىستىك ياشلار ئىتتىپاقى شىنجاڭ مالىيە - ئىقتىساد ئىنستىتۇتى كومىتېتىنىڭ مۇئاۋىن شۇجىسى بولغان.

　　1988 - يىلى 5 - ئايدىن 1990- يىلى 1 - ئايغىچە كوممۇنىستىك ياشلار ئىتتىپاقى شىنجاڭ مالىيە - ئىقتىساد ئىنستىتۇتى كومىتېتىنىڭ شۇجىسى قوشۇمچە شىنجاڭ مالىيە ئىقتىساد ئىنستىتۇتى ئوقۇغۇچىلار باشقارمىسىنىڭ مۇئاۋىن باشلىقى بولغان.

　　1990 - يىلى 1 - ئايدىن 1992 - يىلى 7 - ئايغىچە كوممۇنىستىك ياشلار ئىتتىپاقى شىنجاڭ ئۇيغۇر ئاپتونوم رايونلۇق كومىتېتى مەكتەپ بۆلۈمىنىڭ مۇئاۋىن باشلىقى، ئوقۇغۇچىلار بىرلەشمىسىنىڭ مۇئاۋىن باش كاتىپى بولغان (1990 - يىلى 12 - ئايدىن 1991 - يىلى 3 - ئايغىچە شىنجاڭ ئۇيغۇر ئاپتونوم رايونى ئاقتۇ ناھىيەسىدە سوتسىيالىستىك تەربىيەگە قاتناشقان).

　　1992 - يىلى 7 - ئايدىن 1994 - يىلى 5 - ئايغىچە كوممۇنىستىك ياشلار ئىتتىپاقى شىنجاڭ ئۇيغۇر ئاپتونوم رايونلۇق كومىتېتى مەكتەپ بۆلۈمىنىڭ باشلىقى، ئوقۇغۇچىلار بىرلەشمىسىنىڭ باش كاتىپى بولغان (1992 - يىلى 9 - ئايدىن 1992 - يىلى 11 - ئايغىچە شىنجاڭ ئۇيغۇر ئاپتونوم رايونلۇق پارتىيە كومىتېتى پارتىيە مەكتىپىنىڭ ناھىيە، باشقارما دەرىجىلىك كادىرلار بىلىم ئاشۇرۇش كۇرسىدا ئوقۇغان).

　　1994 - يىلى 5 - ئايدىن 1999 - يىلى 5 - ئايغىچە كوممۇنىستىك ياشلار ئىتتىپاقى شىنجاڭ ئۇيغۇر ئاپتونوم رايونلۇق كومىتېتىنىڭ مۇئاۋىن شۇجىسى، پارتىيە گۇرۇپپىسىنىڭ ئەزاسى، ئاپتونوم رايونلۇق ياشلار بىرلەشمىسىنىڭ رەئىسى بولغان (1993 - يىلى 7 - ئايدىن 1995 - يىلى 6 - ئايغىچە شىنجاڭ ئۇيغۇر ئاپتونوم رايونى كونىشەھەر ناھىيەلىك پارتىيە كومىتېتىدا مۇئاۋىن شۇجىلىق ۋەزىپىسى بىلەن چېنىققان؛

　　1997 - يىلى 4 - ئايدىن 1997 - يىلى 12 - ئايغىچە شىنجاڭ ئۇيغۇر ئاپتونوم رايونى «مەركەزلىك تۈزەش خىزمەت ئەترىتى» قاراقاش ناھىيەلىك خىزمەت ئەترىتىنىڭ مۇئاۋىن باشلىقى بولغان).

　　1999 - يىلى 5 - ئايدىن 2003 - يىلى 7 - ئايغىچە كوممۇنىستىك ياشلار ئىتتىپاقى شىنجاڭ ئۇيغۇر ئاپتونوم رايونلۇق كومىتېتىنىڭ شۇجىسى، پارتىيە گۇرۇپپىسىنىڭ مۇئاۋىن شۇجىسى، ئاپتونوم رايونلۇق ياشلار بىرلەشمىسىنىڭ رەئىسى بولغان (1998 - يىلى 9 - ئايدىن 2000 - يىلى 7 - ئايغىچە شىنجاڭ ئۇنىۋېرسىتېتىنىڭ سىياسىي-ئىقتىساد كەسپىدە ئىشلەۋېتىپ ئاسپىرانتلىقتا ئوقۇغان؛

　　2002 - يىلى 12 - ئايدا كوممۇنىستىك ياشلار ئىتتىپاقى مەركىزىي كومىتېتى دائىمىي كومىتېتىنىڭ ئەزالىقىغا تولۇقلانغان).

　　2003 - يىلى 7 - ئايدىن 2004 - يىلى 5 - ئايغىچە كوممۇنىستىك ياشلار ئىتتىپاقى مەركىزىي كومىتېتى شۇجىچۇسىنىڭ شۇجىسى بولغان (2003 - يىلى 3 - ئايدىن 2004 - يىلى 1 - ئايغىچە مەركىزىي پارتىيە مەكتىپىنىڭ بىر يىللىق تۈزۈمدىكى ياش، ئوتتۇرا ياش كادىرلار سىنىپىدا ئوقۇغان).

　　2004 - يىلى 5 - ئايدىن 2006- يىلى 5 - ئايغىچە كوممۇنىستىك ياشلار ئىتتىپاقى مەركىزىي كومىتېتى شۇجىچۇسىنىڭ شۇجىسى، مەملىكەتلىك ياشلار بىرلەشمىسىنىڭ مۇئاۋىن رەئىسى بولغان.

　　2006 - يىلى 5 - ئايدىن 2008 - يىلى 5 - ئايغىچە كوممۇنىستىك ياشلار ئىتتىپاقى مەركىزىي كومىتېتى شۇجىچۇسىنىڭ شۇجىسى، مەملىكەتلىك ياشلار بىرلەشمىسىنىڭ دائىمىي مۇئاۋىن رەئىسى بولغان (2004-يىلى 5 - ئايدىن 2006 - يىلى 10 - ئايغىچە چاڭجياڭ سودا ئىنستىتۇتىنىڭ ئالىي دەرىجىلىك باشقۇرغۇچىلار سودا - سانائەت باشقۇرۇش ماگىستىرلىق سىنىپىدا ئوقۇغان؛ 2006-يىلى 8-ئايدىن 2006-يىلى 9 - ئايغىچە مەركىزىي كومىتېت تەشكىلات بۆلۈمى ئامېرىكا ستانفورت ئۇنىۋېرسىتېتىدا ئاچقان 4-قارارلىق شەھەر پىلانلاش ۋە ئۇچۇرلاشتۇرۇش مەخسۇس مۇھاكىمە كۇرسىدا ئوقۇغان؛ 2007 - يىلى 9 - ئايدىن 2007-يىلى 11-ئايغىچە مەركىزىي پارتىيە مەكتىپى بىلىم ئاشۇرۇش 1 - سىنىپى 42 – قارارلىق كۇرسىدا ئوقۇغان).

　　2008 - يىلى 5 - ئايدىن 2008 - يىلى 6 - ئايغىچە شىنجاڭ ئۇيغۇر ئاپتونوم رايونلۇق پارتىيە كومىتېتى دائىمىي كومىتېتىنىڭ ئەزاسى، كوممۇنىستىك ياشلار ئىتتىپاقى مەركىزىي كومىتېتى شۇجىچۇسىنىڭ شۇجىسى، مەملىكەتلىك ياشلار بىرلەشمىسىنىڭ دائىمىي مۇئاۋىن رەئىسى بولغان.

　　2008 - يىلى 6 - ئايدىن 2008 - يىلى 10 - ئايغىچە شىنجاڭ ئۇيغۇر ئاپتونوم رايونلۇق پارتكوم دائىمىي كومىتېتىنىڭ ئەزاسى، ئاپتونوم رايونلۇق باش ئىشچىلار ئۇيۇشمىسىنىڭ رەئىسى بولغان.

　　2008-يىلى 10-ئايدىن ھازىرغىچە شىنجاڭ ئۇيغۇر ئاپتونوم رايونلۇق پارتكوم دائىمىي كومىتېتىنىڭ ئەزاسى، ئاپتونوم رايونلۇق باش ئىشچىلار ئۇيۇشمىسىنىڭ رەئىسى ، جۇڭخۇا مەملىكەتلىك باش ئىشچىلار ئۇيۇشمىسىنىڭ مۇئاۋىن رەئىسى (قوشۇمچە) .

　　سىياسىي كېڭەش مەملىكەتلىك 11-نۆۋەتلىك كومىتېتىنىڭ ئەزاسى .

　　18-نۆۋەتلىك پارتىيە مەركىزىي كومىتېتىنىڭ كاندىدات ئەزاسى.