تەڭرىتاغ تورى خەۋىرى: بۇ ئىككى كۈندە ئۈرۈمچىنىڭ ھاۋاسى شەرقىي جەنۇب شامىلى ۋە غەربىي شىمال شامىلىنىڭ تەسىرىدە ئىزچىل ئىسسىقمۇ ئەمەس، سوغۇقمۇ ئەمەس بولدى.
ئۈرۈمچى شەھەرلىك مېتېئورولوگىيە ئىستانسىسىنىڭ ئۇچۇرىدا كۆرسىتىلىشىچە، 13-ئۆكتەبىر كېچىدە ئۈرۈمچى شەھەر رايونى ۋە جەنۇبىي شەھەر ئەتراپى رايونىدا بەش بال شەرقىي جەنۇب شامىلى چىقىپ، چوڭ كۆلدىن ئۇلانبايغىچە، قىلبىتاغدىن «1-ئاۋغۇست» پولات-تۆمۈر گۇرۇھىغىچە 9-بال ئۆتكۈنچى بوران چىقىدىكەن. شۇنىڭغا ئەگىشىپ سوغۇق ھاۋا ئېقىمى كەڭ كۆلەمدە ئۈرۈمچىگە تەسىر كۆرسىتىپ، 14-ئۆكتەبىر چۈشتىن كېيىندىن كېچىگىچە ئۈرۈمچى شەھەر رايونى، مىچۇەن-كۆكتاغ رايونىدا ئازراق ياكى ئوتتۇراھال يامغۇر يېغىپ، يامغۇر ئارىلاش قارغا ئۆزگىرىدىكەن. بۇنىڭ تەسىرىدە ئۈرۈمچىنىڭ ھەر قايسى رايونلىرىدا تېمپېراتۇرا℃10~℃8 قىچە تۆۋەنلەپ، شەھەر رايونىدىكى ئەڭ تۆۋەن تېمپېراتۇرا℃0 بولىدىكەن. جەنۇبىي شەھەر ئەتراپى رايونى ۋە تاغلىق رايونلاردا ئوتتۇراھال ياكى قاتتىق قار ياغىدىكەن.
