ﺷﯩﻨﺨﯘﺍ ﺗﻮﺭﻯ ﺧﻪﯞﯨﺮﻯ. 30-ﺋﯩﻴﯘﻝ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﺎﺩﻩﻡ ﻛﯜﭼﻰ ﺑﺎﻳﻠﯩﻘﻰ ﯞﻩ ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺕ ﻧﺎﺯﺍﺭﯨﺘﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﭼﯩﻘﯩﻤﯩﻨﻰ ﺗﯚﻟﻪﺵ ﺷﻪﻛﻠﻰ ﺋﯩﺴﻼﮬﺎﺗﯩﻨﻰ ﻳﻪﻧﯩﻤﯘ ﭼﻮﯕﻘﯘﺭﻻﺷﺘﯘﺭﯗﺷﻘﺎ ﺩﺍﺋﯩﺮ ﺋﺎﻻﻗﯩﺪﺍﺭ ﻣﻪﺳﯩﻠﯩﻠﻪﺭ ﺗﻮﻏﺮﯨﺴﯩﺪﯨﻜﻰ ﺋﯘﻗﺘﯘﺭﯗﺵﻧﻰ ﺗﺎﺭﻗﯩﺘﯩﭗ، ﺋﯩﺴﻼﮬﺎﺕ ﻧﯩﺸﺎﻧﯩﻨﻰ ﻳﻪﻧﯩﻤﯘ ﺋﺎﻳﺪﯨﯖﻼﺷﺘﯘﺭﺩﻯ. ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﺎﺩﻩﻡ ﻛﯜﭼﻰ ﺑﺎﻳﻠﯩﻘﻰ ﯞﻩ ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺕ ﻧﺎﺯﺍﺭﯨﺘﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﻣﻪﺭﻛﯩﺰﯨﻨﯩﯔ ﻣﯘﺩﯨﺮﻯ ﻟﻴﯘ ﻟﯩﻠﯩﻨﯩﯔ ﺗﻮﻧﯘﺷﺘﯘﺭﯗﺷﯩﭽﻪ، ﺋﯩﻠﮕﯩﺮﻯ ﺩﯙﻟﯩﺘﯩﻤﯩﺰﻧﯩﯔ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﺋﺎﭘﭙﺎﺭﺍﺗﻠﯩﺮﻯ ﮬﯚﻛﯜﻣﻪﺕ ﺩﻭﺧﺘﯘﺭﺧﺎﻧﯩﻠﯩﺮﯨﻐﺎ ﻛﯚﭘﯩﻨﭽﻪ ﻣﯘﻻﺯﯨﻤﻪﺕ ﺗﯜﺭﻯ ﺑﻮﻳﯩﭽﻪ ﮬﻪﻕ ﺗﯚﻟﻪﺵ ﺷﻪﻛﻠﯩﻨﻰ ﻗﻮﻟﻠﯩﻨﯩﭗ ﻛﻪﻟﮕﻪﻥ ﺋﯩﺪﻯ. ﺑﯘ ﺧﯩﻞ ﺷﻪﻛﯩﻞ ﺑﻪﺯﻯ ﺩﻭﺧﺘﯘﺭﺧﺎﻧﯩﻼﺭ ﯞﻩ ﺩﻭﺧﺘﯘﺭﻻﺭﻧﯩﯔ ﺗﻪﻛﺸﯜﺭﯛﺷﻨﻰ ﻛﯚﭖ ﻗﯩﻠﯩﺶ، ﺩﻭﺭﯨﻨﻰ ﻛﯚﭖ ﻳﯧﺰﯨﭗ ﺑﯧﺮﯨﺶ ﺋﺎﺭﻗﯩﻠﯩﻖ ﺗﯧﺨﯩﻤﯘ ﻛﯚﭖ ﺧﯩﺮﺍﺟﻪﺕ ﺗﻮﻟﯘﻗﻠﯩﻤﯩﺴﯩﻐﺎ ﺋﯧﺮﯨﺸﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ. ﺋﯜﺭﯛﻣﭽﻰ ﺷﻪﮬﻪﺭﻟﯩﻚ ﺋﯩﺠﺘﯩﻤﺎﺋﯩﻲ ﺳﯘﻏﯘﺭﺗﺎ ﺋﯩﺪﺍﺭﯨﺴﻰ ﺩﺍﯞﺍﻟﯩﻨﯩﺶ ﭼﯩﻘﯩﻤﻰ ﺑﯚﻟﯜﻣﯩﻨﯩﯔ ﺋﺎﻻﻗﯩﺪﺍﺭ ﻣﻪﺳﺌﯘﻟﯩﻨﯩﯔ ﺗﻮﻧﯘﺷﺘﯘﺭﯗﺷﯩﭽﻪ، 2010-ﻳﯩﻠﯩﺪﯨﻦ ﺑﺎﺷﻼﭖ، ﺋﯜﺭﯛﻣﭽﯩﺪﻩ ﺑﺎﻟﻨﯩﺴﺘﺎ ﻳﯧﺘﯩﭗ ﺩﺍﯞﺍﻻﻧﻐﺎﻥ ﺑﻪﻝ ﺋﻮﻣﯘﺭﺗﻘﺎ ﺗﻪﺧﺴﯩﺴﻰ ﭘﻮﻟﺘﯩﻴﯩﭗ ﭼﯩﻘﯩﭗ ﻗﯧﻠﯩﺶ، ﺟﯩﺪﺩﯨﻲ ﺧﺎﺭﺍﻛﺘﯧﺮﻟﯩﻚ ﺳﻮﻗﯘﺭ ﺋﯜﭼﻪﻱ ﻳﺎﻟﻠﯘﻏﻰ، ﻳﺎﺷﺎﻧﻐﺎﻧﻼﺭﺩﯨﻜﻰ ﻛﯚﺯﮔﻪ ﺋﺎﻕ ﭼﯜﺷﯜﺵ ﻛﯧﺴﻪﻟﻠﯩﻜﻰ ﻗﺎﺗﺎﺭﻟﯩﻖ 14ﺧﯩﻞ ﻛﯧﺴﻪﻟﮕﻪ ﻳﻪﻛﻜﻪ ﻛﯧﺴﻪﻝ ﺗﯜﺭﻯ ﺑﻮﻳﯩﭽﻪ ﭼﻪﻙ ﺑﻪﻟﮕﯩﻠﻪﭖ ﺭﺍﺳﭽﻮﺕ ﻗﯩﻠﯩﺶ ﻳﻮﻟﻐﺎ ﻗﻮﻳﯘﻟﻐﺎﻥ. ﺑﻪﻟﮕﯩﻠﻪﻧﮕﻪﻥ ﭼﻪﻙ ﺋﯚﻟﭽﯩﻤﯩﺪﯨﻦ ﺋﯧﺸﯩﭗ ﻛﻪﺗﻜﻪﻥ ﻗﯩﺴﯩﻤﻨﻰ ﺩﺍﯞﺍﻻﺵ ﺋﺎﭘﭙﺎﺭﺍﺗﻠﯩﺮﻯ ﺋﯜﺳﺘﯩﮕﻪ ﺋﺎﻟﻐﺎﻥ. ﺑﯘ ﻣﻪﺳﺌﯘﻝ ﻛﯩﺸﻰ ﻣﯩﺴﺎﻝ ﻛﻪﻟﺘﯜﺭﯛﭖ ﻣﯘﻧﺪﺍﻕ ﺩﯦﺪﻯ: ﺑﯩﺮ ﺑﯩﻤﺎﺭ ﻳﺎﺷﺎﻧﻐﺎﻧﻼﺭﺩﯨﻜﻰ ﻛﯚﺯﮔﻪ ﺋﺎﻕ ﭼﯜﺷﯜﺵ ﻛﯧﺴﯩﻠﯩﻨﻰ ﺩﺍﯞﺍﻻﺗﻤﺎﻗﭽﻰ ﺑﻮﻟﺴﺎ، ﺑﺎﺭﻟﯩﻖ ﻛﯩﻠﯩﻨﻜﯩﻠﯩﻖ ﺩﺍﯞﺍﻻﺵ ﭼﯩﻘﯩﻤﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﯩﺪﺍ 3000ﻳﯜﻩﻥ ﺋﯩﭽﯩﺪﻩ ﻛﻮﻧﺘﺮﻭﻝ ﻗﯩﻠﯩﻨﯩﺪﯗ، ﻧﺎﯞﺍﺩﺍ ﺋﺎﺧﯩﺮﯨﺪﺍ ﺑﯩﻤﺎﺭ 2800ﻳﯜﻩﻧﻠﯩﻚ ﮬﯧﺴﺎﯞﺍﺕ ﻗﯩﻠﻐﺎﻥ ﺑﻮﻟﺴﺎ ﺑﯘﻧﯩﯔ ﮬﻪﻣﻤﯩﺴﻨﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﻓﻮﻧﺪﯨﺪﯨﻦ ﭼﯩﻘﯩﻢ ﻗﯩﻠﯩﺪﯗ، ﺋﺎﺷﻘﺎﻥ 200ﻳﯜﻩﻧﻨﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﺩﺍﯞﺍﻻﺵ ﺋﺎﭘﭙﺎﺭﺍﺗﻠﯩﺮﯨﻐﺎ ﻗﺎﻳﺘﯘﺭﯗﭖ ﺑﯧﺮﯨﺪﯗ، ﺋﻪﻛﺴﭽﻪ ﻧﺎﯞﺍﺩﺍ ﭼﯩﻘﯩﻢ 3000ﻳﯜﻩﻧﺪﯨﻦ ﺋﯧﺸﯩﭗ ﻛﻪﺗﻜﻪﻥ ﺑﻮﻟﺴﺎ ﺋﺎﺷﻘﺎﻥ ﻗﯩﺴﯩﻤﯩﻨﻰ ﺩﺍﯞﺍﻻﺵ ﺋﺎﭘﭙﺎﺭﺍﺗﻠﯩﺮﻯ ﺋﯜﺳﺘﯩﮕﻪ ﺋﺎﻟﯩﺪﯗ. ﺑﯘﻧﺪﺍﻕ ﺑﻮﻟﻐﺎﻧﺪﺍ ﻧﺎﻣﯘﯞﺍﭘﯩﻖ ﺩﺍﯞﺍﻻﺵ ﭼﯩﻘﯩﻤﻠﯩﺮﯨﻨﻰ ﺋﺎﺯﺍﻳﺘﯩﻘﯩﻠﻰ ﺑﻮﻟﯩﺪﯗ ﮬﻪﻣﺪﻩ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﻓﻮﻧﺪﯨﻨﯩﯔ ﺋﯩﺸﻠﯩﺘﯩﺶ ﺋﯜﻧﯜﻣﯩﻨﻰ ﺋﺎﺷﯘﺭﻏﯩﻠﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﻳﻪﻧﻪ ﺩﺍﯞﻻﺵ ﺋﺎﭘﭙﺎﺭﺍﺗﻠﯩﺮﻯ ﺑﻪﻟﮕﯩﻠﯩﮕﻪﻥ ﺋﯚﻟﭽﻪﻡ ﺑﻮﻳﯩﭽﻪ ﭼﯩﻘﯩﻢ ﻗﯩﻠﯩﭗ ﺑﯩﻤﺎﺭﻧﯩﯔ ﻳﯜﻛﻰ ﻳﯧﻨﯩﻜﻠﻪﻳﺪﯗ. ﻛﯩﺸﻰ ﺑﯧﺸﯩﻐﺎ ﻗﺎﺭﺍﭖ ﭼﯩﻘﯩﻢ ﻗﯩﻠﯩﺶ ﺋﯘﺳﯘﻟﻰ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﺍ ﺗﯧﺨﻰ ﻳﻮﻟﻐﺎ ﻗﻮﻳﯘﻟﻤﯩﺪﻯ، ﻣﯘﺧﺒﯩﺮﻧﯩﯔ ﺋﯩﮕﯩﻠﯩﺸﯩﭽﻪ، ﺗﻴﻪﻧﺠﯩﻦ ﺳﻪﻧﺘﻪﻥ ﺩﻭﺧﺘﯘﺭﺧﺎﻧﯩﺴﻰ ﺩﯨﺌﺎﺑﯧﺖ ﻛﯧﺴﻪﻟﻠﯩﺮﻯ ﺋﺎﻣﺒﻮﻻﺗﻮﺭﯨﻴﻪﺳﯩﺪﻩ ﻛﯩﺸﻰ ﺑﯧﺸﯩﻐﺎ ﻗﺎﺭﺍﭖ ﮬﻪﻕ ﺋﯧﻠﯩﺸﻨﻰ ﻧﯘﻗﺘﯩﺪﺍ ﺳﯩﻨﺎﻕ ﻗﯩﻠﻐﺎﻥ. ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﺑﻪﻟﮕﯩﻠﻪﻧﮕﻪﻥ ﺩﻭﺧﺘﯘﺭﺧﺎﻧﯩﺪﺍ ﻛﯧﻠﯩﺸﯩﻢ ﺋﯩﻤﺰﺍﻟﯩﻐﺎﻥ ﺳﯘﻏﯘﺭﺗﯩﻐﺎ ﻗﺎﺗﻨﺎﺷﻘﺎﻥ ﺩﯨﺌﺎﺑﯧﺖ ﺑﯩﻤﺎﺭﻟﯩﺮﯨﻨﯩﯔ ﺳﺎﻧﯩﻐﺎ ﺋﺎﺳﺎﺳﻪﻥ ﺋﯚﻟﭽﻪﻡ ﺑﻪﻟﮕﯩﻠﻪﭖ ﻛﯩﺸﻰ ﺑﯧﺸﯩﻐﺎ ﻗﺎﺭﺍﭖ ﭼﯩﻘﯩﻢ ﻗﯩﻠﯩﻨﯩﺪﯨﻜﻪﻥ، ﺋﯧﺸﯩﻨﭽﺎ ﻗﯩﺴﯩﻤﻰ ﺋﯧﻠﯩﭗ ﻗﯧﻠﯩﻨﯩﭗ ،ﺋﯧﺸﯩﭗ ﻛﻪﺗﺴﻪ ﺗﻮﻟﯘﻗﻠﯩﻤﺎ ﺑﯧﺮﯨﻠﻤﻪﻳﺪﯨﻜﻪﻥ، ﺩﻭﺧﺘﯘﺭﺧﺎﻧﯩﻼﺭﻧﻰ ﺗﻪﺷﻪﺑﺒﯘﺳﻜﺎﺭﻟﯩﻖ ﺑﯩﻠﻪﻥ ﺩﺍﯞﺍﻻﺵ ﻣﯘﻻﺯﯨﻤﯩﺘﯩﻰ ﺗﻪﻧﻨﻪﺭﺧﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﻘﺎ ﺭﯨﻐﺒﻪﺗﻠﻪﻧﺪﯛﺭﯛﻟﯜﭖ ،ﺋﺎﺭﺗﯘﻗﭽﻪ ﺗﻪﻛﺸﯜﺭﯛﺵ ﯞﻩ ﺋﺎﺭﺗﯘﻗﭽﻪ ﺩﻭﺭﺍ ﭼﯩﻘﯩﻤﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ ﺩﺍﯞﺍﻻﺵ ﺋﯜﻧﯜﻣﯩﮕﻪ ﺋﻪﮬﻤﯩﻴﻪﺕ ﺑﯧﺮﯨﻠﯩﺪﯨﻜﻪﻥ. ﺋﯩﮕﯩﻠﯩﻨﯩﺸﯩﭽﻪ، ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﺍ ﻛﯩﺸﻰ ﺑﯧﺸﯩﻐﺎ ﻗﺎﺭﺍﭖ ﮬﻪﻕ ﺗﯚﻟﻪﺵ ﺋﯩﺴﻼﮬﺎﺗﻰ ﻣﻪﮬﻪﻟﻠﻪ ﺳﻪﮬﯩﻴﻪ ﻣﯘﻻﺯﯨﻤﻪﺕ ﻣﻪﺭﻛﯩﺰﯨﻨﯩﯔ ﭘﯜﺗﯜﻥ ﺑﯚﻟﯜﻣﻠﯩﺮﯨﺪﯨﻦ ﺑﺎﺷﻠﯩﻨﯩﺪﯨﻜﻪﻥ، ﺩﺍﺋﯩﻢ ﻛﯚﺭﯛﻟﯩﺪﯨﻐﺎﻥ ﻛﯧﺴﻪﻟﻠﯩﻜﻠﻪﺭ، ﺩﺍﺋﯩﻢ ﻛﯚﺭﯛﻟﯩﺪﯨﻐﺎﻥ ﻛﯧﺴﻪﻟﻠﻪﺭﻧﻰ ﺋﺎﺳﺎﺳﯩﻲ ﻗﺎﺗﻼﻣﺪﺍ ﻛﯚﺭﺳﯩﺘﯩﺶ ﺭﯨﻐﺒﻪﺗﻠﻪﻧﺪﯛﺭﯛﻟﯩﺪﯨﻜﻪﻥ؛ ﻛﯧﺴﻪﻝ ﺗﯜﺭﻯ ﺑﻮﻳﯩﭽﻪ ﮬﻪﻕ ﺗﺎﭘﺸﯘﺭﯗﺵ ﺋﯩﺴﻼﮬﺎﺗﻰ ﻗﺎﻳﺘﺎ ﻗﻮﺯﻏﯩﻠﯩﺸﭽﺎﻧﻠﯩﻘﻰ ﺋﺎﺯ، ﺩﺍﯞﺍﻻﺵ ﺗﯧﺨﻨﯩﻜﯩﺴﻰ ﭘﯩﺸﯩﭗ ﻳﯧﺘﯩﻠﮕﻪﻥ، ﺩﺍﯞﺍﻻﺵ ﻻﻳﯩﮭﻪﺳﻰ ﺋﯧﻨﯩﻖ ﺑﻮﻟﻐﺎﻥ ﺩﺍﺋﯩﻢ ﻛﯚﺭﯛﻟﯩﺪﯨﻐﺎﻥ ﺋﻮﭘﯧﺮﺍﺗﺴﯩﻴﻪ ﺧﺎﺭﺍﻛﺘﯧﺮﻟﯩﻚ ﻛﯧﺴﻪﻟﻠﻪﺭ ﺗﺎﻟﻠﯩﻨﯩﺪﯨﻜﻪﻥ، ﻳﻪﻧﻪ ﺑﺎﻟﯩﻼﺭﺩﯨﻜﻰ ﺋﺎﻕ ﻗﺎﻥ ﻛﯧﺴﯩﻠﻰ، ﺗﯘﻏﻤﺎ ﻳﯜﺭﻩﻙ ﻛﯧﺴﯩﻠﻰ ﻗﺎﺗﺎﺭﻟﯩﻖ ﮬﺎﺯﯨﺮ ﺋﯩﺠﺘﯩﻤﺎﺋﯩﻲ ﺗﻪﺳﯩﺮ ﻛﯜﭼﻰ ﺑﯩﺮ ﻗﻪﺩﻩﺭ ﺯﻭﺭ ﻛﯧﺴﻪﻟﻠﻪﺭﮔﻪ ﺋﯧﺘﯩﺒﺎﺭ ﺑﯧﺮﯨﻠﯩﺪﯨﻜﻪﻥ.
