2014-يىلى 11- ئايدا ، «دەرىجىدىن تاشقىرى قۇرۇقلۇق جەڭ ئەترىتى» شىمالى ئامېرىكىدا قويۇلغان ۋاقتىدا 2014 - يىلى ئەڭ كۆپ بىلەت سانى ياراتقان ئالاھىدە ئۈنۈم بىرلەشتۈرۈلگەن فىلىم «پىلانېتلار ئارا ھالقىش» نىڭ ئورنىنى ئىگىلەپ رەت تەرتىپتە بىرىنچى ئورۇنغا چىققان ئىدى ، ھەمدە باھالىغۇچىلار ۋە مەستانىلەرنىڭ ماختىشىغا سازاۋەر بولغان . بۇ فىلىم يۈكسەك بولغان تەسەۋۋۇر كۈچى ئاساسىدا شەرق - غەرب مەدەنىيىتىنى ئۆزىگە مۇجەسسەملىگەن بىر يېڭى «سان فىرانسېسكو» نى بارلىققا كەلتۈرگەن بولۇپ ، 23 رايون ، 82000 قۇرۇلۇش ، 400000مىڭ تۈپ دەرەخ ۋە كوچا چىراغلىرى ھەمدە ماشىنا ۋە ئادەملەرنى ئۆز ئىچىگە ئالىدۇ .
فىلىمدە ئاق كۆڭۈل ماشىنا ئادەمنىڭ كىچىك كەشپىياتچىغا ياردەملىشىپ ، ئاكىسى ئۈچۈن قىساس ئېلىشقا تەڭ كۈچ چىقارغانلىقى بايان قىلىنىدۇ .
بۇ ماشىنا ئادەم ئەمەلىيەتتە بىز باشقا كىنولاردا كۆرگەندەك ھەممە يېرى تۆمۈردىن ياسالغان ماشىنا ئادەم بولماستىن ، بەلكى ئىچىدە خۇددى ئومۇرتقىغا ئوخشايدىغان تۆمۈردىن ياسالغان قىسمى بولغان ، قالغان قىسمىغا يەل تولدۇرۇش ئارقىلىق ئادەم شەكلىگە كېلىدىغان ماشىنا ئادەمدۇر .
بۇ ماشىنا ئادەم ئەمەلىيەتتە بۇ كىچىك كەشپىياتچىنىڭ ئاكىسى ياسىغان ئادەمنىڭ ساغلاملىقىغا كۆڭۈل بۆلەلەيدىغان بىر ماشىنا ئادەم بولۇپ ، ھەرگېز باشقىلارغا تەھتېد ئېلىپ كەلمەيدۇ . بىراق فىلىمدە بۇ كىچىك كەشپىياتچى ئاكىسىنىڭ قىساسىنى ئېلىش ئۈچۈن بۇ ماشىنا ئادەمگە تۆمۈردىن كىيىم ياسايدۇ ، ئۇچالايدىغان قىلىدۇ ، ھەمدە ھەرخىل پىروگراممىلارنى ئۇنىڭ مېڭىسىگە قاچىلاش ئارقىلىق ، ئۇنىڭغا مۇشتلىشىشنى ئۆگىتىدۇ .
فىلىم ئاخىرىدا ماشىنا ئادەم كىچىك كەشپىياتچى ۋە بىر قىزنى قۇتۇلدۇرۇش ئۈچۈن ئۆز ھاياتىنى ئاخىرلاشتۇرىدۇ .