بالىنىڭ پەرىشتىسى
بۇرۇننىڭ بۇرۇنىسىدا تۇغۇلۇش ئالدىدا تۇرغان بىر بالا بار ئىكەن، كۈنلەرنىڭ بىرىدە ئۇ خۇدادىن سوراپتۇ:
-ئۇلارنىڭ دېيىشىچە ، ئەتە سەن مېنى يەر يۈزىگە ئەۋەتكۈدەكسەن . لېكىن ، مەن تېخى كىچىك ۋە
تايانچىسىز تۇرسام ، ئۇ يەردە قانداق ياشايمەن ؟
-نۇرغۇن پەرىشتىلەرنىڭ ئىچىدىن مەن ساڭا بىر پەرىشتىنى تاللىدىم . ئۇ سېنى كۈتىۋالىدۇ ۋە سېنىڭ
ھالىڭدىن خەۋەر ئالىدۇ ،-دەپ جاۋاپ بېرىپتۇ خۇدا .
-بىراق ، بۇ يەردە –جەننەتتە مەن ناخشا ئېيتىش ، كۈلۈمسىرەشتىن باشقا ئىش قىلمايمەن ، خۇشال
بولۇشۇم ئۈچۈن شۇنىڭ ئۆزىلا كۇپايە .
خۇدا مۇنداق دەپتۇ :
- سېنىڭ پەرىشتەڭ ساڭا ناخشا ئېيتىپ بېرىدۇ ، ھەر كۈنى ساڭا قاراپ كۈلۈمسىرەيدۇ . شۇنىڭ بىلەن
سەن پەرىشتەڭنىڭ مۇھەببىتىنى ھېس قىلىسەن ۋە خۇشال ياشايسەن .
بالا مۇنداق دەپتۇ :
-كىشىلەرنىڭ سۆزلەۋاتقان تىلىنى بىلمىسەم ماڭا پاراڭ قىلغاندا ئۇلارنىڭ مەقسىتىنى قانداق چۈشىنەلەيمەن؟
خۇدا بالىغا مۇنداق دەپتۇ :
سېنىڭ پەرىشتەڭ قۇلىقىڭ ئاڭلايدىغان ئەڭ گۈزەل ،
يېقىملىق سۆزلەرنى ساڭا ئۆگىتىدۇ ، سەۋىرچانلىق ۋە ئەجىر – مېھنىتى بىلەن ساڭا قانداق سۆزلەشنى
ئۆگىتىدۇ .
- ئەگەر سەن بىلەن پاراڭلاشماقچى بولسام قانداق قىلىمەن ؟
- سېنىڭ پەرىشتەڭ قوللىرىڭنى تۈز تۇتقۇزۇپ ساڭا قانداق دۇئا-تىلاۋەت قىلىشنى ئۆگىتىدۇ .
بالا مۇنداق دەپتۇ :
- ئاڭلىسام يەر يۈزىدە ئەسكى ئادەملەر بار ئىكەن ،كىم مېنى قوغدايدۇ ؟
خۇدا مۇنداق دەپتۇ :
- سېنىڭ پەرىشتەڭ ھاياتى خەۋىپكە ئۇچرىغان تەقدىردىمۇ سېنى قوغدايدۇ .
-لېكىن مەن ھەمىشە پەرىشان ئۆتكۈدەكمەن . چۈنكى مەن ئەمدى سېنى كۆرەلمەيدىكەنمەن ئەمەسمۇ ؟
- سېنىڭ پەرىشتەڭ ساڭا مەن توغرۇلۇق سۆزلەپ بېرىدۇ . گەرچە ھەمىشە يىنىڭدا بولساممۇ ، ئۇ ساڭا قانداق قايتىپ كېلىشنىڭ يولىنى ئۆگىتىدۇ .
شۇ ئەسنادا جەننەت ئىچىدە ئېغىر جىمجىتلىق ھۆكۈم سۈرۈپتۇ . بىراق يەر يۈزىدىن كېلىۋاتقان ئاۋازلار
ئاڭلىنىشقا باشلاپتۇ . شۇنىڭ بالا مۇلايىملىق ئىچىدە ئالدىراپ سوراپتۇ .
- ھازىرلا سەندىن ئايرىلىپ قالغۇدەكمەن ، ماڭا پەرىشتەمنىڭ ئىسمىنى دەپ بەرگىن !
خۇدا جاۋابەن مۇنداق دەپتۇ :
- پەرىشتەڭنىڭ ئىسمىنى ئەستە تۇتۇش تەس ئەمەس . ئۇنى سەن ئانا دەپ ئاتىغىن .
بۇ ماقالە بەك ياخشىكەن شۇڭا يوللاپ قويدۇم .