Firefox نىڭ قانداق ياخشىلىقىنى مەن بۇ يەردە ماختاپ، ئەزمەمنى ئېزىپ چۈشەندۈرۈپ يۈرمىسەممۇ ئىشلىتىپ باققانلار چوقۇم بىلىدۇ.

بىراق Firefox 5 ياكى يېقىندا ئېلان قىلىنغان Firefox 6 ئىشلىتىۋاتقانلار مۇنداق مەسىلىگە يولۇققان بولىشى مۇمكىن. يەنى ئۇيغۇرچە بېكەتلەرنى زىيارەت قىلغاندا، شۇ بېكەتكە ئىشلىتىلگەن خەت نۇسخىسى كومپيۇتېرغا قاچىلاغلىق بولسىمۇ، Firefox كومپيۇتېردىكى خەت نۇسخىسىنى ئىشلەتمەيدۇ. ئۇيغۇرچە خەتلەر ھەجىلەپمۇ ئوقۇغىلى بولمىغۇدەك دەرىجىدە سەت كۆرۈنۈپ قالىدۇ. ئەلۋەتتە ھەممەيلەننىڭكىدە ئۇنداق دېمەكچى ئەمەس، مەسىلەن مەن ئىشلىتىۋاتقان6 Firefox دە نورمال. ( Firefox نىڭ كومپيۇتېردىكى خەت نۇسخىسىنى تاپالماسلىقى بەلكىم بىر bug بولىشى مۇمكىن).

ئەگەر يۇقىرىقىدەك مەسىلىگە يولۇققانلار، Firefox نى تور بەت يۈزىدە ئىشلىتىدىغان خەت نۇسخىسىنىڭ ھەممىسىنى كومپيۇتېردىن ئالىدىغان قىلىپ تەڭشىۋېلىڭلار. ھازىر ھەممىمىزنىڭ كومپيۇتېرىغا قاچىلانغان خەت نۇسخىلىرى خېلى مول بولغاچقا ھېچقانداق مەسىلە كۆرۈلمەيدۇ دەپ ئويلايمەن.

ئالدى بىلەن Firefox نىڭ ئادرېسى ئىستونىغا about:config دەپ كىرگۈزسەك Firefox نىڭ ئىچكى قىسمىنى تەڭشەيدىغان بەت ئىچىلىدۇ (باشتا ئاگاھلاندۇرۇش ئۇچۇرى چىقىشى مۇمكىن، داۋاملاشتۇرۇۋەرسەك بولىدۇ).

ئاندىن Ctrl+F نى بېسىپ gfx.downloadable_fonts.enabled دېگەننى ئىزدەپ تاپىمىز. سۈكۈت ھالەتتە كەينىدىكى قىممىتى true، قوش چېكىپ false قىلىپ، Firefox نى قايتا قوزغىتىمىز.

مەنبە: ئۇيغۇر ئۇبۇنتۇ بلوگى

مەن بۇرۇن ئىزچىل مۇشۇ ئىشقا دىققەت قىلىپ كەلگەن ئىدىم تولا بىكەتلەرگە كىرسەم خەتلىرى نۇرمال چىقماي ئاچچىقىم كىلەتتى، بۇنى مۇشۇ ئوت تۈلكىدىكى مەسىلە دەپ ئويلايتىم، ئەسلى بۇنىڭمۇ ھەل قىلىش ئۇسۇلى باركەن ئەمەسمۇ، بۇ يازمىنى تىخىمۇ كۆپراق كىشىلەر كۆرۈپ مەسىلىنى ھەل قىلىۋالسا دىگەن ئۈمىدتە مەنبەنى ئەسكەرتكەن ھالدا كۆچۈرۈپ ئەكەلدىم