ئەقىللىق ، يىراقنى  كۆرەر  خەلقىمىز  گۇللەرنىڭ  مۇھىتنى ساپلاشتۇرۇش ،يۇقۇملۇق  كېسەللەرنىڭ  ئالدىنى  ئېلىشتەك  ئۆزگىچە  رولىنى  خېلى  بۇرۇنلا  بايقىغاچقا ،ھويلا  -ئارام  ئەتراپىغا ،كىشىلەر كۆپ  يىغىلىدىغان  جايلارغا  رەڭگارەڭ گۈللەرنى  ئۆستۈرۈپ ئادەتلەنگەن .دانىشمەنلەر  ، ئاق  رەڭدە  ئېچىلغان  گۇللەرنىڭ  پۇرىقىنىڭ  تىنىچلاندۇرۇش  تەسىرىگە  ئىگە  ئىكەنلىكىنى ؛ سېرىق  رەڭدە  ئېچىلغان گۈللەرنىڭ  پۇرىقىنىڭ دىققەتنى مەركەزلەشتۈرۈش،ئىشتىھا ئېچىش  تەسىرىگە  ئىگە  ئىكەنلىكىنى ؛ قىزىل  رەڭدە   ئېچىلغان  گۈللەرنىڭ  پۇرىقىنىڭ  قاننى جانلاندۇرۇش ، بەدەننى  قۇۋەتلەش  تەسىرىگە  ئىگە  ئىكەنلىكىنى ؛ ھاۋا  رەڭدە  ئېچىلغان  گۇللەرنىڭ  پۇرىقىنىڭ  قىزىتما ، ھارارەتنى  پەسەيتىش  تەسىرىگە  ئىگە  ئىكەنلىكىنى ؛ بېغىرەڭ  ئېچىلغان  گۇللەرنىڭ پۇرىقىنىڭ  ھامىلدار  ئاياللارغا  قارىتا  تىنىچلاندۇرۇش  تەسىرىگە   ئىگە ئىكەنلىكىنى؛ سۇس  كۆك رەڭدە  ئېچىلغان  گۈللەرنىڭ  پۇرىقىنىڭ  تىنىچلاندۇرۇش ، قىزىتما  پەسەيتىش  تەسىرىگە  ئىگە ئىكەنلىكىنى   تونۇپ   يەتكەن .

       قىزىلگۈل : قىزىل  گۈلنىڭ  مېڭە، يۈرەكنى  قۇۋەتلەش ، يۇقۇملىنىشقا  قارىشى  تۇرۇش ،تىنىچلاندۇرۇش ، ئاغرىق  پەسەيتىش  رولى  بولۇپ ، ئۇنىڭ  خۇش  پۇراق  ھىدى  ئارقىلىق  مېڭە ، يۈرەك  كېسەللىكلىرىنى  داۋالىغىلى ، ئۇيقىسىزلىق،نېرۋا ئاجىزلىق  قاتارلىق  كېسەللىكلەرنىڭ  ئالدىنى  ئالغىلى  بولىدۇ .

       ئەتىرگۈل :ئەتىرگۈلنىڭ   يۇقۇملىنىشقا  قارشى  تۇرۇش ، مىكروب يوقىتىش  تەسىرى كۈچلۈك  بولۇپ ،ھاۋادىكى  كېسەللىك  ۋىرۇسلىرىنى  تېز  سۈرەتتە تىزگىنلەيدۇ .

       ھەشىقپىچەك ):  نامازشام   گۈلى ) ھەشىقپىچەك  گۈلىنىڭ  پۇرىقىدىن  بىر  قىسىم ھاشارەتلەر  قاچىدىغان  بولغاچقا ،ھويلا -ئارام ئەتراپىدا  بۇ  گۈلنى  ئۆستۈرۈش  ئارقىلىق ،زىيانلىق  ھاشارەتلەرنىڭ  چېقىۋېلىشىدىن  مۇداپىئە  كۆرگىلى  بولىدۇ .

       نېلۇپەر   گۈلى : نېلۇپەر  گۈلىنىڭ  ھارارەت  پەسەيتىش ،مېڭە ،يۈرەك ،جىگەرنى  قۇۋەتلەش  تەسىرى  بولۇپ ، ئۇنىڭ  بىلەن  قىزىتما ، ئۇيقۇسىزلىق  يۈرەك  سانچىقى ۋە  سوزۇلما  خاراكتېرلىق  جىگەر  ياللۇغى قاتارلىق كېسەللىكلەرنىڭ  ئالدىنى  ئالغىلى  بولىدۇ .

      رەيھانگۈل :  بۇ  گۈلنىڭ  مېڭە ،يۈرەكنى  قۇۋەتلەش ،قاننى  جانلاندۇرۇش  تەسىرى  بولۇپ ،ئىچى  تىت-تىت  بولۇشقا  مەنپەئەت قىلىدۇ ، پۇرىقى  بىلەن  قاننى  جانلاندۇرۇپ،مېڭە،يۈرەكنىڭ  قان  بىلەن  تەمىنلىشىنى  ئىلگىرى  سۇرگىلى ، بۇ  ئارقىلىق  مېڭە ،يۈرەكنى  ۋە  باشقا  ئەزالارنى  قۇۋەتلەش  مەقسىتىگە  يەتكىلى  بولىدۇ .

       مودەنگۈل : بۇ  گۇلنىڭ  ئۇيقۇ  كەلتۈرۈش ،نېرۋىنى  قۇۋەتلەش ،ھارارەت  پەسەيتىش  تەسىرى  بولۇپ ، ئۇيقۇسىزلىق ،نېرۋا ئاجىزلىق ،باش  ئاغرىقى ، سىل ، بۇرۇن  قاناش ،سەزگۈرلۈك  ئېشىپ  كېتىش ،قىزىتما  قاتارلىق  كېسەللەكلەرنىڭ  ئالدىنى   ئالغىلى  بولىدۇ .