بۈگۈندىن باشلاپ بىۋاسىتە دەرس ئۆتۈشنى باشلىدىم.
[ IT خەۋەرلىرى، تاغدىن-باغدىن ]ئەسسالامۇ ئەلەيكۇم ساۋاقداشلار:
9-ئاينىڭ 30-كۈنى سۆزلەپ يوللىغان دەرسلىرىممۇ تېخىچە تەستىقلانماپتۇ، مەندە باشقا ئامال بولمىدى. نېمە سەۋەبلىكىنىمۇ بىلمەيمەن.
شۇڭا كەڭ تورداشلارنىڭ ئارزۇسى بويىچە مەن بىۋاسىتە دەرس ئۆتۈشنى تاللىدىم. ئەمما سىنغا ئېلىنمايدۇ، قايتا يوللانمايدۇ، ۋاقتىدا كېلىپ دەرس ئاڭلاڭلار، بۈگۈن 2015-يىلى 10-ئاينىڭ 26-كۈنىدىن باشلاپ دۈشەنبە، چارشەنبە، جۈمە كۈنلىرى ئۈرۈمچى ۋاقتى 8:00 دە Visual Basic.NET سىنىپىدا دەرس سۆزلەيمەن. بۇ ھەپتىلىك دەرس پىلانى مانا:
ئەگەر باشقا چوڭ ئۆزگۈرۈش بولمىسا، ئەمدى مۇشۇ پىلان بويىچە بولىدۇ، يەنى بىۋاسىتە سۆزلەيمەن. ئەمما دەرسلىرىم تەستىقلىنىپ قالسا ئەلۋەتتە بۇرۇنقىدەك بولىدۇ، باشقا ساۋاقدىشىڭلارغا يەتكۈزۈپ قويۇڭلار.
يازما ئۇچۇرلىرى
- يازما كۆرۈلۈشى: 6,173 قېتىم
- يوللانـغان ۋاقىت:2015-يىلى 10-ئاينىڭ 26-كۈنى pm 16:03
- ئالدىنقى يازما :Just how to Publish an Essay
- كېيىنكى يازما :THE Financial Wonder IN To the west GERMANY
تېخىمۇ كۆپ
71 پارچە باھا يېزىلدى
دەرس جەدىۋىلىدە شۇنداقكەن ئەمەسمۇ !
سۆزلىگەن دەرسلىرىمنى QQ بوشلۇقىغا چىقىرىپ قويدۇم، شۇ يەردىن كۆرگەچ تۇرۇڭلار، QQ غا توپىغا ئەزا بولالمىغانلار دەرسلىكنىڭ تەستىقلىنىشىنى ساقلاپ تۇرۇڭلار. مەن يەنىلا ئەسلىدىكى پىلانىم بويىچە سىنغا ئېلىپ سۆزلەشنى قارار قىلدىم، بىر ئىككى ھەپتە راۋرۇس يۈرۈشكەندە مەن ئاندىن ھەپتىدە بىر ئىككى قېتىم توردا بىۋاسىتە تەكرار قىلىپ بېرىمەن.
مۇئەللىم ،دەرسلىكلىرىڭىزنى ئۇن-سىن پىلاستىنكىسى قىلىپ ئىشلەپ ،شىنجاڭ ئۈن-سىن نەشىرياتى ياكى باشقا نەشىرياتلار ئارقىلىق نەشىر قىلىشنى ئۇيلىشىپ باقسىڭىز ،بۇنىڭ كىتاب يىزىشقا قارىغاندا ئۇنداق جىق جاپاسى ۋە ئاۋارىگەرچىلىكى يۇق ،پىرۇگىرامما لاھىيلەش ئۈن -سىن دەرسلىكىڭىز نەشىر قىلىنسا بىزمۇ ھەر ۋاقىت ھەرقاچان قايتا قايتا ئۆگىنەلەيمىز ،ھەم سىزمۇ ئىقتىسادى كىرىم قىلىۋالالايدىكەنسىز،ئۇيلىشىپ باقسىڭىز !
مالىم بۈگۈن دەرىس سۆزلەنمەپتىغۇ ؟!
بۈگۈن ئىككى دەرسىم تەستىقلاندى، ئەمدى alim.ke.qq.com دىن كۆرسىڭىزمۇ بولىدۇ.
بۈگۈن دەرس يوقمۇ نېمە؟ ھېچ ئاۋاز چىقمايۋاتىدىغۇ.
ئەسسالامۇ ئەلەيكۇم مۇئەللىم، بۈگۈن دەرس بارغۇ؟
بۈگۈن ئىككى دەرسىم تەستىقلاندى، ئەمدى alim.ke.qq.com دىن كۆرسىڭىزمۇ بولىدۇ.
مۇئەللىم بۈگۈن جۈمە دەرىس يوققۇ؟
بۈگۈن ئىككى دەرسىم تەستىقلاندى، ئەمدى alim.ke.qq.com دىن كۆرسىڭىزمۇ بولىدۇ.
بۆگۈنكى دەرس ئۇچۇرى تېخىچە جىمغۇ؟
QQ توپىغا قوشۇلالمىغانلار بىۋاستە دەرسنى ئاڭلىيالمامدۇ؟
ئالىم مۇئەللىم مىنىڭچە دەرسلىرىڭىزنى سىنغا ئىلىپ بولۇپ ،شىنجاڭ ئۈن-سىن نەشىرياتى ياكى باشقا نەشىرياتلاردىن پىرۇگرامما لاھىيەلەش توغىرسىدىكى پىلاستىنىكىڭىزنى چىقارسىڭىز قانداق؟تەكلىپىمنى ئۇيلىنىپ باقسىڭىز
ئەمىسە بۈگۈن كەچتە (29-چىسلا، پەيشەنبە) ئۈرۈمچى ۋاقتى سائەت 10دىن 10 يىرىمغىچە يەنە بىر نەق مەيدان دەرىسى بار دىگەن گەپكەندە! بۇنداق چاغدا چوقۇم قاتنىشالايمەندە… كۆپ رەھمەت ئالىم مۇئەللىم. جاپا چەكتىڭىز!
مەن ئۇنداق دېمىدىم، ئەڭ ياخشىسى دەرس جەدۋىلىگە قاراڭلار.
مۇئەللىم، دەرىسلىكلەر سىنغا ئىلىنمىسا قايتا يوللانمىسا بولمايدۇ دەيمە،
بىلسىلىرى سەھرادا، توردىن يىراق بىز بار يەردە نۇرغۇن باللا سىلىنىڭ دەرىسلىكلىرىنى كۈتىۋاتىمىز، بىزدە ھىچ بىر تور شارائىتى يوق، تۇرمۇشىمىز شۇنچە جاپالىق، كۈندۈزى ھاشاردا ئىشلەپ كەتمەن چىپىپ كەچتە ئۆيگە كىرگەندە سىتىۋالغان دەرىسلىكلەرنى ئۈگىنىمىز، سىلىنىڭ دەرىسلىكلىرى بىز ئۈچۈن ھەقىقەتەن مۇھىم، ئەگەر سىلى بىزگە ھەم بىزگە ئوخشاش نۇرغۇن باللىغا ئىتىبارسىز قارىسىلا مەيلى، بوپتۇ،
يادىلىرىدا بارمۇ، مەن بىر ۋاقىتلاردا سىلىگە ئىلخەت يوللاپ سىلىگە چوڭقۇر ھۆرمىتىم بارلىقىنى، پروگرامما تىلى ئۈگىنىش ئۈچۈن نىمىلا قىلسام مەيلى ئىكەنلىكىنى، پروگرامما ئۈچۈن توي قىلمايدىغانلىقىمنى دىگىنىمدە سىلى ماڭا قانداق قىلغاندا ياخشى پروگراممىر بولغىلى بولىدۇ دىگەن تېمىنى تەۋسىيە قىلدىلا، يەنە تىخى توي قىلىپ بولۇپمۇ ياخشى پروگرامما يازغىلى بولىدۇ دىدىلە،
مەن بۇلارنى ئۇنتۇپ قالمىدىم،
لىكىن دەپ قوياي، دەرىسلىكلىرىنى سىنغا ئىلىپ چۈشۈرۈشكە تەمىنلىمىسىلىمۇ مەن بۇنىڭلىق بىلەن توختاپ قالمايمەن ھەم توختاپ قالمىغان.
بۇ ئىشلار ئېنىق بولدى، سەۋەب مەندە ئىكەن، ئېنىقلىقىنى سەل تۆۋەنلىتىپ ئىككى خىل فورماتتا يوللىسام، تەستىقلىنىشى تېز بولىدىكەن، ئاندىن سۈزۈك فىلىمى تەستىقلانغاندا شۇنىڭغا ئالماشتۇرۇۋېتىش چارىسىنى تاپتىم، خاتىرجەم بولۇڭلار مەن ھەممىنى سىنغا ئېلىپ يوللايمەن، پەقەت ھەپتىدە بىر قېتىم (ئادەتتە جۈمە كۈنى) بىۋاسىتە نەقمەيدان سوئاللارغا جاۋاب بېرىمەن، ئۆگىنىدىغان ئادەم بولسىلا مەن ساۋات خاراكتېرلىك ئاساسىي بىلىملەرنى ھەقسىز سۆزلەپ، تېخىمۇ كۆپ ياشلارنىڭ بۇ ساھەگە كىرىشىگە ئىلھام بېرىمەن. ئەمما ئۈچ ئايدىن ئالتە ئايغىچە ئاڭلاپ ئۆگەنمىسەڭلار، يېڭى دەرسلىكلەرنى چىقىرىش ئۈچۈن كونا دەرسلەرنى توردىن چۈشۈرۈۋېتىشىم مۇمكىن.
ئىشلارنىڭ ئېزىغا چۈشكىننى بلىپ، ئۆزى ئېشى ھەل بولغاندەك خوش بۇلۇپ كەتتىم دىسە، ھارماڭ مۇئەللىم.
بۈگۈن دەرىس يوقمۇ نىمە؟ سەككىزيېرىم بۇلۇپ كەتتى. جىملا
ياق، بۈگۈن دەرس يوق، ھەممە ئىش ئەسلىدىكى پىلانغا كېلىۋاتىدۇ، خۇدايىم بۇيرىسا جۈمە كۈنى كەچتە بىۋاسىتە سۆزلەيمەن
مۇئەللىم جاپا چېكىۋاتىسىز. رەھمەت سىزگە! ھامان بىر كۈنى بۇ ياخشى ئىشىڭىزنىڭ نەتىجىسىنى كۆرىسىز.
بۇلارنىڭ نېمە قىلغىنىدۇر دەيمەن. مۇشۇنداق ياخشى نەرسىنىمۇ ۋاقتىدا تەستىقلاپ بەرمىسە قانداق قىلساق بۇلار؟