كىچىك جۇئانانىڭ سېمىزلىكىدىن ئەنسىرىگەن ئاپىسى مۇنداق دېگەن: ‹‹ كىچىك جۇئانا يېڭى تۇغۇلغاندا ئۇنىڭ بەدەن ئېغىرلىقى ئارانلا ئالتە قاداق (يەنە تەخمىنەن 5.4 جىڭغا باراۋەر) بولۇپ ، ناﻫايىتى ئورۇق ﻫەم كىچىك ئىدى . لېكىن ئارىدىن 15 كۈن ئۆتكەندىن كېيىن قىزىمنىڭ بەدەن ئېغىرلىقى تېز سۈرئەتتە ئېشىشقا باشلىدى ، ﻫازىر ئۇنىڭ بەدەن ئېغىرلىقى ئاللىقاچان 44 قاداق (يەنە تەخمىنەن 40 جىڭغا باراۋەر) قا يەتتى .
    كىچىك جۇنائانىڭ ئاپىسى مۇخبىرغا: دەسلەپتە ئۆزىنىڭ قىزىدىكى بۇ خىل سېمىزلىكنىڭ بەلكىم پاتولوگىيەلىك سېمىزلىك بولۇشى مۇمكىنلىكىنى ﻫېس قىلىپ يەتكەنلىكى، لېكىن ئۆزى ئىشسىز بولغاچقا، قىزىنى داۋالىتىشقا پۇلى يوق ئىكەنلىكىنى ئېيتقان . بەختكە يارىشا، كىچىك جۇئانانىڭ سېمىزلىك ئەﻫۋالى كولۇمبىيەدىكى خەير-ساخاۋەت تەشكىلاتى __ ‹‹ يېقىملىق يۈرەك ›› فوندى جەمئىيىتىنىڭ دىققىتىنى قوزغىغان . بۇ ئورگان كىچىك جۇئاناغا ياردەم قىلىپ ئۇنىڭ كېسىلىنى داۋالىتىشقا ياردەم بېرىشنى خالايدىغانلىقىنى بىلدۈرگەن.
    مەزكور فوندى جەمئىيەتنىڭ قۇرغۇچىسى سالۋادو : كىچىك جۇئانادا سېمىزلىك كېسىلىنىڭ كۆرۈلۈشى ﻫەرگىزمۇ تاساددىپىيلىق ئەمەس، بۇ ئۆتكەن يىلدىن باشلاپ ﻫېسابلىغاندا كولۇمبىيەدە كۆرۈلگەن سېمىزلىك كېسىلىگە گىرىپتار بولغان 3-بوۋاق ، دېگەن.ئۆتكەن يىلى مەزكۇر خەير-ساخاۋەت ئورگىنى سېمىزلىك كېسىلىگە گىرىپتار بولغان ئىككى بوۋاقنى داۋالاپ ساقايتقان بولۇپ، ئۇلارنىڭ بەدەن ئېغىرلىقىنىڭ يىغىندىسى 80 جىڭدىن ئېشىپ كەتكەن .