يەڭگىل تۇغۇلغان بوۋاق بىر سائەت ئىچىدىكى ئېغىرلىقى 2.5 كىلوگىرمغا يەتمىگەن بوۋاقلارنى كۆرسىتىدۇ. ئېغىرلىقى 0.5 كىلوگىرامغا يەتمەي تۇغۇلغان بوۋاقلار بولسا زىيادە يەڭگىل تۇغۇلغان بوۋاق دېيىلىدۇ. زىيادە يەڭگىل تۇغۇلغان بوۋاقلار تۆۋەندىكدەك ئالاﻫىدىكلەرگە ئىگە:
1.    قانچە يەڭگىل تۇغۇلسا، شوراش ئىقتىدارى شۇنچە ناچار، ﻫەم يۇتۇش ﻫەرىكىتى ماسلاشمىغان بولۇپ، ئاسانلا قېقىلىپ يۆتىلىش ۋە باشقا خەتەرلىك ئەﻫۋاللار كېلىپ چىقىدۇ.
2.    مۇسكۇللىرى يۇمشاق، جانسىز، ئۆپكىنىڭ تولۇق يېتىلمىگەنلىكى سەۋەبىدىن ئاسانلا نەپەستە قىينىلىدۇ ﻫەم مەركىزىي نېرۋا سىستېمىسى تولۇق يېتىلمىگەنلىكتىن نەپسى ۋاقىتلىق توختاپ قېلىش ئەﻫۋاللىرىمۇ كۆرۈلىدۇ.
3.    بەدەن تېمپېراتۇرىسىنى تەڭشەش ئىقتىدارى ناچار، تېمپېراتۇرىسىغا بولغان تەلىپى يۇقىرى، بەك سوغۇق بولسا ئاسانلا ئۆپكە ياللۇغى ياكى قاتتىق پەردە سىرتىدىكى يىرىڭلىق ئىششىق كېسىلىگە گىرىپتار بولىدۇ، بەك ئىسسىق بولسا ئاسانلا قىزىپ قالىدۇ.
4.    بەدەن سىرتقى ﻫەجىمى چوڭ ﻫەم يۇشۇرۇن سۇ يوقىتىشى كۆپرەك بولۇپ، ئاسانلا سۇسىزلىنىش ئەﻫۋالى كۆرۈلىدۇ.
5.    ئاسانلا قاندىكى قەنىت مىقدارى تۆۋەن بولۇش، كىسلاتادىن زەﻫەرلىنىش، يۇقۇملىنىش قاتارلىق ئەﻫۋاللار كۆرۈلىدۇ. شۇ سەۋەبلەر تۈپەيلى، زىيادە يەڭگىل تۇغۇلغان بوۋاقلارنى كۈتۈشتە تېخىمۇ ئەستايىدىل ، تېخىمۇ ئىنچىكە بولۇش كېرەك.