جۇڭخۇا خەلق جۇمﻬۇرىيىتىنىڭ ﻫايۋانات يۇقۇم مۇداپىئەسى قانۇنى
- يوللانغان ۋاقتى :
- 09-09
- كۆرۈلۈشى:
- 838 قىتىم
| جۇڭخۇا خەلق جۇمﻬۇرىيىتىنىڭ ﻫايۋانات يۇقۇم مۇداپىئەسى قانۇنى ـــ جۇڭخۇا خەلق جۇمﻬۇرىيىتىنىڭ ﻫايۋانات يۇقۇم مۇداپىئەسى قانۇنى 2-باپ ﻫايۋانات يۇقۇمىنىڭ ئالدىنى ئېلىش (2) 14-ماددا ناﻫىيە دەرىجىلىكتىن يۇقىرى يەرلىك خەلق ﻫۆكۈمەتلىرىنىڭ مال دوختۇرلۇق مەسئۇل تارمىقى ﻫايۋانات يۇقۇمى مەجبۇرىي ئىممۇنىتېتلاش پىلانىنى يولغا قويۇشقا تەشكىلاتچىلىق قىلىدۇ . يېزا دەرىجىلىك خەلق ﻫۆكۈمىتى ، شەﻫەر كوچا باشقارمىسى باشقۇرۇش تەۋەلىكىدىكى ﻫايۋانات باقىدىغان ئوۇرۇن ۋە شەخسلەرنى مەجبۇرىي ئىممۇنىتېتلىتىش خىزمىتىنى ياخشى ئىشلەشكە تەشكىللىشى كېرەك . ﻫايۋانات باقىدىغان ئورۇن ۋە شەخسلەر ﻫايۋانات يۇقۇمىنى مەجبۇرىي ئىممۇنىتېتلىتىش مەجبۇرىيىتىنى قانۇن بويىچە ئادا قىلىپ ، مال دوختۇرلۇق مەسئۇل تارمىقىنىڭ تەلىپى بويىچە مەجبۇرىي ئىممۇنىتېتلىتىش خىزمىتىنى ياخشى ئىشلىشى كېرەك . مەجبۇرىي ئىممۇنىتېتلانغان ﻫايۋاناتقا گوۋۇيۈەننىڭ مالدوختۇرلۇق مەسئۇل تارمىقىنىڭ بەلگىلىمىسى بويىچە ئىممۇنىتېت ئارخپىى تۇرغۇزۇپ ، چارۋا-قۇش بەلگىسى سېلىپ ، سۈرۈشتۈرۈپ باشقۇرۇشى كېرەك . 15-ماددا ناﻫىيە دەرىجىلىكتىن يۇقىرى خەلق ﻫۆكۈمىتى ﻫايۋانات يۇقۇمىنى تەكشۈرۈش تورى بەرپا قىلىپ ۋە ئۇنى مۇكەممەللەشتۈرۈپ ، ﻫايۋانات يۇقۇمىنى كۆزىتىشنى كۈچەيتىشى كېرەك . گوۋۇيۈەننىڭ مال دوختۇرلۇق مەسئۇل تارمىقى دۆلەتنىڭ ﻫايۋانات يۇقۇمىنى كۆزىتىش پىلانىنى تۈزۈشى كېرەك . ئۆلكىلىك ، ئاپتونوم رايونلۇق بىۋاسىتە قاراشلىق شەﻫەرلىك خەلق ﻫۆكۈمىتىنىڭ مال دوختۇرلۇق مەسئۇل تارمىقى دۆلەتنىڭ ﻫايۋانات يۇقۇمىنى كۆزىتىش پىلانىغا ئاساسەن ، شۇ مەمۇرىي رايوننىڭ ﻫايۋانات يۇقۇمىنى كۆزىتىش پىلانىنى تۈزۈشى كېرەك . ﻫايۋانات يۇقۇمىنىڭ ئالدىنى ئېلىش ۋە ئۇنى تىزگىنشلەش ئاپپاراتى گوۋۇيۈننىڭ مال دوختۇرلۇق مەسئۇل تارمىقىنىڭ بەلگىلىمىسى بويىچە ، ﻫايۋانات باقىدىغان ، سويىدىغان ، تىجارەت قىلىدىغان ، ئايرىۋېتىدىغان ، توشۇيدىغان شۇنىڭدەك ﻫايۋانات مەﻫسۇلاتلىرىنى ئىشلەيدىغان ، تىجارەت قىلىدىغان ، پىششىقلايدىغان ۋە ساقلايدىغان ئورۇن ۋە شەخسلەر رەت قىلماسلىقى ياكى توسقۇنلۇق قىلماسلىقى كېرەك . شىنجاڭ يېزا-ئىگىلىك ئۇچۇر تورىدىن ئېلىندى |
