باشقىلارنىڭكىگە ئوخشاش تېلىفون SIM كارتىسىنى ياسىۋالغاندا،باشقىلارنىڭ تېلىفونىنى ئوغرىلىقچە ئاڭلىغىلى،قىسقا ئۇچۇرلىرىنى خالىغانچە كۆرگىلى،ئۇنىڭ قەيەردىلىكىنى تەكشۈرگىلى بولىدۇ دەيدىغان بۇ خىل ئېلانلار ئىنتايىن كۆپ بولۇپ،بۈگۈن مۇخبىر تەجرىبە قىلىش ۋە ئالاقىدار مۇتەخەسسىسلەردىن سوراش ئارقىلىق تېلىفون SIM كارتىسىنى كىلونلىۋىلىش ئارقىلىق ئۇنى ئوغرىلىقچە تىڭشىغۇچقا ئايلاندۇرغىلى بولمايدىغانلىقىنى ئىسپاتلىدى.
          نۇرغۇنلىغان كىشىلەر توردا تېلىفون SIM كارتىسىنى ياساپ باشقىلارنىڭ تېلىفونىنى ئوغرىلىقچە ئاڭلايدىغان ئېلانلارنى ئۇچراتقان بولۇپ،بۇلارنىڭ ﻫەممىسى ئالدامچىلىق بولۇپ،قارشى تەرەپ سىزدىن رەسمىيەت ﻫەققىنى ئۈندۈرۈۋېلىپلا خۇددى پارغا ئايلانغاندەك كىشىلەر ئارىسىدىن غايىپ بولىدۇ.لېكىن يەنىلا نۇرغۇنلىغان شەﻫەر ئاﻫالىلىرى بۇ خىل تېلىفون SIM كارتىسىنى كۆچۈرۈۋالىدىغان ئىشنىڭ ﻫەقىقەتەن مەۋجۇتلۇقىغا ئىشىنىپ،كىشىلەرنىڭ ئۇچۇر ئالاقىسىگە تەسىر يەتكۈزۈشىدىن ئەنسىرەيدىكەن.
      تېخنىكا ئۇستىلىرىنىڭ كۆرسەتمىسى بويىچە،مۇخبىر پەقەت بىر خىل مەخسۇس ئىشلىتىدىغان كارتا ئوقۇغۇچ ۋە بىر خىل مەخپى شىفىرنى ئېچىش يۇمشاق دېتالى بىلەنلا بۇنى ئەمەلگە ئاشۇرۇشنى سىناپ باققان.لېكىن ئەسلى ئانا كارتا بىلەن كۆچۈرۈۋېلىنغان كارتىنى يانفونغا سېلىپ بىرلا ۋاقىتتا يانفوننى ئاچقان چاغدا،ئۇنىڭ ئىچىدە پەقەت بىرلا تېلىفوننى نورمال ئىشلەتكىلى بولىدىغان بولۇپ،يەنى SIM كارتىنى كۆچۈرۈۋالغاندا ئوغرىلىقچە ئاڭلاش قەتئىي ئەمەلگە ئاشمىغان.بۇنىڭغا قارىتا SIM كارتا كۆچۈرۈش تېخنىك خادىمى چۈشەندۇرۇپ:<كېيىن ئېچىلغان يانفوندىكى كارتا تور تىزىملىتىش ﻫوقۇقىنى ئۆزىگە ئېلىۋالىدىغان بولغانلىقتىن،سىز ئاۋۋال ئاچقان تېلىفوننىڭ SIM كارتىسىدا تېلىفون ئۇرغىلىمۇ،قىسقا ئۇچۇر تاپشۇرۇۋالغىلىمۇ بولمايدۇ> دېگەن.
         ئەسلىدە،تېلىگراف سودىگەرلىرىنىڭ كەينى سۇپىسىدا بېكىتىلگىنى بولسا،ئوخشاش كودقا ئىگە بولغان يانفون تورغا ئۇلانغان چاغدا،زادى قايسى تېلىفوننىڭ تورغا مۇۋەپپەقىيەتلىك ئۇلىنىشىنى پۈتۈنلەي قايسى يانفوننىڭ سېگنالىنىڭ كۈچلۈك بولۇشى بەلگىلەيدىغان بولۇپ،ئەڭ ئاخىرقى قېتىم تورغا مۇۋەپپەقىيەتلىك ﻫالدا ئۇلانغان يانفوندىلا ئاندىن تېلىفون ئۇرۇپ،قىسقا ئۇچۇر تاپشۇرۇۋالغىلى بولىدىكەن.شۇڭلاشقا،تېلىفون SIM كارتىسىنى كۆچۈرۈۋېلىش ئارقىلىق ئوغرىلىقچە تېلىفون ئاڭلاشنى ئەمەلگە ئاشۇرۇش پۈتۈنلەي مۇمكىن بولمايدىغان ئىش ئىكەن.
      لېكىن  كەسىپ ئەﻫلىلىرىنىڭ تونۇشتۇرۇشىچە،گەرچە تېلفون SIM كارتىسىنى كۆچۈرۈۋالغاندا ئوغرىلىقچە ئاڭلىغىلى بولمىسىمۇ،لېكىن يانفوننىڭ سۆزلىشىش ﻫەققى ۋە تور ئېقىم مىقدارىنى باشقىلارنىڭ سىز بىلەن ئورتاق ئىشلىتىش ئېﻬتىماللىقى ئىنتايىن يۇقىرى ئىكەن.