10-ئاينىڭ 3-كۈنى ئاخشىمى،گوۋۇيۈەن زۇڭلىسى ۋېن جىياباۋ دۆلەتلىك تەنتەربىيە باش سارىيىدا ۋاسكېتبول مەشىق قىلىپ، ﻫەربىي خىزمەتتىن چېكىنگەن ۋاسكېتبول تەنﻬەرىكەتچىلىرى ۋە دۇڭچىڭ رايونى ۋاسكېتبول ﻫەۋەسكارلىرى بىرلىشىپ تۈزۈىگەن ئەترەت بىلەن ئۆتكۈزۈلىدىغان ۋاسكېتبول مۇسابىقىسىگە قاتناشتى، مۇسابىقىنىڭ ئالدىدا ۋېن جىياباۋ كۆرسىتىپ:« ﻫەممەيلەن بىرلىكتە مەشىق قىلايلى». ئەڭ ئاخىرىدا ۋېن جىياباۋ ئوينىغا كوماندا 60 گە قارشى 54 نەتىجە بىلەن غەلبە قىلدى.

«دۇڭ» دېگەن ئاۋاز بىلەن تەڭ مۇسابىقە رەسىمى باشلاندى. رېپېرى توپنى ئاسمانغا ئېتىشى بىلەن مۇسابىقىگە قاتناشقان بارلىق ئەزالار ﻫەرىكەتكە كەلدى. زۇڭلى ۋېن جىياباۋ توپنى سالماقلىق بىلەن ئېلىپ، تېز سۈرئەتتە ﻫۇجۇم باشلىدى، بىر ئۆلچەملىك ئۈچ قەدەم ئېلىپ توپنى كارغا قارىتىپ تاشلىدى، توپ كىرىپ نۇمۇر ئالدى.



مۇسابىقىگە قاتناشقا قىزىل، ئاق كىيىملىك كوماندىلارنىڭ ئەمەلىي كۈچى ﻫەقىقەتەنمۇ كۈچلۈك. ۋېن جىياباۋ زۇڭلى ئاق كىيىملىكلەر كوماندىسىدىكى ﻫەربىيلىكتىن چېكىنگەن ۋاسكتېبول ماﻫىرلىرى لىيۇ يۈدۇڭ( ئىلگىرى CBA بولغان)، جاڭ يۈنسۇڭ( ئىلگىرى 2004-يىلى ئافىنا ئولمپىك تەنﻬەرىكەت يىغىنىدا سەككىزىنچى بولغان) لار بىلەن بىرىنچى مەيدان مۇسابىقىگە چۈشتى. قىزىل كىيىملىك كوماندىدىن ئادىلجان ( ئىلگىرى جۇڭگو دۆلەتلىك ئەرلەر ۋاسكېتبول كوماندىسىدا ئاساسلىق قوغدىغۇچى بولۇپ مۇسابىقە ئوينىغان)، لى كى( ئىلگىرى 2004-يىلى جۇڭگو ئەرلەر ۋاسكېتبول كوماندىسى يىغىپ تەربىيىلەش تېزىملىكىگە كىرگەن،ئافىنا ئولمپىك تەنﻬەرىكەت مۇسابىقىسىگە بارىغان)لار تۇنجى بولۇپ مەيدانغا چىقتى. ئۇلاردىن تەشكىلەنگەن كوماندا، شۇنىڭ بىلەن بىر ۋاقىتتا دۇڭچىڭ رايونلۇق ئوركانلار، مەكتەپ، كارخانا، كەسپى ئورۇنلاردىكى ۋاسكېتبول ﻫەۋەسكارلىرى كېلىپ بۇ مۇسابىقىگە ئىشتىراﻫ قىلدى.

زۇڭلى ۋېن جىياباۋ تەنتەربىيەنى ياخشى كۆرىدۇ، شۇنداقلا ۋاسكېتبول ﻫەۋەسكارى. رەسىمدىكى ماتېرىيالدا: 2008-يىلى 8-ئاينىڭ 3-كۈنى، ۋېن جىياباۋ ۋۇكېسۇڭ تەنتەربىيە سارىيىدا جۇڭگو ئەرلەر ۋاسكېتبول ئەتىرتىدىكى ئەزالارنى يوقلاپ بارغاندا، ئۇ بەدەن قىزىتىش ﻫەرىكىتىنى ئىشلەپ، ئۆزىنىڭ ئۆلچەملىك ئۈچ قەدەم ئېلىپ توپ سېلىش تېخنىكىسىنى كۆرسىتىپ قويغان.



ئوقۇغۇچىلىق مەزگىلىدە ۋېن جىياباۋنىڭ ۋاسكېتبول ئويناش تېخنىكىسى ئىنتايىن ياخشى ئىدى. رەسىمدە ۋېن جىياباۋ (ئالدى رەت ئوڭدىن بىرىنچىسى). بۇ رەسىم 1955-يىلى تارتىلغان.