بىيجىڭ ۋاقتى8-ئاينىڭ2-كۈنى تاڭ سەﻫەر سائەت2:30 ،مىيۇنخىن پۇتبۇل مەيدانىدا،گىرمانىيە كۈچلۈك چولپانلار كوماندىسى ئېنگىلاند دەرىجىدىن تاشقىرى بىرلەشمىسىدىكى مانچىستىر شەﻫەر كۇلۇبى بىلەن ئوۋدى لوڭقىسىنى تالىشىش جىڭى ئىلىپ باردى.ئالدىنقى يېرىم مەيداندا،بايرىن كۇلۇبى ئاساسەن دىگۈدەك ئۈستۈنلىكنى ئىگەللىدى،لىكىن نومۇر ئالالمىدى،ئىككى تەرەپ نومۇر ئالالماي دىمى ئىچىگە چۈشۈپ كەتتى.كىيىنكى يېرىم مەيداندا نېگرىدو تىز قايتۇرما ﻫۇجۇم پۇرستىدىن پايدىلىنىپ سۈرئىتى بىلەن بىر توپ كىرگۈزدى،شۇنىڭ بىلەن مانچىستىر كۇلۇبى0-1 نەتىجە بىلەن ئۈستۈنلىكنى ئىگەللىدى.لىكىن بايرىن كۇلۇبى توپ كەتكۈزۈپ قويۇپ 5 مىنۇت ئىچىدىلا نومۇر پەرقىنى تەڭلەشتۈرۋالدى،موللىر نۇقتا توپ پۇرسىتىدىن پايدىلىنىپ كۇلۇبنىڭ نومۇر پەرقىنى تەڭلەشتۈرگەن.ئۇنىڭدىن كىيىن يەنە موللىر سەپلىمە ئەزا سۈپىتىدە مەيدانغا چىققان مەنزۇنىچغا پاس چىقىرىپ بېرىپ ئۇنىڭ توپ كىرگۈزىشىگە ياردەم بەرگەن،بايرىن كۇلۇبى نومۇرىنى مانچسىتىر شەﻫەر كۇلۇبىنىڭكىدىن ئاشۇرغان ئىدى.شۇنداق قىلىپ بايرىن ئۆز مەيدانىدا 1-2 نەتىجە بىلەن ئېنگىلاند دەرىجىدىن تاشقىرى بىرلەشمىسىدىكى مانچىستىر شەﻫەر كۇلۇبىنى ئۇتۇپ ئوۋدى لوڭقىسىنى قولغا كەلتۈردى.



بايرىن ۋە مانچىستىر شەﻫەر كۇلۇبى ئىككىلىسىلا ئوۋدى لوڭقىسىنى تالىشىش مۇسابىقىسىنىڭ يېرىم ﻫەل قىلغۇچ مۇسابىقىسىدە ئىپادىسى ئالاﻫىدە ياخشى بولغان،تۇنجى قىتىملىق يېرىم ﻫەل قىلغۇچ مۇسابىقىدە،مانچىستىر شەﻫەر كۇلۇبى يىڭى تېرىنىر پىلەيگىلىنىڭ يىتەكلىشىدە ناﻫايىتى كۈچلۈك بولغان ﻫۇجۇملارنى قوزغىغان ئىدى،مۇسابىقە باشلىنىپ 35 مىنۇت بولغاندا ئىتالىيە بىرلەشمىسىدىكىACمىلان كوماندىسىغا ساراڭلەرچە 5 توپ كىرگۈزۈپ مۇسابىقىنىڭ ئۈستۈنلىكىنى قولغا كەلتۈرۈپ بولغان.گەرچەACمىلان كۇلۇبىمۇ تىرشىپ مىڭ تەسلىكتە 3 توپ كىرگۈزگەن بولسىمۇ لىكىن مۇسابىقىنىڭ نەتىجىسىنى ئۆزگەرتەلمىدى.ئۆز مەيدانىدا ئوينىغان بايرىن مىيۇنخىن كۇلۇبىمۇ ياخشى بولغان ئىپادىلەرنى كۆرسەتكەن ،بىرازىلىيەنىڭ شىڭباۋلو كوماندىسى بىلەن ئوينالغان مۇسابىقىدە يەنە بايرىن كۇلۇبى مۇسابىقىنىڭ ۋەزىيىتىنى تەڭشىۋالغان ئىدى،قارشى تەرەپ ۋاراتارسى چېنىنىڭ ئپادىسى ئالاﻫىدە ياخشى بولمىغان بولسا بايرىن2 توپ ئەمەس ئۇنىڭدىن كۆپرەك توپ كىرگۈزۈشى تۇرغانلا گەپ ئىدى،نويىرمۇ ئاز بولمىغان كۈچلەرنى چىقارغان بولۇپ قارشى تەرەپنىڭ بىر نۇقتا توپنى توسوپ قىلىپ شىڭباۋلو كوماندىسىنىڭ نومۇر پەرقىنى كىچىكلىتىش ئۈمۈدىنى يوق قىلغان ئىدى،شۇنداق دىيەلەيمىزكى،بۇ مەيدان مۇسابىقە ئىككى تەرەپنىڭ ﻫۇجۇممىنى كۆرگەزمە قىلىدىغان مۇسابىقە بولغان ئىدى.
روبىن شۇنى كۈنى بولغان مۇسابىقىدە قارشى تەرەپ ماﻫىرى تەرىپىدىن يىقىتىۋىتىلدى



بۇ مەيدان مۇسابىقىدە،ئىككىلى كوماندىنىڭ سەپ شەكلىدە ئۆزگىرىش بولغان .بايرىن كۇلۇبى بولسا،گۇۋادىئولانىڭ ئامراق ماﻫىرى دىياگو قايتىدىن قايتىپ كىلىپ كىروس بىلەن ئوتتۇر مەيداندا،شىيىشىتەيگىر ئارقا بەل مۇداپىيە رايونىدا،كوماندىنىڭ كاپىتانى رام ئۆز ئورنى يەنى ئوڭ بېك رايونىغا قايتقان ئىدى.ﻫۇجۇمچىلار سىپىدە بولسا،يىرىم ﻫەل قىلغۇچ مۇسابىقىدە توپ كىرگۈزگەن مەنزۇنىچ يەنىلە سەپلىمە ئەزا ئوررۇندىقىدا،موللىر يالغۇز ﻫۇجۇمچى رايونىدا چىققان ئىدى.گۇۋادىئولا بولسا يەنە كۆپ ﻫۇجۇمچى يوق تاكتىكىسىنى ئىشلەتكەن ئىدى.مانچىستىر شەﻫەر كۇلۇبى بولسا،پىلەيگىلى 3بېكنى4 بېكقا كۆپەيتكەن ئىدى،كاپىتان كومپانى بىلەن كىچىك ماﻫىر بوياتا ئوتتۇر بېكتا،ئوتتۇر مەيداندا بولسا يىڭى ماﻫىر فىرنەندىئو ئاساسى ئەزا سۈپىتىدە ،يۆدىۋىچ بولسا ئالدى بەل ﻫۇجۇمچى رايونىدا،نېگرىدو بولسا ئوتتۇر ﻫۇجۇمچىلىقتا مەيدانغا چىققان ئىدى،يېرىم ﻫەل قىلغۇچ مۇسابىقىدە توپ كىرگۈزگەن جىكو بولسا سەپلىمە ئەزا سۈپىتىدە مەيدانغا چىققان ئىدى.
نېگرىدو مارتىنىس بىلەن تىركەشمەكتە



سەپداشلىرى موللىرنى تەبرىكلەشمەكتە



رام سەپداشلىرىنى تەشكىللىمەكتە



مانچىستىر شەﻫەر كۇلۇبى لوڭقىنى تارتقۇزۇپ قويدى