شىنخۇا ئاگېنتلىقى، 25-فېۋرال تېلېگرامىسى: ئەنگلىيەلىك ئانا كاشا بىلەن قىزى مىشا ئوخشاش بىر كۈندە ئەنگلىيە گۈزەللىرىنى تاللاش مۇسابىقىسىدە مۇكاپاتقا ئېرىشتى. بۇ يىل ئەمدىلا 16 ياشقا كىرگەن مىشا ‹‹ ئەنگلىيە سامانيولى خانقىزى ›› شەرىپىگە، 53 ياشقا كىرگەن ئانىسى كاشا ‹‹ ئەنگلىيە سامانيولى خانىمى ›› شەرىپىگە ئېرىشتى.

    كاشا ئەنگلىيە ‹‹ كۈندىلىك پوچتا گېزىتى›› مۇخبىرلىرىنىڭ زىيارىتىنى قوبۇل قىلغاندا : مېنىڭ رىقابەتچىلىرىم ئاساسەن 20 ياش ئەتراپىدىكى قىزلار، گەرچە مېنىڭ يېشىم بۇلاردىن خېلىلا چوڭ بولسىمۇ، مەن مۇسابىقىگە ئاكتىپلىق بىلەن تەييارلىق كۆرگەچكە بۇ شەرەپكە ئىگە بولدۇم، دېدى.

    ئىگىلىنىشىچە، مىشانىڭ گۈزەللەرنى تاللاش مۇسابىقىسىگە قاتنىشىشى مەلۇم دەرىجىدە ئاپىسىنىڭ تەسىرىگە ئۇچرىغانلىقتىن بولۇپ، 13 يېشىدىن باشلاپ گۈزەللەرنى تاللاش مۇسابىقىسىگە قاتناشقان.