يېقىندا ئىتالىيەلىك بېلىق تۇتۇش ھەۋەسكارى دىنو ئىتالىيەنىڭ پو دەريا دېلتىسى رايونىدىن ئۇزۇنلىقى 2.67 مېتىر، ئېغىرلىقى 127 كىلوگىرام كېلىدىغان ھەدىدىن زىيادە چوڭ سوم بېلىقىدىن بىرنى تۇتۇۋېلىپ، قارماق سېپىدا چوڭ بېلىق تۇتۇش بويىچە يېڭى رېكورت ياراتتى.

    ماتېرىياللاردا كۆرسىتىلىشىچە، بۇ خىل زىيادە چوڭ سوم بېلىقى ياۋروپانىڭ ‹‹ مەھسۇلاتى ›› بولۇپ، 30 يىل ياشىغانلىرىنىڭ ئۇزۇنلىقى تۆت مېتىردىن ، ئېغىرلىقى 400 كىلوگىرامدىن ئاشىدىكەن. بۇ خىل بېلىق يىرتقۇچ ھايۋانلارغا ئوخشايدىكەن، قورسىقى ئاشقاندا ئەشەددىيلىشىپ، كۆزىگە كۆرۈنگەنلا نەرسىنى يەيدىكەن. ھەتتا بەزىدە سۇ يۈزىدىن تاقلاپ چىقىپ قىرغاقتىكى كەپتەر ۋە باشقا ھايۋانلارنىمۇ يەيدىكەن. ھازىرغا قەدەر دۇنيادا بايقالغان ئەڭ چوڭ سوم بېلىقنىڭ ئېغىرلىقى 140 كىلوگىرام بولۇپ، ئۈزۈنلىقى 2.78 مېتىر كېلىدىكەن.