1-مارت خەۋىرى: ئامېرىكا ABC تېلېۋىزىيە ئىستانىسىنىڭ خەۋىرىگ قارىغاندا، ئامېرىكىلىق بىر ئەرنىڭ يانچۇقىدىكى iPhone5C توساتتىن پارتلاپ كېتىپ، يوتىسى 3-دەرىجىدە كۆيۈپ قالغان. نۆۋەتتە ئۇ ئالما شىركىتىنى ئەرز قىلماقچى بولغان.

      نيۇيوركلۇق ئېرىك ئېڭىشىپ ئاچقۇچىنى ئالماقچى بولغىنىدا ‹‹ پوڭ›› قىلغان ئاۋاز بىلەن يانچۇقىدىكى يانفون  پارتلاپ كەتكەن، ئېرىكنىڭ ئېيتىشىچە، ئۇ پۇتىنىڭ كۆيگەنلىكىنى ھېس قىلىپ تېزدىن ئىشتىنىنى سېلىۋەتمەكچى بولغان، ئەمما ئىشتاننىڭ كۆيگەن يېرى تېرىسىگە چاپلىشىپ قالغان، كىشىلەر ئېرىكنى دوختۇرخانىغا ئاپارغان، دوختۇرلار ئۇنىڭ سول يوتىسىنىڭ ئۈچىنچى دەرىجىدە كۆيگەنلىكىنى ئېيتقان.

    ئىگىلىنىشىچە، يانفون ئادەتتە توك يولى تاختىسى بۇزۇنلغانلىقتىن ياكى ئوخشىمىغان تىپتىكى توك قاچىلىغۇچ ئىشلەتكەنلىكتىن پارتلاپ كېتىدىكەن. ئەمما ئۇنىڭ ئىشلەتكىنى ئەسلىي توك قاچىلىغۇچ ئىكەن. شۇڭا ئېرىك ئالما شىركىتىنى ئەرز قىلماقچى بولغان.