ئەنگلىيە ‹‹ ئەينەك ›› گېزىتىنىڭ 2-مارتتىكى خەۋىرىگە قارىغاندا، تايلاندنىڭ جەنۇبىدىكى بىر تەبىئىي قوغدىلىدىغان رايوندا بىر پۇتىدىن ئايرىلغان پىلغا ئالاھىدە ياسالغان يالغان پۇت سېلىنىپ، سەككىز يىلدىن بۇيان مېڭىشقا ئامالسىز قالغان پىل تۆت پۇتلاپ ماڭالايدىغان بولغان.

    ئىگىلىنىشىچە، بۇ پىلنىڭ ئىسمى موشا بولۇپ، بۇ يىل توققۇز ياشقا كىرگەن. 2009-يىلى موشا ئەمدى يەتتە ئايلىق بولغىنىدا ئېھتىياتسىزلىقتىن مېناغا دەسسىۋېلىپ بىر پۈتىدىن ئايرىلغان، تەبىئىي قوغدىلىدىغان رايونغا ئاپىرىلغاندىن كېيىن، موشا ئۈچ پۇتىغا تايىنىپ مىڭ تەسلىكتە مىدىراشنى ئۈگەنگەن. دۇنيادىكى تۈنجى پىل دوختۇرخانىسى دەپ نام ئالغان بۇ تەبىئىي قوغدىلىدىغان رايون شامو ئۈچۈن يالغان پۇت ياساپ بەرگەن.