ئامېرىكا ‹‹نيۇيورك كۈندىلىك خەۋەرلەر›› گېزىتىنىڭ خەۋىرىگە قارىغاندا، يېقىندا ئاۋسترىيەدىكى 24 ياشلىق بىر ئەر قوشۇق ئارقىلىق بانكا بۇلىماقچى بولۇپ (شۇنداق، خاتا كۆرمىدىڭىز، تاپانچا، پىچاق ئەمەس، بەلكى قوشۇق)، ساقچىلار تەرىپىدىن قولغا ئېلىنغان.

    ئىگىلىنىشىچە، ۋەقە يۈز بەرگەندە بۇ ئەر ‹‹قولۇمدا جاننى ئالىدىغان خەتەرلىك قورال بار›› دەپ قوشۇقىنى پۇلاڭلاتقان. بانكا خادىملىرى دەرھال ساقچىغا دېلو مەلۇم قىلغان. ساقچىلار تېزدىن نەق مەيدانغا يېتىپ كېلىپ، بۇ ‹‹خەتەرلىك ئۇنسۇر›› نى قولغا ئالغان. خەۋەر قىلىنىشىچە، بۇ جىنايەت گۇماندارىنىڭ دېلو سادىر قىلىشتىكى مۇددىئاسى پەقەت پۇل بۇلاش بولۇپ، ھازىر تۇتۇپ تۇرۇلىۋېتىپتۇ.