ياپونىيە ‹‹ ئىقتىساد خەۋەرلىرى ›› نىڭ 23-دېكابىردىكى خەۋىرىگە قارىغاندا، ياپونىيە ناگانوكېن ئۆلكىسىدىكى بىر ياۋايى مايمۇنلار باغچىسىدا تەبىئىي ئارشاڭلار بولۇپ ، مايمۇنلار قىش پەسلىدە ئارشاڭغا چۈشۈش ئارقىلىق قەھرىتان سوغۇقتا ھارارەت ئىزدەيدىكەن .

    ئىگىلىنىشىچە ، بۇ يىل قىشتا ئارشاڭغا چۈشكىلى كەلگەن مايمۇنلارنىڭ سانى ئالدىنقى يىلدىكىدىن كۆرۈنەرلىك ئاشقان بولۇپ ، باغچىنىڭ ئەتراپىدىكى تەخمىنەن 160 ياپون مايمۇنى قورسىقىنى تويغۇزۇپ بولغاندىن كېيىن ، بۇ يەرگە كېلىپ ئارشاڭدا راھەتلىنىدىكەن . قىزىقارلىقى شۇكى ، مايمۇنلارنىڭ سانىغا ئەگىشىپ ، بۇ يەرگە كېلىدىغان ساياھەتچىلەرنىڭ سانىمۇ كۈنسېرى ئاشقان . خەۋەر قىلىنىشىچە ، ‹‹ ئىقتىساد خەۋەرلىرى ›› زىيارەت قىلغان كۈنى تەخمىنەن 40 دىن ئارتۇق ياپون مايمۇنى بۇ يەردە ئارشاڭغا چۈشكەن . ساياھەتچىلەر ئۇلارنىڭ ئوماق ھالەتلىرىنى سۈرەتكە تارتىپ خاتىرە قالدۇرغان .