«يامغۇردىكى ئىلتىجا» فىلىمىنى ئۆتكۈزىۋەتمەڭ-سەنئەت ئۇچۇرلىرى-خەۋەر مەركىزى-ئاقيول ئۇيغۇر تور بىكىتى

«يامغۇردىكى ئىلتىجا» فىلىمىنى ئۆتكۈزىۋەتمەڭ

يوللانغان ۋاقىت : 2013-12-13 15:12:39

تەھرىر : admin






: چوڭ; ئوتتۇرا; كىچىك; خەت چوڭ - كىچىكلىكى >>

ھىندىستانلىق Ethan بىر داڭلىق سېھىرگەر. ئۇ 14 يىلنىڭ ئالدىدا سەھنىدە ماھارەت كۆرسىتىۋېتىپ، تۇيۇقسىز يۈز بەرگەن ھادىسىدىن كارۋاتقا پالىنىپ، پەقەت يۈز قىسمىدىكى ئەزالىرى ئىشلەيدىغان ھالغا چۈشۈپ قالىدۇ. ھاياتىدىكى بۇ تۇيۇقسىز كەلگەن ئېغىر چاقچاققا 20 يىلدىن بىرى ئىزچىل ھالىدىن خەۋەر ئېلىپ كەلگەن سېستىرا ئايال Sofia ۋە باشقا يېقىنلىرى بولغاچقىلا بەرداشلىق بېرىپ ياشايدۇ، ۋە Sofia نىڭ ياردىمىدە كىتاپ يېزىپ، رادىيو دېكتورى بولۇپ باشقا تۈمەنلىگەن ھاياتىدا زور ئوڭۇشسىزلىق ۋە ئۈمىدسىزلىكلەرگە دۇچ كەلگەن كىشىلەرگە ئىلھام بېرىپ ياشايدۇ. ياشايدۇ يۇ، تۇيۇقسىز ھاياتتىن ئۈمىد ئۈزۈپ 14 يىلدىن كېيىنكى شۇ كۈنگە كەلگەندە ئادۋۇكات دوستى ئارقىلىق سوتتا ئازاپلانماي ئۆلۈشنى قولغا كەلتۈرمەكچى بولىدۇ. لېكىن دەل شۇ پەيتلەردە Omar Siddiqui دېگەن بالىنىڭ ئوتتۇرىغا چىقىشى بىلەن ئىشلار ئاستىن-ئۈستىن بولۇپ كېتىدۇ..

ئەمدى بوللىۋوتنىڭ فىلىملىرى ئىزچىل بىزنىڭ ياقتۇرۇشىمىزغا ئېرىشىپ كەلمەكتە. بەزىلىرىمىز فىلىم ئارتىسلىرى ئۈچۈن، يەنە بەزىلىرىمىز رومانتىك كىنو مەزمۇنى ئۈچۈن ياخشى كۆرۈپ كەلدۇق. ئەمما مەيلى قانداقلا بولسۇن، بىزگە يېقىن بۇ دۆلەت فىلىملىرىنىڭ بىزنىڭ بۇ يەردە خىلى يۈزى بار. يېقىندا دىيارىمىزدىكى فىلىم ئىشلەش ساھەسىدە بىخ سۈرىۋاتقان سازىم تورى، شىنجاڭ دولان ئوقەتچىلىك شىركىتى بىلەن بىرلىشىپ يۇقىرى سۈزۈكلۈك بىلەن يېڭىدىن ئىشلىگەن ئىككى فىلىمنى دىققىتىمىزغا سۇنۇپتۇ. بۇنىڭ بىرى دەل يۇقارقى ۋەقەلىك تەسۋىرلەنگەن ھىندىستان فىلىمى «يامغۇردىكى ئىلتىجا»دۇر. بۇ فىلىم 3-دېكابردىن باشلاپ ئۈرۈمچى ئىتتىپاق يولىغا جايلاشقان «خان ساراي» كىنوخانىسىدا قويۇلماقچى ئىكەن. كەڭ دوستلارنىڭ ۋاقىت چىقىرىپ كۆرۈپ كېلىشىنى تەۋسىيە قىلىمىز.

باش رولدا Hrithik Roshan

باش رولدا AishwaryaRai