ئەسسالامۇ  ئەلەيكۇم  !  

  بىرزات  ئەپەندى،سالامەت  تۇرلىما ؟ ئاللا  سىلىگە  بەخىت  نۇرى  ياغدۇرسۇن، ئارزۇ-ئارمانلىرىغا يەتكۈزسۇن !

       مەن بۇ تەتىلدا ئۆيگە قايىتماي  ئۈرۈمچىدە  ئىشلەپ قاپقالغان، كەچلىرى  شىركەتتىلا  قونىمەن،

ئىشخانىدا  كارۋات  يوق بولۇپ يوتقان  كۆرپىلەرنى يەرگە  سېلىپلا  ئۇخلايمەن، لېكىن  ئىشخانىنىڭ  پارى  يەر ئاستىدا(地暖) ئىكەن  ..  ئۇخلىغاندا  يەر ئاستىدىن  ئىسسىق  چىقىپ  بىئارام  بولۇپ  تۇرساممۇ ھارغىنلىقتا  يەنىلا  ئۇخلاپ  قالىمەن ، ئەتىگىنى   قوپسام   بېشىم  بىر  خىل  بولۇپ ،  كالپۇكۇم  قۇرۇپ   قوپىمەن. پار  يەر  ئاستىدا (地暖) بولسا  سالامەتلىككە  زېيىنى   بارمۇ ؟   يەر ئاستى  پار(地暖)  بار ئۆيگە  كۆرپە سېلىپلا  يېتىش  خاتامۇ؟

ۋەئەلەيكۇم ئەسسالام

خۇداغا شۇكۈرى، ئوبدان تۇرۇپتىمەن. رەھمەت.

ھېس قىلىشىمچە ئاستىدىن ئىستىدىغان قۇرۇلمىلىق ئۆيلەرنىڭ ئادەتتىكى ھاۋاسى قۇرۇق بولىدىكەن. بۇنداق زىيادە قۇرۇق ھاۋا ئادەمنى قۇرۇتۇپ كەيپىياتىنى ناچارلاشتۇرىدۇ. باشنى ئېغىرلاشتۇرۇپ گاراڭ قىلىپ قويىدۇ. ئۇزۇن مۇددەت پولنىڭ ئۈستىدىلا ياتقاندا بۆرەك مىزاجىنىمۇ قۇرۇتۇپ سالامەتلىككە بەزى بىر سەلبىي تەسىرلىرى بولىشى مومكىن. بۇ خىل تەسىرلەرنىڭ ئالدىنى ئىلىش ئۈچۈن ئاستىدىغان ئىسسىتىدىغان قۇرۇلمىلىق ئۆيلەردە ئولتۇرغۇچىلار قىش كۈنلىرى چوقۇم ئۆيدە گۈل بېقىش ئارقىلىق ئۆينىڭ ھاۋاسىنىڭ نەملىك ھالىتىنى ساقلىشى زۆرۈر. سوۋۇتۇلغان قايناقسۇ ھەر قاچان تەييار بولىشى، ئۇسساپ قالغان ھامان سۇ تولۇقلاپ تۇرىشى كېرەك. بولۇپمۇ ئۇششاق بالىلار كېچىلىرى ئىچى سېقىلىپ ئويغىنىپ كەتكەندە چوقۇم ئۇلارغا ئۇسسۇلۇق بىرىش كېرەك. ئۆينى پەۋقۇللادە ئىسسىتىۋەتمەي تېمپراتۇرانى تەڭشەپ قويۇشى كېرەك.

ئىمكان-شارائىت بولسا بىۋاستە پۇل ئۈستىدە ياتماي كارۋات قويۇپ يېتىش كېرەك!

بۇ ھەقتە تەجىربىلىك تورداشلارنىڭ ئۆزگىچە پايدىلىق پىكىرلىرىنى ئاڭلاپ باقساق. قېنى تورداش سىزمۇ ئاستىدىن ئېستىدىغان قۇرۇلمىلىق ئۆيدە ياتقاندا ئېغىزىڭىز قۇرۇپ، بېشىڭىز ئېسىلامدۇ؟ بۇ خىل ئەھۋالدا قانداق چارە قىلدىڭىز؟ ئىنكاسىڭىزنى ساقلاپ قالدۇق!!