ئايدار-دادا مېنى باغرىڭغا باس

anar

	كۈندە نەچچە ئېچىۋاتىمەن جۇمۇ ما تېمىنى ...ئاخشام چۈشەپ چىقىپتىمەن تېخى پۈتۈن ۋەقەلىكنى

kamiran

	ھەقىقەتەن  ياخشى  يېزىلىپتۇ

باغرىم

	ئايگۈلنىڭ تەقدىرى چوقۇم ياخشى چىقىدۇ ، بۇنىڭغا ئىشىنىمەن ...

مەرۋەرى

	باغرىم بۇ يازمىنى 2010-يىلى 9-ئاينىڭ 11-كۈنى 21:54 دە يوللىغان ئايگۈلنىڭ تەقدىرى چوقۇم ياخشى چىقىدۇ ، بۇنىڭغا ئىشىنىمەن ... ئېيتقىنىڭىزدەك بولسۇن ئىلاھىم~ !

جۇلالىق

	ئۆز ئانىسىدىن ئېرىشەلمىگەن مىھرىبانلىقنى باشقا بىر ئانىدىن ئېرىشىپتۇ.ئايگۈلنىڭ ئاتا-ئانىسىدەك ئۆز بالىسىغا كۆيۈنمەيدىغانلارغا مىڭلارچە لەنەت بولسۇن! ئايگۈلنىڭ تەقدىرى قانداق بولار؟ ئايدار ھەدە داۋامىنى تېزراق يوللىۋېتەرسىز...........

مەرۋەرى

	ئايدارىمغا نىمىش بولغاندۇ ھېيتتا ساڭزىنى جىق يەۋالغانمىدۇ يوقاپ كەتتىغۇ مېنى ئەنىسىرىتىپ

قەھۋە

	يەنە بىر چۆچەك ئۈستىدە ئىزدىنىۋاتقاندۇ.   بۇنىڭدەك تۇرمۇش كارتىنىسى ھەقىقەتەنمۇ كىشىنى ئويغا سالىدۇ. تۇرمۇشىىمىزدا مەۋجۇت.

ayqiz

	ئاران بىر كىرگىنىمدە بۇ ھىكايىنى تولۇق ئوقۇپ تۇگەتكەن بولسام نىم بولاتتى دەيمەن ئايدار خانىم ، اللاھ قوللۇرىڭىزغا دەرت بەرمىسۇن  مېنى قايتا -قايتا يىغلىتىپ قان بېسىمىمنى ئۆرلىتىپ قويىدىغان بولدىڭىزدە داۋامىنى تېزراق يوللارسىز جانىم .

Aydar

	ئەكسىچە ئاپام بىلەن ئاز ئالاقىلاشتۇق، ئاپام توي قىلغاندىن كېيىن بالىلىق بولدى ۋە پۈتۈن مېھرىنى بالىسىغا بەردى. مېنى بولسا پۈتۈنلەي مومامغا تاشلاپ بەردى، مومام ھايات ۋاقتىدا ماڭا ئۆز بالىسىدەك قاراپ ئاسراپ كەلدى. تولۇق ئوتتۇرىغا چىققىنىمدا بارلىق تۇغقانلارنى يىغىپ، ئۆزىنىڭ پۈتكۈل مۈلكىنى ۋە ئۆي-جايىنى ماڭا قالدۇرىدىغانلىقى توغرىلىق ۋەسىيىتىنى ئېلان قىلدى. بۇ قارار پۈتكۈل تۇغقانلارنى زىلزىلىگە سېلىۋەتكەن بولسىمۇ، لېكىن ئۇلار ئاخىرى يەنىلا بېسىقىغا چۈشتى. مومام تۈگەپ كەتكەندىن كېيىن، ئىككى –ئۈچ تەتىلنى ئاپامنىڭ سىڭلىسىنىڭ قېشىدا ئۆتكۈزدۈم، ئۇ چاغدا مەن ئاللاقاچان مەكتەپنىڭ ئالدىنقى قاتارىدىكى ئوقۇغۇچىسىغا ئايلىنىپ بولغان ئىدىم. مەن ئارزۇيۇم بويىچە بېيجىڭ تىببى ئۇنۋېرستىتىنىڭ كىلىنكىلىق داۋالاش كەسپىگە ئۆتتۈم، ئوقۇش ۋە ئۆگىنىشلىرىم مېنىڭ ئارزۇيۇمدىكىدەك كىتىپ باراتتى. مەن مومامنىڭ ماڭا يىغقانلىرى بىلەن تۇرمۇشۇمنى قامدىسام، ئۆيىنى ساتقان پۇل بىلەن ئوقۇش پۇلىنى تۆلىدىم. ئوقۇش پۈتتۈرۈپ، ئۈرۈمچىدىكى بىر دوختۇرخانىغا ئىشقا چۈشتۈم. ئادەم ئوقۇش ۋاقتىدىلا غېرىبلىقى بىلىنمەيدىغان ئوخشايدۇ، ساۋاغداشلار، ئۆگىنىش ۋە ئىمتىھانلار بىلەن ئۆتۈپ كىتىپتىمەن، خىزمەتكە چۈشكەندىن كېيىن، ئىشتىن چۈشۈپ، باشقىلار ئۆيلىرىگە كەتسە، مەن ياتاقتا يالغۇز، نەگە بېرىشىمنى، نىمە قىلىشىمنى بىلمەس بوپ قالدىم. گەرچە دادام ئۈرۈمچىدە بولسىمۇ، ئۇنىڭ ئۆيىگە بارغىنىمدا، دادامنىڭ مۇئامىلىسىنى كۆرۈپ قارشى ئېلىنمايدىغان مېھمانلىقىمنى بىلىپ، ئۇلارنىڭ ئۆيىگىمۇ ئاياغ باسماس بولدۇم. گەرچە ئايشەم ئاپام مېنى ئۆز قىزىدەك كۆرسىمۇ دادام ماڭا قاراپمۇ قويمايتتى، ئامال بار مېنى ئۆيگە كەلتۈرمەسلىككە، مەن بىلەن پاراڭلاشماسلىققا، ماڭا قارىماسلىققا تىرىشاتتى. دادامنىڭ بۇنداق پوزىتسىيىسىنى كۆرۈپ، گەرچە ئايشەم ئاپام، چىلىرىم ماڭا ياخشى مۇئامىلە قىلسىمۇ، لىكىن يەنىلا بارغۇم كەلمەيتتى. ئۆز ئاپامغۇ مېنى ئۇنتۇپ دادامدىن كېيىن تەگكەن ئېرى ۋە ئېرىنىڭ بۇرۇنقى بالىلىرى بىلەن بولۇپ كەتتى. گاھىدا تېلىفۇن قىلىپ قالسام تېلىفۇنداق گەپنى شۇنچىلىك ئاز قىلىدۇ، مېنىڭ مەكتەپتە ياخشى ئوقۇشلىرىم، خىزمەتتىكى نەتىجىلىرىم ئۇنىڭ ئۈچۈن بەرىبىر ئىدى. تاغدەك خوشاللىقلارغا ئېرىشسەممۇ، ئۇنى دىگۈدەك ئادەم تاپالماي تىنەپ كىتەتتىم. ئاخىرى مەن  مۇھەببەتلەشتىم، يىگىتىم بولغۇچى موشۇ دوختۇرخانىغا داۋالانغىلى كەلگەن بىر كومپىيۇتىر مۇئەللىمى ئىدى. مەن ئۇنىڭ كېسلىنى داۋالىدىم، شۇ جەرياندا تونۇشۇپ قالدۇق، ئۇنىڭ ئاتا-ئانىسىمۇ مېنىڭ بىلەن تونۇشۇپ، مېنى ئەزىزلەپ، ھاياتىمدىكى غەملەرنى، ئۇرۇق-تۇغقانسىزلىق بوشلۇقىنى تولدۇرغاندەك بولدى.  يىگىتنىڭ ئىسمى ئالماسجان بولۇپ، ئىككىمىز ناھايىتى ياخشى يۈردۇق، توي قىلىشنى ئويلىساملا بېشىمغا قارا تاغ يىقىلاتتى. شۇ ئارىلىقتا دەم ئېلىشىمنى ئېلىپ يۇرتقا ئاپامنى يوقلاپ باردىم. ئاپام مېنى بۇرۇنقىدەكلا ناھايىتى سۇس قارشى ئالدى. ئاپامدىن گەپ ئالالمايدىغانلىقىمغا كۆزۈپ يىتىپ ئاپامنىڭ سىڭلىسىنى ئىزدەپ باردىم. ئالىيە ئاچام ماڭا بۇ گەپنى دەپ بەرگىلى ئۇنىمىدى، -ئاچا، بۇ گەپنى ماڭا دەپ بەرمىسىڭىز بولمايدۇ، نىمىشقا ئاپام بىلەن دادامنىڭ ھەر ئىككىسىلا ماڭا قارىمايدۇ؟ ئاچام ئۇزاق ئولتۇرۇپ كەتتى، ئۇنىڭ بىر گەپنى ئېغىزىغا ئېلىشقا ئۇيالغانلىقىنى ھېس قىلىپ يەتتىم. ئۇنى ئېرىتىش ئۈچۈن ئۆزۈمنىڭ ئالماس بىلەن مۇھەببەتلەشكەنلىكىمنى، ئۇنىڭ ئاتا-ئانىسىنىڭ پات ئارىدا ئەلچىلىككە كىلىدىغانلىقىنى، بۇ ئىشنى مەن چوقۇم بىلىشىم كىرەكلىكىنى ئېيتىپ يىغلاپ تۇرىۋالدىم. ئاچام بۇ گەپنى دىگەندە، مەن ھۇشۇمنى يوقىتىپ قويۇشقا تاسلا قالدىم.

ayqiz

	تۇغۇشنى بىلىپ بېقىشنى بىلمىگەن مۇشۇ خىلدىكى ئاتا -ئانىلارنى قانداق قىلىۋەتسە بولار دەيمەن . ئايگۇلنىڭ تەغدىرى قانداق بولۇپ كېتەر ، ئاجايىپ بىر قىسما بولۇپ قالدىم .