تويۇڭ بولسا شۇ كۈنى
تۇرغۇن راخمان(كەمتەر)

تويۇڭ بولسا شۇ كۈنى ، خۇشال بولۇپ سۆيۈنەي ،
ئۇنتۇپ ئازاب - ئوقۇبەت ، سوۋغاتلىققا گۈل بېرەي ،
چېچەك ئاچسا گۈللۈرىڭ ، مەنمۇ خۇرسەن ئەمەسمۇ ،
چىن دىلىمدىن خۇش بولۇپ ، بەختىڭ تېلەپ مەن كېتەي .

تويۇڭ بولسا شۇ كۈنى ، خۇشال بولۇپ سۆيۈنەي ،
يۈرەكتىكى ئاچچىقنى ، ئەمدى بېرىپ كىمگە دەي ،
سۆيگەن ئىدىم چىن دىلدىن ، بىلمىدىڭغۇ زادىلا ،
ئۇنتۇش شۇنداق ئاسانمۇ ، زەپ قېينىدىڭ مەن ئۆلەي .

تويۇڭ بولسا شۇ كۈنى ، خۇشال بولۇپ سۆيۈنەي ،
ياشلىرىمى يوشۇرۇپ ، بەختىڭ تىلەپ گۈل بېرەي ،
قايغۇرمايمەن ئەبەدىي ، تاشلاپ كەتسەڭ تاش يۈرەك ،
ئاچسۇن چېچەك گۈللىرىڭ ، كۈلۈشىڭنى مەن كۆرەي .

تويۇڭ بولسا شۇ كۈنى ، خۇشال بولۇپ سۆيۈنەي ،
قىسمەت شۇنداق ئوخشايدۇ ، بۇنى پەقەت سىزگە دەي ،
يۈرەك زەرداپ قان - ژېرىڭ ، نىمە دەيمەن بىلمىدىم ؟
قىينالدىغۇ يۈرۈگۈم ، تۇرالمىدىم مەن كىتەي .

تويۇڭ بولسا شۇ كۈنى ، خۇشال بولۇپ سۆيۈنەي ،
نادانلىغىڭ قېينىدى ، ئۇچراشقاندا دەپ بېرەي ،
غەمسىز ياشا ئەبەدكە ، مەڭگۈ كۈلۈپ مۇشۇنداق ،
يېڭى يايرىڭ قۇچاقلا ، ئۇ دۇنيادا مەن كۈتەي .
     

 مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589