ئۆلەر بىر كۈنى
(ســــەۋدا)
ھارام مال يەپ قورساق سالغانلار،
مەزلۇملارنى زار يىغلاتقانلار،
ئاجىزلارنى بوزەك قىلغانلار،
بالىلارنى ئېلىپ قاچقانلار،
ئەجەل كېلىپ ئۆلەر بىركۈنى .
ياشاپ كەتتى جاھانغا پاتماي،
خەق رىزقىدىن قولىنى يىغماي،
ئاز كۆرۈندى يىغسىمۇ تالاي،
بىچارىنىڭ يېشىنى قورۇتماي،
قورساق سالدى يەپمۇ ھېچ قانماي،
ھارامخورلار ئۆلەر بىر كۈنى .
ياش ئاققۇزۇپ مەزلۇم كۆزىدىن،
ھەممە قورقسۇن دەيدۇ ئۆزىدىن،
دەريالارمۇ قۇرار دەستىدىن ،
تىكەن ئۈنەر باسقان ئىزىدىن،
زالىملارمۇ ئۆلەر بىر كۈنى .
ۋەيران قىلدى گۈلدەك ئۆيلەرنى،
يۇلۇپ ئالدى ياش غۇنچىلەرنى،
ئېلىپ-ساتتى سەبىي بالىلارنى،
ئەگرى قىلدى تۈز نوتىلارنى ،
بۇ ئوغرىلار ئۆلەر بىر كۈنى .
باقى ئەمەس تۆت كۈنلۈك ئالەم،
ئىلاھ ئەمەس ئازىدۇ ئادەم،
يارقىل ئۆزۈڭ تەۋبىنى ھەردەم،
توغرا بولسۇن باسقان ھەر قەدەم،
غادايمىغىن ،ياشىغىن ئەردەم،
ئىنسان ئۆلەر ھامان بىر كۈنى .
109 قېتىم كۆرۈلدى | sawda0903 | ئەسەر يوللىغۇچى : | |
2016-10-21 20:26:29 | :يوللانغان ۋاقتى |
2016-10-22 21:41:44 | rana |
yahxi yizipsiz apirin |
2016-10-22 20:34:47 | رازىيە |
ياخشى ، ئىنشائاللا داۋاملىق تىرىشىڭ |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|