مەن قىرىققا كىرىپ قاپتىمەن

گۈلشىرە تۇرسۇن كۆكبېشى  

ئەللەي ناخشاڭ قۇلاق  تۈۋىمدە ،
ئېيتقىن ئانا كۆنۈپ قاپتىمەن ،
كونا بۆشۈك "بالىسى "ئىدىم ،
بۈگۈن مانا چوڭ بوپ قاپتىمەن.

گۆدەك ئىدىم ئىش ئۇقمايدىغان ،
بۈگۈن ئەقىل تېپىپ قاپتىمەن ،
جىدەلخورلۇق قىلغانمۇ ئىدىم ،
ئەمدى ئويلاپ كۈلۈپ ساپتىمەن،

بالىلىقتىن خوشلاشماي تۇرۇپ ،
دادىسى يوق بولۇپ قاپتىمەن،
ئاتا قەدرى ئۆتۈلگەن بۇدەم ،
قەۋرىستاندا يۈرۈپ قاپتىمەن …

تۇرمۇش ئۈچۈن يەڭنى تۈرگەندە ،
ئەجەپ باتۇر بولۇپ قاپتىمەن ،
ئاجىز ئىدى ئەسلى ئايال زات،
مەن ئەركەكتەك ئىشلەپ  قاپتىمەن .

كۆكلەم پەسلى سۈبھى تاڭ پەيتى ،
ئىڭڭە بىلەن كۆز ئىچىپتىمەن،
ئۆتۈپ  شۇنداق باھار قىش ،يازىم ،
مەن قىرىققا كىرىپ قاپتىمەن.

2017-4-5