قانداق قىلاي
ئەجەپ قاتتى بۇ بېشىم ،
ئەمدى مەن قانداق قىلاي.
يۈرەك بولدى قان زەرداپ ،
ئەمدى مەن قانداق قىلاي .
سۆيگەن گۈزەلدۇر سۈيۈلگەن ئەلا ،
سۆيگۈسىز ھاياتتا نە بۇلۇر مەنا .
ساداقەت ۋاپادىن ئېچىلسۇن رەنا ،
بىلمىدىم ئەمدى مەن قانداق قىلاي .
سىنى دەپ يۈرگەنتىم بۇلۇپ كۆپ سەرسان ،
ۋىسالىڭ يەتمەكنى قىلىپ ھەم ئارمان .
پىچاق سۈڭەككە يەتكەندە قالمىدى دەرمان ،
بىلمىدىم ئەمدى مەن قانداق قىلاي .
دەسلەپتە ئۈزۈڭگە مىنى يار قىلدىڭ ،
زىرىككەن چېغىڭدا يەنە زار قىلدىڭ .
ئۆزگىنى قولتۇقلاپ مىنى خار قىلدىڭ ،
بىلمىدىم ئەمدى مەن قانداق قىلاي .
ئۆزگىدىن ئازارلار يىگەندە دىلىڭ ،
ۋاپانىڭ قەدرىنى شۇ چاغ سەن بىلدىڭ .
ئېيتقىنا نە ئۈچۈن ئالدىمغا كەلدىڭ ،
بىلمىدىم ئەمدى مەن قانداق قىلاي .
ۋاز كىچەي دىسەم مەن يۈرەكتە ئارمان ،
ۋە لىكىن سۆيگۈدىن قەلبىمدە گۇمان .
قىينايدۇ يۈرەكنى پىنھان بىر چۇقان ،
بىلمىدىم ئەمدى مەن قانداق قىلاي .
شازادەم مەممەت « شەبنەم »
ئۇچتۇرپان ئاخيار
كەچ 2015 , 10 , 1
ئەمگىكىمىزگە ھۆرمەت قىلىڭ
| 209 قېتىم كۆرۈلدى | شازادەم مەممەت | ئەسەر يوللىغۇچى : | |
| 2015-10-4 0:18:37 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
