شۇنداقمىدۇ سۆيگۈ ئەسلىدە

تۇرانىسا يولۋاس

ئۈن - تىنسىزلا ئۆچتۈڭ ئوڭۇمدىن،
خىياللىرىم يىگانە سەندە .
تۈنلىرىمدە قالدۇردۇڭ يالغۇز،
سەنسىز خۇشال كۈنلىرىم نەدە؟...

ھەققىم بارمۇ رەنجىشكە سەندىن،
كۆيۈپ  سۆيگەن گۇناھ ئۆزۈمدە .
نەھالدا مەن قالدىم،بىلمىدىم،
چوغلىنىسەن روھىمدا،تەندە .

گەر سورىساڭ" كۆيگەن يامانمۇ؟" ،
كۆنگەن يامان دەيدىكەن ھەممە .
كۆيۈپ قالما،كۆنۈپمۇ قالما،
قىينىلىسەن قالىسەن غەمدە .

پاك يۈرىكىم  ئۆرتەنسىمۇ گەر،
بىرلا سىماھ ئوتلۇق قەلبىمدە. .
كىمدىن سوراي ، نە سەۋەپ ئىزدەي،
شۇنداقمىدۇ سۆيگۈ ئەسلىدە؟.....

ئاپتور :قەشقەر پوسكام ناھىيىسدىن

2017-5-11
     

تەھرىرى:مۇھەممەدتوختى سەببەت 

مۇھەررىر:ئابدۇقەييۇمجان ئابدۇسادىرى