گۈلۈمگە خەت

ئەكبەر ئىدرىس ئەرچىن

ئاھ ، كىتىشىڭنى  بىلىپ تۇرساممۇ ،
بارالمىدىم گۈلۈم يىنىڭغا .
سىغىنىشنىڭ چىكىگە يەتسەڭ ،
بولالمىدىم مەلھەم دىلىڭغا .

زىنھار ساڭا قىيمايدۇ كۆزۈم ،
دىيەلمەيمەن ساڭا خوش گۈلۈم .
تىنىقىمنى ئەتسەڭ سەن داۋام ،
قورقۇتماقتا مىنى ئاھ ، ئۆلۈم .

ئۆتمەكتە كۈن ئايلارنى قوغلاپ ،
مەن ناتونۇش سوغۇق شەھەردە .
گەر كۈلسىمۇ كۆزۈمدە ھىجران ،
ئۈمۈدلۈكمەن ھەر بىر سەھەردە  .

كىرپىكىڭدىن ھەسرەتلەرگە ئوق ئاتقىن ،
تەلۋىلىكىم باردۇر سىنىڭ قىنىڭدا .
ئەگمەي ياشا ھىجرانلارغا قەددىڭنى ،
چىچەك ئاچسۇن قەيسەرلىكىم جىنىڭدا .

ۋىسال ئۈچۈن ياشاپ كەلدۇق تالاي كۈن ،
ئاز كۈنگىمۇ بىرەلەيمىز ھەم بەرداش .
ئىشەن  شۇ كۈن بىزگىمۇ تاڭ ئاتىدۇ ،
قۇتلۇقلايدۇ تويىمىزنى زەر قۇياش …

R  گۈلچىنگە بىغىشلايمەن
2016.يىلى 8.دىكابىر كۈيتۈن