توپا باسقان كىتاپ
ئاپتورى : ئابدۇللا ئابدۇلمەجىد ئۇچقۇن

***
ئەسلى ئۇيغۇر ئىدىغۇ كىتاپخۇمار بىر مىللەت ،
ئەمدىلىكتە بولۇپتۇ كىتاپخانا بەك خىلۋەت .
نەدىن يۇقتى خەلقىمگە كىتاپقا ئۆچ بۇ ئىللەت ،
كىتاپلىرمىز ئۈستىگە توپا چاڭلار قونۇپتۇ .
***

قول قوللاردا يان تېلفۇن كىتاپخانا قۇپ قۇرۇق ،
ئاقىللارمۇ پەرۋاسىز  ئاڭا بەرمەس يوليورۇق ،
تېلفۇنلارنىڭ نۇرىدا قارا يۈزلەر بولۇپ يورۇق ،
كىتاپلىرىمىز ئۈستىگە توپا چاڭلار قونۇپتۇ .
***

بىرلا  ئاپتۇ جاھاننى تېلفۇننىڭ ئەڭ نوچىسى ،
كىشلەرگە بەك  يېقىن ئەيىش-ئىشىرەت كوچسى.
كىتاپخۇمار دوسلۇرۇم بوپتۇ زامان كونىسى ،
كىتاپلىرىمىز ئۈستىگە توپا چاڭلار قونۇپتۇ .
***

كىشلەر بوپتۇ تېلۋىزور كىنولارغا مەستانە ،
ئىچىم ئاغرىپ بۇلارغا بولۇپ قالدىم ھەيرانە .
كىتاپ ئالماي قولىغا  ئەجەپ  بوپتۇ ۋەيرانە ،
كىتاپلىرمىز ئۈستىگە توپا چاڭلار قونۇپتۇ .

***
كىتاپخانا ئوخشاپتۇ ئادەمسىز بىر مازارغا ،
بەزمىخانا ئايلىنىپ ھەممە كېلەر بازارغا .
ئاتلىنىپتۇھەممىسى  پۇل مال دۇنيا قازارغا،
كىتاپلىرمىز ئۈستىگە توپا چاڭلار قونۇپتۇ .
***

كىتاپخۇمار دوسلۇرۇم كەپتۇ قاخشاپ يېنىمغا ،
مەتۇ دەيدۇ خەق بىزنى چىدىمىدۇق بۇنىڭغا ،
نېمىشقىكىن دەپتىمەن دەپتۇ كىتاپ ئوقىغانغا ،
كىتاپلىرمىز ئۈستىگە توپا چاڭلار قونۇپتۇ .
***

سەبىرلەرنى تىلىدىم ئۇشبۇ دوستۇم ئۆزىگە ،
مەتۇ دېگەن ئىنساننىڭ قارغۇم كەلدى كۆزىگە .
ئۇچراپ قالسا ناۋادا تۈكۈرۈپ ئۆتەي يۈزىگە ،
كىتاپلىرمىز ئۈستىگە توپا چاڭلار قونۇپتۇ .
***

خەلىقمدىن كىتاپخۇمار قالمىسۇن ھەرگىز ئازلاپ ،
كىتاپلارنى ئاسرىماي  قالمايلى كۆزلەر  ياشلاپ .
قولىمىزغا ئېلىپ كىتاپ ئوقۇيلى ھەر كۈن تازلاپ،
كىتاپلىرمىز ئۈستىگە توپا   چاڭلار   قونۇپتۇ .

2016.11.30        ئۈرۈمچى     كەچ    1:30

كىتاپلىرمىز ھەرگىز غېرىپ بولۇپ توپا بېسىپ قالمىسۇن ئەزىز قېرىنداشلار ! تارقىتىپ قويۇڭلار !