ئاتام قېنى سېغىنغىنىمدا

ئېلىجان ئابدۇكىرەم

بىلمەپتتىمەن نادانلىقىمدا،
ئاتام تۇرسا ھەردەم قېشىمدا.
ئەمدى ئەقىل تاپقان چېغىمدا،
ئاتام قېنى سېغىنغىنىمدا .

ئاتا دېسەم ئاتام كەلمىدى،
ھايات يولى كۆزۈم نەملىدى.
دەرت ئەلەملەر ئارام بەرمىدى،
ئاتام قېنى سېغىنغىنىمدا .

بىلمەپتىمەن قەدرىنى بىرچاغ،
مىنىڭ ئۈچۈن ياساپتىكەن باغ.
مەڭگۈ ئوچمەس قەلبىمدىكى داغ،
ئاتام قېنى سېغىنغىنىمدا .

پۇلمۇ تاپتىم گاھى يوقاتتىم،
دەرت ئەلەمگە، ھەسرەتكە پاتتىم.
يېتىملىكنىڭ دەردىنى تارتتىم،
ئاتام قېنى سېغىنغىنىمدا .

ئاتام ئىكەن بىر ئۇلۇغ ئىنسان،
بولسىمۇ گەر جاپاكەش دېھقان.
ئاتام كېتىپ بولدۇمغو نىمجان،
ئاتام قېنى سېغىنغىنىمدا .

ئۆزگىلەرنىڭ ئاتسى باركەن،
خۇشاللىققا كۈندە يارئىكەن.
ئاتسى يوق مەندەك خارئىكەن،
ئاتام قېنى سېغىنغىنىمدا .

ئۈندىدار 2318334127

2016...9...18