لەھەتتىكى تۇيغۇ
ئاپتۇرى : قاسماق
نەسىر
2-قىسىم
جىنىم ، مانا كۆمۈلگۈنىمگە ھەش - پەش دىگۈچە ئىككى كۈن بوپتۇ . مەندىن قۇتۇلۇپ شۇنداق ياخشى ياشاۋاتقانسەن ھە ، مەنمۇ ھەر ھالدا ياخشى ، ئازاپ مالائىكىلىرى ياخشى قاراۋاتىدۇ . ئۇلارنىڭ ئالدىرماي قىيناش ئۇسۇلى تۇنجى كۈنىلا كۈچىنى كۆرسەتتى .لېكىن خىيالىمدا سەن بىلەن ياشاۋاتقاچقا بۇلار ماڭا ھىچ تەسىر قىلمايۋاتاتتى ، شۇڭىلاشقىمۇ ئۇلارنىڭ قىلىقلىرىغا ھە دەپ كۈلۈپلا قوياتتىم . چۈنكى بۇ ئازاپلارنى خىيالىمدىكى تۈگۈمەس كۆڭۈللۈك مىنۇتلارتەرپىدىن يوقۇلۇپ كىتەتتى . ئادەم شۇنداق بولىدىكەن ......
بۈگۈن تۇنجى قېتىم سوراق قىلىندىم ، باشقا بىرى ئەمەس ۋىجدانىم تەرپىدىن . ناشقا نەرسىگە ئەمەس سىنى قەدىرلىمىگىنىمگە شۇنداق پۇشايمان قىلغۇزۋەتتى . بىلەمسەن ، بۈگۈن بالىلار بايرىمى . ئەگەر ئىككىمىزنىڭ دۇنياسىنى تۇتاشتۇرىدىغان ئىلاھىي قۇدرەت بولسا ئىدى ساڭا شۇنداقلا سوغاتلارنى ئىلىپ بەرگۈم بار لېكىن ، ئارمانغا چۇشلۇق دەرمان يوق . يىنىمدا تىيىنىڭ سۇنىقى يوق ، ھەم يەنە باشقىلاردىن تىزلىنىپ تۇرۇپ دىگۈدەك تىلەپ ئالغان سوۋغىتىمنىڭ مۇبارەك قوللىرىڭنى مەينەت قىلىۋىتىشىدىن قورۇقتۇم . ئەنسىرمە بۇ يەردە ياخشى تۇرىمەنكە ، يىيىشلىرىم « يەرلىك ئۈگرە » لەر ، سوغۇق تۇربا سۇلىرى . مەن ئىلگىرى يوشۇرۇن ۋە ئاسكارە كۆنۈپ كەتكەنمۇ ئۇنىڭغىمۇ تىزلا كۆنىۋالدىم ، مىنىڭ قەيەر بولسا كۆنۈپ كىتىدىغىنىنى بىلىسەنغۇ .
تەقدىر شۇنداق بولسا كىرەك بىرمەزگىل بىلدۈرۈپلا ئايرىيدىكەن ، سەن خالا ياكى خالىما ئامالىڭ يوقكەن .لېكىن خىيالەن ياشاش شۇنچە شىرىن ئىكەن بىر ئۆمۈر ، شۇنداق ياشاشقا رازىي بولىدىكەنسەن ھەممىنى ئىچىڭگە سىڭدۈرۋىتىدىكەنسەن ، بەلكىم بۇ مۇھاببەتنىڭ ساماۋىي قۇدرەتلىرىدىن بولسا كېرەك
لېكىن ئەنسىرمە ، مەن قانچىلىك قىينىلاي سىنىڭ بەختىڭگە توسقۇنلۇق قىلمايمىن ....
قىزىق ، بۈگۈن ھەر قىتىم خىيال ئەينىكىمنى ئاچقاندا سەن چىقارغان شۇ ئىسىل بالىنىڭ سۈرىتى ئايان بولىدۇ . قاراپ - قاراپ ئۆزۈمدىن ، مەينەتلىكىمدىن نومۇس قىپ كىتىمەن . لېكىن ئۆزۈمنى تاشلىۋەتمەيمەن پەقەت كۈنلەرنىڭ بىرىدە سېنىڭ كېلىپ مىنىڭ بۇ زەئىپ تىنىمنى بۇ لەھەتتىن ئىلىپ چىقىپ كېتىشىڭنى ساقلايمەن ، تىرىشىمەن ، لېكىن سىنى ئاۋارە قىلمايمەن .....
( شۈكرى ، بۈگۈن يەنە قولۇمغا قەلەم ئالغىدەك نىجاتلىق تاپقىنىمدىن خۇرسەن مەن ، كىيىنكى قىسمى ئەتە چىقارمۇ ، يا ئۆگۈنمۇ بىلمەيمەن ، پەقەت نىسىپ قىلسا ئۆمۈرلۈك ئەسەر قىلىشقا تەييارلىق قىلىمەن )
ئاپتۇرى : قاسماق
2017- يىلى 6-ئاينىڭ 1- كۈنى ، ئۈرۈمچى
مۇھەرىر : ئابدۇقەييۇمجان ئابدۇسادىرى
ئۈندىدار : 2041420589
159 قېتىم كۆرۈلدى | kasmak | ئەسەر يوللىغۇچى : | |
2017-6-2 2:19:56 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|