سەۋدالىق سەترىلىرى

ئاپتۇرى : سەۋدا

2-            قىسىم

كىرپىكىمدىن تۆكىلدى بىر تال ،

يەنە مېنى سىغىندىڭمۇ يار .

سىغىن دىمغۇ سىغىنىشىڭنى ،

ئەسلىشىڭگە بولۇپ ئىنتىزار .

سىغىنىشلار سۆيگۈدىن دىرەك ،

ئاجىز ئىڭرار ھىجراندا يۈرەك .

ۋىساللارغا تەشنا ئاشىقلار ،

سەنمۇ ۋىسال ئىزدىسەڭ كېرەك .

                                                                                                                                                          سەدەف 

 بۈگۈن يەنە چۈشلىرىمگە كىردىڭ جانىم . ئوتلۇق ھىسلىرىڭ ،  ئىللىق تىنىقلىرىڭ بىلەن ، بىلەمسەن سەدەف ، سۆيگىنىڭ ھىجرانلىق قىيناشلىرىدا قانچە كىچىلەرنى ئۇيقىسىز ، سەن بىلەن خىيالەن بىقىشىپ ئۆتكۈزگىنىمنى بىر تەڭرىدىن باشقا ھىچ كىشى بىلمەس . مېنىڭ سەۋدالىقىمنى بىلىسەن جانىم ، سۆيگۈ دىگەن ئاجىيىپ بولىدىكەن . ئىلگىرى « لەيلى – مەجنۇن » داستانىدىكى شۇ سۆيگۈ بىلەن سۇغۇرىلغان قۇرلارنى ئوقۇغىنىمدا خىيال قەسىرىمدە سەيىر قىلغىنىم ئىسىمدە ، مانا ھازىر بولسا سېنىڭ سۆيگۈ سۇلتانلىقىڭدا دۇلدۇل كەبىي چىپىپ يۈرمەكتىمەن .

  مەن خىيالىمدا سەن بىلەن ئىلگىركى كۈنلەرنى ۋە ۋىسال دەقىقىلىرىمىزنى خىيال قىلىمەن جانىم.

شۇ خىيالىرىمدا قاغجىرغان ، سېنى ئەسەبىلەرچە سىغىنغان شۇ يۈرۈكىمگە ۋىسال شااپلىرىنى ئىزدەيمەن . بۇ كىچە چۈشلىرىندە سېنى كۆردۈم ، ھىدىڭنى ھىدلىدىم ، جىسمىڭنى تۇتىيا بىلىپ كۆزۈمگە سۈرتتۈم . يۈرەكلىرىم شادلاندى ، كۆڭلىم لال بولدى ، يۈرىكىم ئىرىدى . شۇنچە خوش بولدۇم ، سەندىن شۇنچە سۆيۈندىم ، چۈشلىرىمدە بولسىمۇ ئەسرالىشىش پۇرسىتى بەرگىنىڭگە تۈمەن مىڭلاپ رەھمەتلەرنى ئىيتتىم . تاتلىق شۇ ھىسلارنىڭ ئىلكىدە قانچىلقىك ئەلەيلەنگىنىمنى ئۇقمايمەن . بىلەمسەن ، شۇ ۋاقىتتا سېنىڭ « ئەلەي » دەپ چاقىرىشلىرىڭنى بەكمۇ سىغىندىم .

  ھازىرقى ھىسياتىمنى قانداق ئىپادىلەشنى ئۇقمايمەن جىنىم . ھىسياتىمغا سۆزلىرىم كار قىلمايدۇ، تۇيغۇلىرىم ھىچ نەرسىگە پىسەت قىلمايدۇ . بايا چۆچۈپ ئويغىنىپ كەتكەندىن بىرى قولۇمدا قەلەم ، ياتاقنىڭ دەرىزىسىدىن چۈشكەن ئاينىڭ مىسران يورىقىدا ئۆز زىكىرلىرىمنى بايان قىلماقتا مەن . تۇيغىلىرىم  قەلەم بىلەن تۇتاش ، يۈرەكلىرىم سەن بىلەن ! گەرچە كۈندە نەچە رەت ئاچازىڭنى ، شۇ ئابىي ھايات كەبىي تىنىقلىرىڭنى روھىم بىلەن ئاڭلاۋاتقان بولساممۇ زادىلا قانمايمەن ، تىنماي ئاڭلىغىم ، ئىللىق قۇچىقىڭدا سەن دائىم ئىيتىدىغان « ئەللەي » كەبىي يىتىۋالغۇم كېلىدۇ . ئەپسۇس سەن يوق . تەقدىر قىسمەتلىرىمىز ماكان ئۇقۇمى ئارقىلىق بىزنى ئايرىپ تۇرىۋاتقان بۇلسىمۇ يۈرىكىمىز ئالىبۇرۇن بىرلىشىپ ، تىنىقىرىمىز قوشۇلۇپ كەتكەن ، ھىچ قانداق كۈچ ئارىۋىتەلمىگىدەك دەرىجىدە .

  ئىسىمدە جىنىم . سەن يىنىمدا ۋاقتىڭدا ، ئازاپلانماڭ ، ئىشلارنى جايىدا قىلىڭ دەپ نەسىھەت قىلغان ئىدىڭ . ئىشلىرىمنىغۇ رەت – رىتى بىلەن قىلۋاتىمەن ، لېكىن ئازاپ ئۇچقىنلىرىدىن خالىي بولالمىدىم . ئىشلىرىمدىن بىكار بولساملا سەن بىلەن خىيالەن ئەسرالىشىپ ، مىھىرلىك بىقىشىپ .....

   مەن قانداقمۇ ئازاپلانماي ياشاي . شۇ ئازاپلىرىم سېنى كۈتىدىغان تۇرسام ! سسەن يوق خۇشلاىقنىڭ مەن نە كىرىكى ؟!!! بىلەمسەن ، كىلىشىڭنى شۇنداق ساقلاۋاتىمەن ، مىھرىم بىلەن باغرىمغا بىسىۋالسام ، ھىچ بولمىسا تىنىقىڭنى بولسىمۇ ھىدلىۋالسام ئازاپلىرىم يوقالغان بولاتتى. 

كونىلار « سىنالغان سۆيگۈ ئەڭ قەدىرلىك » دەيدىكەن ، بۇمۇ شۇ سىناقلار جۇملىسىدىن بولسا كېرەك . خەيىر ، شۇ سىناقلارغا شۇ سەۋدالىقىم بىلەن بەرداشلىق بىرىمەن . جانىم سەدەف تەڭرىدىن ھەر بىر قەدىمىڭنىڭ مەرھەمەتلىك بولىشىنى تىلەپ ....

                                                                                                                                                                                                  سەۋدا   

2017- يىلى 6- ئاينىڭ 19- كۈنى تۈن يىرىم ، ئۈرۈمچى

مۇھەرىر : ئابدۇقەييۇمجان ئابدۇسادىرى

ئۈندىدار  : 2042420589

ئەسكەرتىش : ئەسەرلەرنى تورىمىز ۋە ئاپتۇرنىڭ ماقۇلىقىنى ئالماي ھەر قانداق مەدبۇئات ئورۇنلىرى ، توربەت ، سالۇنلارنىڭ خالىغانچە تارقىتىشىغا يول قويۇلمايدۇ . ئەگەر شۇنداق ئەھۋاللار بايقالسا بارلىق ئاقىۋەتكە تارقاتقۇچى تەرەپ مەسئۇل بولىدۇ !!