سوقسا يۈرەك ، يېراقلاردا ، قىلىپ خىيال
تۇرغۇن راخمان ( كەمتەر)

يىراقلاردىن ئۇچۇپ كەلسە ، جانان كۈلۈپ ،
يايرىمامتى يۈرەكلىرىم ، ئەركىن سوقۇپ .
خىياللىرىم ئەگىدىغۇ ، ھېچ بىلمىدېڭ ،
ياشىسامكەن ، بىر سېنىلا مەڭگۈ سۆيۈپ .

سۆيدۈم دېسەم خۇشال بولماي ، سۈكۈت قىلدېڭ ،
سۈزۈك ئىدى گويا قەلبىم ، ئېشىۋالدېڭ ،
ھايات رەڭدار ، بىر كۈلۈپ باق تەشۋېشلەنمەي ،
سۆيۈپ تۇرۇپ ، بىلمەسلىككە سېلىۋالدېڭ .

ئاچچىق بولسا يۈرەكلىرىڭ ، تاتلىق بېرەي ،
ئاخشام يازغان شېئېرلارنى ، ئوقۇپ بېرەي ،
ھايات چەكلىك ، ئالتە كۈنلۈك ياشلىق بىلسەڭ ،
چىن دىلىمدىن قىزىل گۈللەر ، سۇنۇپ بېرەي .

تۈنۈگۈنكى چۈشلىرىمنى ، ئېيتىپ بېرەي ،
ئاشىق بولۇپ يۈرگىنىمدە ، كۈلۈپ بېرەي ،
ھېسلىرىمنى بىلەلمىدىڭ ، نادان بولغاچ ،
ئىشەنمىسەڭ ، يۈرۈگۈمنى يېرىپ بېرەي .

ئىلھامىمنى بوغۇپ قويدۇڭ ، تاش يۈرەك قىز ،
ئۇۋال قىلما سېلىپ ئازاپ ، بىل نادان قىز ،
بىيىت توقاي ساڭا ئاتاپ ، يۈرەك كۈلسۈن ،
تەشنا يۈرەك ، بىلمىدېڭمۇ ؟ ئەي بېغەم قىز .

سوقسا يۈرەك يېراقلاردا ، قىلىپ خېيال ،
سەزمىدىغۇ تاشيۈرەكلەر ، قويۇپ سۇئال ،
بەك قېينالدىم ، بىغەم بولغاچ ئەزدى يۈرەك ،
نادان قىزچاق ، سۆيگۈلەرگە نىمە ئامال .
     

تەھرىرلىگۈچى : ئابلىمىتجان ۋاھاپ 

ئۈندىدار :qq1165181317

مۇھەررىر: ئابدۇقەييۇمجان ئابدۇسادىرى 

ئۈندىدار :2041420589