نەپرەتمۇ يا مۇھەببەت 

 ئادىل شەلپەر

بۇ ئالەم ئۇنچىۋالا كەڭرى ئەمەس،
تاساددىبىي ئۇچرىشارمىز ھامان بىر كۈن.
كۆزلىرىمدىن نەپرەت نۇرى ئوخچۇپ تۇرار،
بىلەمسەنكىن بىلمەمسەنكىن بۇ نىم ئۈچۈن؟…

ئەگەر بىز تاساددىبىي ئۇچراشقاندا،
ئەپقاچىمەن كۆزلىرىمنى كۆزلىرىڭدىن .
يۈرۈگۈمدىن چىقار سادا تېز كەتكەن دەپ،
چۈنكى بىلمە سەن قەلبىمنىڭ سىرلىرىدىن.

پىنھان ئارزۇ قالسۇن مۇشۇ خاتىرەمدە،
ئويلايمەن دائىم سېنى ئۆز خانەمدە.
مەنمۇ بار ھەم چوقۇم ئىشقى مەزھىپىدە،  
مۇھەببىتىم مەڭگۈ يالقۇن يۈرۈگۈمدە…