ئازاپلانما، ئەنە شۇنداق دۇنيا بۇ

 زۆھرە

ئولتۇرۇپسەن ئاپپاق بۇلۇت ئۈستىدە ،
ئىڭەك يۆلەپ غەمگە چۆكۈپ، مۇڭلۇنۇپ .
چىرايلىرىڭ سامان كەبى سارغايغان ،
كۆزلىرىڭگە تارام -تارام ياش تولۇپ .

ئېيتقىن گۈزەل، دىلى يۇمشاق دىلبىرىم،
نە ئازاپتۇر سېنى بۇنچە قىينىغان؟
ياكى دوستۇڭ ئايلاندىمۇ رەقىپكە ،
ئىتتەك تالاپ ئەقىدەڭنى ئۇنتۇغان ؟

ئازاپلانما، ئەنە شۇنداق دۇنيا بۇ،
ئادەم تولا، ئادىمىيلىك يوقالغان .
نەپسى ئۈچۈن ئازغىنە نەپ ئالدىدا ،
مۇھەببەتلىك يۈرەكلەرنى خۇن قىلغان .

پىكىر تەكلىپلەر  بولسا قالدۇرۇپ قويسىڭىز بوپتىكەن ،رەھمەت!