قەلبىم يىغلايدۇ
ئابلىمىت ئوسمان (مەرىپەت ئوغلى)
سۆيدۈم ،سۆيۈپ كەلدىم ساداقەت بىلەن،
ۋىسالسىز ئەلەمدە يىللار ئۆتسىمۇ.
كەلمىدىڭ ئاي كەبى رۇخسارىڭ بىلەن،
كۆز يېشى پايانداز، يارىڭ كۈتسىمۇ.
توزغاقتەك تۇزىدى جىسمىم-ۋۇجۇدۇم،
يۈرۈگۈم چوغ كەبى كۆيەر شۇ قەدەر .
سۆيگۈمدە قان يىغلاپ تۈن كېچەلەردە ،
سەنسىز ھەر تېنىقىم بولدى بىر زەھەر.
پەسەيمەس بىرساڭا باغلانغان ئىشقىم ،
كۈلگەن شۇ سىمايىڭ يۈرەك تىلغايدۇ.
تۇتاشسۇن ساڭىمۇ ئۆزۈڭ سالغان ئوت،
رەھىم قىل جېنىمغا،قەلبىم يىغلايدۇ.
192 قېتىم كۆرۈلدى | maripatoghl | ئەسەر يوللىغۇچى : | |
2016-3-27 19:32:19 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|