ئۇكام بار

ئابدۇمىجىت ئىمام غۇلجامنىڭ <ئاكام بار> ناملىق شىئىرغا مۇشائىرە

 ئىمام مۇھەممەت ۋولقان

 ئۇكام دىسەم لەببەي دەپ سەكرەپ تۇرار ئۇكام بار،

 مىنى ھەر چاغ ياد ئىتىپ ئەسلەپ تۇرار ئۇكام بار .

 ئازار يەتسە بىراۋدىن بوزەك ئەتسە زوراۋان ،

 ئاڭا قىلىچ بوينىغا تەڭلەپ تۇرار ئۇكام بار .

ئاشماق بۇلۇپ تاغ داۋان چىقىپ قالسام سەپەرگە ،

 تۇقۇپ ئاغماق ئېتىنى تەقلەپ تۇرار ئۇكام بار .

 قايتىپ كەلسەم سەپەردىن ئۇسسۇزلۇقتا ئاشلىقتا ،

 قىلىپ شورپا داستىخان نەقلەپ تۇرار ئۇكام بار .

چۈشسە ئەگەر بېشىمغا ئېغىر كۈلپەت ئازارلەر ،

 غەملىرىمنىڭ غېمىنى غەملەپ تۇرار ئۇكام بار .

ھەممىمىزدە بار ئەجەل كىتىپ قالسام دۇنيادىن ،

 ھەر كۈن تۇپراق بېشىمدا دۇئا ئەيلەپ ئۇكام بار .