ساراڭ ئاشىق

يۈسۈپجان سايرامى (زىنھار)

خاپا بولۇپ قىيداشلىرىڭغا ئاشىق بوپتىمەن،
تاتلىق تاتلىق كۈلۈشلىرىڭگە ئاشىق بوپتىمەن.
سەھەر شامىلى سۈيۈپ ئۆتسە يۈزلىرىڭنى ،
گۈلدەك چىراي ئاي ھۆسنىڭگە ئاشىق بوپتىمەن.

قاراپ قالىمەن سەن قارىماستا كۆزلىرىڭگە،
ئالتۇن بۇلاقتەك كۆزلىرىڭگە ئاشىق بوپتىمەن.
خەت يازسام يا جاۋابىڭدىن ھېچ ئەسەر يوق ،
شۇ خىجىلچان يۈزلىرىڭگە ئاشىق بوپتىمەن .

خۇش ياقماس گەر بىراۋنىڭ شىكەر سۆزلىرى،
زەھەر بولسىمۇ سەن لەيلىگە ئاشىق بوپتىمەن .
بىلىپ تۇرساممۇ سەن پەرۋاسىز يۈرگىنىڭنى ،
پايخان بولۇپ يار ئىشقىڭدا ئاشىق بوپتىمەن .

چۈشلىرىمدە ئايان بولسەن دائىم يېنىمدا ،
قوللىرىمنى سۇنۇپ كىتىمەن قالار ئۇپۇقتا .
ئويغىنىپلا ئايان بۇلار يەنە خىيالىمدا  ،
كۈلۈپ كىتىمەن ئۆزۈمچە ئاشىق بوپتىمەن .

دەيدىكەنمىش ئاشىقلىق ئۇ مەجنۇن ساراڭ ،
مەن ساراڭ ئاشىقلىققا ئاشىق بوپتىمەن  .
خىيالىم ، چۈشلىرىم ، ھېسلىرىم قايان  ،
ئۆزۈممۇ بىلمەي قالدىم ساراڭ بوپتىمەن .

2017-يىل 3-ئاينىڭ 20-كۈنى   كېچە
##ئاپتۇر ئەمگىكىگە ھۆرمەت قىلىڭ#