ئ‍ۈڭۈپ بارار خىيالىم رەڭگى

خەلچەم خېلىل 

ئ‍ۈڭۈپ بارار خىيالىم رەڭگى،
كۈزدە سۇلغان ئ‍اجىز ياپراقتەك،
تىتىلىدۇ  تەندە دەرمانىم،
شاخ ئ‍ۇچىدا قۇرىغان قاقتەك..

خىياللىرىم باشلىغان يەرگە،
تېرىغانتىم ئ‍ارمانلىرىمنى،
يىتەلمەستىن پەسلى باھارغا،
باغاشلىدىم سەرسانلىقىمنى.

چاچقا قونغان قىرو بىلەن تەڭ،
خىياللىرىم ساغىرىپ باردى،
ھۇسۇلى يوق ئ‍ارمانلار بىلەن،
ئ‍ۆمۈر يۇلۇم ھەجەپ قىسقاردى.

ئ‍ۈڭۈپ بارار خىيالىم رەڭگى،
ھالرەڭ كىيگەن چېغىمنى ئ‍ويلاپ،
ماڭماقتىمەن رەڭۋاز ھاياتنىڭ،
ھالسىرىغان يۇلىنى بويلاپ.

2016.11.27