قېزىپ چىقىش
مۇھەممەتجان ئەخەت (پېقىر)
تۇرۇپلا
ئۆزۈڭ قىلغان قىلغان ياخشى ئەمەللىرىڭگە،
بىراۋ ئۈچۈن ياخشى تىلەك بىلدۈرگىنىڭگە،
قىلىپ كەتكەن ئەقىدە ئىخلاسلىرىڭغا،
كۈلۈپ كىتسەن...
بەلكى بۇ پۇشايمان ياكى ھاياجان.
تۇيۇقسىز
ئۆزۈڭ سۆيگەن بىرىنى،
سېنى سۆيگەن بىرىنى،
ھەممىنى
دۇنيانى تەرىك ئەتكۈڭ كىلىدۇ.
...
تەكشى يولدا ئىگىز-پەس مېڭىپ،
ئەگرى-بۈگرى ئىز سالسام دەيسەن.
...
بەزىدە ياخشى ئادەم بولغىنىڭغا ئۆكۈنۈپ،
قەلبىڭدىكى ئېھتىيات سىزىقىڭنى بۆسۈپ،
ئەڭ رەزىل خىياللارنى قىلسەن.
يەنە...
ئۆزۈڭدىن ئۆزۈڭ زېرىكىپ،
يا ئامراقلىقىڭ كىلىپ،
ھېچنىمىگە پەرۋا قىلماي
قارشىلىققا،
نەسىھەتكە،
كۆڭۈل بۆلۈشكە،
ئەتراپتىكى راس-يالغانلارغا،
قاراپ سالماي كەتسەم دەيسەن.
ئۆزۈڭگە تەۋە ئازاپنى ئېلىپ،
نىسىپ بولمىغان بەخىتنى قويۇپ،
سوغۇق تۇپراق ئۈستىدە،
تىم-تىم يامغۇر ئاستىدا،
خىيالىڭنى قۇچاقلاپ ياتقۇڭ كىلىدۇ.
سۇ ئۈزۈشنى بىلمەيسەن
ئەمما ئۆزۈڭنى دەرياغا ئاتقۇڭ كىلىدۇ.
...
بۇ-دەل ھەقىقى ئۆزۈڭ...
2016/11/2 q
252 قېتىم كۆرۈلدى | pekir | ئەسەر يوللىغۇچى : | |
2016-11-2 21:58:27 | :يوللانغان ۋاقتى |
2016-11-5 2:07:12 | ali |
essel yezelgan xeerlakan |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|