سەن ئىدىڭ
 
 (چاچما شىئېر )
—ئابلىكىم ئابلەت (ئەرتۈرك )     

سەن ئىدىڭ ،
دىلىمنىڭ ئ‍ارامى سەن ئىدىڭ .
ھەر ئىشنىڭ قارارى سەن ئىدىڭ .
سەن بولغاچ مىنىڭمۇ ،
كۆڭلۈم توق ئىدى .
غىمىم   يوق ئ‍ىدى .
ئ‍ىلىشىم زوق ئىدى.
چاڭقىغان قەلبىممۇ ،
ئۇسسىغان جىسمىممۇ ،
پەقەت سەندىلا سۇغۇرۇلغان  .
شۇنى بىلمىدىم ئەمما ،
ساڭا قانداق بىر ھىكمەت يۇغۇرۇلغان .
سەن ئىدىڭ ،
خۇشاللىقىممۇ ،
ھەتتا ئ‍ازاپلىرىممۇ .
سەندە مىنىڭ ئۆتمۈشۈم يارالغان ،
خىلۋەت كوچىدا ،
كۆزلىرىڭ كۆزلىرىم بىلەن ئۇچراشقان ،
ئاندىن بىر- بىرىگە مىختەك قادالغان ،
ئەنە شۇ چاغدىن باشلاپ ،
قەلبىم سىنىڭ " ئ‍ىشىق " تۈرمەڭگە قامالغان .
...........
كۆزلىرىمگە قارا ----
سەن ئىدىڭ مىنى ئۆزۈڭگە كۆندۈرگەن .
قەلبىمگە قارا -----
سەن ئىدىڭ مىنى تىرىك پىتى ئۆلتۈرگەن .

  11-12-2016