شۇ ئانامنى كۈلسىكەن دەيمەن

ئىرشات مەمەت    

ئاق سۈت بىرىپ پەپىلەپ باققان،
ئەللەيلەردە قوشاقلار قاتقان.
ھالال بىقىپ قاتارغا قاتقان
شۇ ئانامنى كۈلسىكەن دەيمەن.

جاپالارنى بىزگە چاندۇرماي،
ئاچ قالسىمۇ بىزنى ئاچ قويماي.
ئۆزى تارتىپ بىزگە دەرت قويماي،
شۇ ئانامنى كۈلسىكەن دەيمەن.

ئۆزى كۆۋرۈك دەريادىن ئۆتسەك،
سىرداش بولۇپ دەردىمىز تۆكسەك.
خۇشال كۈلگەن پەللىگە يەتسەك
شۇ ئانامنى كۈلسىكەن دەيمەن.

جاپا چەكتىڭ بىزنى دەپ ئانا،
بالام دەپلا ياشايسەن يانا.
《جەننەت ئاناڭ》دەيدۇ بىر دانا،
شۇ ئانامنى كۈلسىكەن دەيمەن.